Nehimaia 12:31 - Edo Bible (E Baibol Ẹdo) Version 1996

³¹ I keghi si avbe ọkaolotu e Juda koko vbe uhunmwu ekẹn nii, I na ghae emwa nii ye otu nekhua eva ne iran gbe ukpukpẹ lẹga ẹvbo nii, ne iran gha kpọnmwẹ Osa. Otu ne okaro keghi gbe ẹe la obọ erhọmwa vbe uhunmwu ekẹn ni ghe odẹ Urho Iku.

Nehimaia 12:31 ပူးပေါင်းရင်းမြစ်များ

I Krọnikol 13:1

E Devid ne ọba ke gu avbe olotu arhin arriaisẹn kevbe iyisẹn zẹ iro.

I Krọnikol 28:1

E Devid ne ọba keghi wẹ ne avbe iran ni rre asẹ vbe otọ Izrẹl hia gha die Jerusalẹm. Rhunmwuda ọnii, iran ni rre asẹ vbe dọmwadẹ ẹwae, iran ni rre asẹ ni gbearoghe iwinna otọ arriọba nii, avbe ọkaolotu uniẹn, iran ni gbearoghe emwi ne ọba mwẹ kevbe emwirri ẹre kevbe avbe ivbi ẹre, ne a wa kha wẹ iran ni rre asẹ vbe ẹguae hia, avbe ivbiyokuo ni hin usi kevbe emwa kpataki hia na si koko vbe Jerusalẹm.

II Krọnikol 5:2

Ẹre Solomọn ne ọba na tie avbe ọkaolotu ọghe dọmwadẹ ẹgbẹe kevbe ẹwae ni rre Izrẹl ne iran do miẹn egbe vbe Jerusalẹm, ne iran do mu Ẹkpẹti Ile e Nọyaẹnmwa ke Zaiọn ne Ẹvbo e Devid gha rrie Ọgua Osa.

Nehimaia 12:32

E Hosiaia keghi lele iran ni so ihuan odieke vbene obọkpa vbe a gha wa avbe ọkaolotu Juda ye iheva na lele ẹe.

Nehimaia 12:38

Otu nọkpa ne ọ vbe kpọnmwẹ keghi laghe obọ iyọmwa lele uhunmwu ekẹn nii, mẹ keghi lele obọkpa vbe uwu iran na gha khian. Ma keghi si ukpukpẹ gberra Owa Ọkhẹ Ne gelete ọghe Aroewu kevbe ya sẹ Ekẹn Negbadaa.

Nehimaia 12:40

Erriọ ọ re otu eva na ni rhie ekpọnmwẹ ne Osanobua na do sẹ ehe ne Ọgua Osa ye. Vbe ọ ghi vbe lahin avbe ọkaolotu ni deba mwẹ rre,

Nehimaia 2:13

Asọn he ye nọ vbe ima la Onurho Iya ladian ore ẹvbo vbe obọ orrie, ma keghi khian ghe odẹ ekẹn, a na la Ẹzẹ Ugbogiorinmwi gberra gha rrie Onurho Otiku. Vbene I lae khian, I kegha ghe ehe ne ekẹn ẹvbo ni na guọghọ kevbe avbe onurho ne erhẹn giẹn uan.