Nehimaia 12:25 - Edo Bible (E Baibol Ẹdo) Version 1996

²⁵ Vbe uwu iran ni khẹ Ọgua Osa, iran na vbọ kegha re ni khẹ aza ni rre onurho Ọgua Osa, e Matanaia, e Bakbukaia, Obedaia, e Mẹsiulam, e Talmọn kevbe Akub.

Nehimaia 12:25 ပူးပေါင်းရင်းမြစ်များ

II Ọba 7:10

Rhunmwuda ọnii, iran na kpao hin agọ ivbi e Siria rre, iran na gha die Sameria, iran keghi datie avbe abodẹ ni rre onurho wẹẹ: “Ma ye agọ ivbi e Siria, ma ma miẹn ọmwa rhọkpa, a ma vbe họn ẹmwẹ ọmwa rhọkpa. A de avbe ẹsin ke ekẹtẹkẹtẹ ni rrọọ. Te avbe owa ukpọn he wa ye ye vbene ivbi e Siria ya sẹ ọe rae.”

I Krọnikol 23:32

A keghi vbe fian ẹre okhuo ne iran, ne iran gha gbe aro ghe Owa Ukpọn ne a ya rẹn ighẹ e Nọyaẹnmwa rre evba kevbe Ọgua Osa, kevbe ne iran vbe gha yi etẹn iran obọ ighẹ avbe ohẹn ni re ivbi uniẹn Errọn, vbe ẹghẹ ugamwẹ vbe Ọgua Osa.

I Krọnikol 26:12

A keghi ghae avbe ọgbalegbe Ọgua Osa ye otuotu zẹ vbe ẹgbẹe edọmwadẹ ọghọe a kevbe wa iwinna ne iran vbe uwu Ọgua Osa zẹ vbene a vbe wa ne avbe Livai nekpa.

I Krọnikol 26:15

Onurho odẹ ekẹn kegha re ọghe Obẹd Idọm, a na wẹ ne ivbi ẹre gha gbe aro ghe avbe aza.

I Krọnikol 26:17

Vbe odẹ ahọ vbọ, arhin ehan ọ re ọ gha khẹ odẹ ẹdẹgbegbe, enẹ vbe odẹ okuọ kevbe enẹ vbe odẹ ekẹn. A keghi viọ ọgbalegbe enẹ ye aza ẹdẹgbegbe. Eva vbe aza ọkpọkpa.

II Krọnikol 8:14

Zẹ vbene Devid ne erha ẹe mwamwa ẹn ye otọ, ọ keghi mwamwa iwinna ẹdẹ ọkpọkpa ọghe avbe ohẹn kevbe avbe Livai ni ru iyobọ ne avbe ohẹn vbe ihuan ne a so kevbe iwinna iran. Ọ keghi vbe mwamwa avbe iran ni khẹ Ọgua Osa ye dọmwadẹ oka ne iran gha ya gha winna iwinna iran vbe dọmwadẹ onurho, zẹ vbene Devid ne ọmwa Osanobua tae.

Aizaia 21:8

Odibo ne ọ bodẹ nii keghi kha wẹẹ, “Te I wa khẹ odẹ vbe ehe ne I ye ke ẹghẹ nii gha dee, asọn kevbe avan.”