Nehimaia 12:24 - Edo Bible (E Baibol Ẹdo) Version 1996

²⁴ Avbe Hasiabaia, e Siẹrebia, e Jesua, e Binnui kevbe Kadmiẹl keghi mu olotu ya ghae avbe Livai ye ọka. Ọka eva vbọ ghi gba gha so ihuan ne a rra ya rho Osanobua, iran ghi vbe gha kpọnmwẹ ọẹn, zẹ vbene ọ mwamwa ẹn ye otọ ighẹ Devid ne ọba, ne ọmwa Osanobua.

Nehimaia 12:24 ပူးပေါင်းရင်းမြစ်များ

I Ọba 17:24

Okhuo nii keghi wanniẹn wẹẹ, “Eban nian, I rẹnrẹn ighẹ ọmwa Osanobua ọ re u gele khin, kevbe wẹ Osanobua gele giọ uhunmwu vbe ne ẹmwata!”

I Krọnikol 16:4

E Devid keghi zẹlẹ eso vbe uwu avbe e Livai ne iran ru ugamwẹ e Nọyaẹnmwa ne Osanobua Izrẹl vbe odaro Ẹkpẹti Ile nii, vbe ekpa ne iran gha na gha so ihuan rho ẹre.

II Krọnikol 8:14

Zẹ vbene Devid ne erha ẹe mwamwa ẹn ye otọ, ọ keghi mwamwa iwinna ẹdẹ ọkpọkpa ọghe avbe ohẹn kevbe avbe Livai ni ru iyobọ ne avbe ohẹn vbe ihuan ne a so kevbe iwinna iran. Ọ keghi vbe mwamwa avbe iran ni khẹ Ọgua Osa ye dọmwadẹ oka ne iran gha ya gha winna iwinna iran vbe dọmwadẹ onurho, zẹ vbene Devid ne ọmwa Osanobua tae.

Ẹzra 2:40

Ẹwae avbe Livai ni ke iwe rre: E Jesua kevbe Kadmiẹl (ivbi uniẹn e Hedovaia) enẹ yan ekigbesiyenẹ (74) Ikpezikẹn Ọgua Osa (ivbi uniẹn Asaf) — erẹnrẹn yan iyehan (128) Iran ni khẹ Ọgua Osa (ivbi uniẹn e Sialọm, Ata, Talmọn, Akub, e Hatita kevbe Siohai) — ọkpa irrọ vbe ikiọkhọe (139)

Nehimaia 11:17

E Matanaia ne ovbi e Mika, ne ọ vbe re eyẹ e Zabdi ne ovbi uniẹn Asaf. Rẹn ọ re ọ viọ avbe ọsian Ọgua Osa mwẹ obọ ya so ihuan urhomwẹ. E Bakbukaia ne ọ gha yi e Matanaia obọ. Abda ne ovbi e Siamua, ne ọ vbe re eyẹ e Galal ne ovbi uniẹn e Jedutun.

Nehimaia 12:23

Sokpan, avbe ekaẹgbẹe uniẹn avbe Livai vbọ, ẹghẹ ọghe Jonatan ne eyẹ Eliasib ọ re a gbẹnnẹ ọẹn ye ebe ẹvbo sẹ.

Nehimaia 12:36

Emwa ẹwae ẹre ọvbehe kevbe lele ẹe, avbe Siemaia, Azarẹl, e Milali, e Gilalai, e Maai, e Netanẹl, e Juda kevbe Hanani iran na hia keghi viọ emwi ne a kpee mwẹ obọ, egbe ne Devid ne ọba ne ọmwa Osanobua ghaa kpee. Ẹzra ne ọ rẹn ebe dinmwi ọ re ọ viọ iran na mwẹ obọ gha khian.

Nehimaia 8:7

Iyekọni, iran keghi kpaegbe, iran na mudia ye ihẹ iran, avbe Livai keghi rhan otọ nene Uhi ma iran: e Jesua, e Bani, e Siẹrebia, e Jamin, Akub, e Siabetai, e Hodaia, e Maaseia, e Kelita, Azaraia, e Jozabad, e Hanan, kevbe Pelaia.

Nehimaia 9:4

Ekpatako ne a gbae yo ghe odukhunmwu kegha rrọ ne avbe Livai, avbe emwa na: E Jesua, e Bani, e Kadmiẹl, Siebanaia, Bunni, Siẹrebia, e Bani, kevbe Kienani, keghi mudia yan rẹn. Iran keghi tọn urhu mu ya na erhunmwu ghe e Nọyaẹnmwa ne Osanobua iran.

Diuteronomi 33:1

Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

II Timoti 3:17

Ne a miẹn ehe na miẹn wẹ, ọmwa ne ọ ga Osanobua ghi gha re ne a gbalọ ẹre egbe ye otọ, kevbe ne ọ sẹe ne ọ gha winna iwinna ne ọ maa hia.

Jọsua 14:6

Ivbi ẹwae Juda keghi bu e Jọsua gha dee vbe Gilgal, e Kelẹb ne ovbi Jefunẹ ne ovbi e Keniz keghi tama rẹn wẹẹ, “U ye rre ẹmwẹ ne Nọyaẹnmwa tama Mosis ne ọmwa Osanobua vbe ekpa imẹ vbe ruẹ vbe Kedẹs Bania.