Nehimaia 12:12 - Edo Bible (E Baibol Ẹdo) Version 1996

^12-21 Ẹghẹ ne Joiakim na gha re Ogie Ohẹn, avbe Ohẹn na ọ re ọ gha re ekaẹgbẹe uniẹn avbe ohẹn: Ohẹn Uniẹn e Meraia e Seraia e Hananaia e Jerimaia e Mẹsiulam Ẹzra e Jehohanan Amaraia e Jonatan e Maluki e Josẹf e Siebanaia Adna e Harim e Helkaia e Meraiọt e Zẹkaraia Ido e Mẹsiulam e Gineton e Zikri Abija … e Miniami e Piltai e Moadaia e Siamua e Bilga e Jehonatan e Siemaia e Matenai e Joiarib Uzi e Jedaia e Kalai e Salai Ebe Amok e Hasiabaia e Hilkaia e Netanẹl e Jedaia

Nehimaia 12:12 ပူးပေါင်းရင်းမြစ်များ

I Krọnikol 15:12

Ọ keghi tama avbe Livai na wẹẹ, “Wa ọrọre olotu avbe uniẹn avbe Livai, wa họnmwẹ egbe uwa kevbe ọghe Livai ne ihua uwa, ne uwa miẹn ehe na mu Ẹkpẹti Ile ọghe Nọyaẹnmwa Osanobua Izrẹl gha die ehe ne I dọlọyi ye otọ khẹ ọre.

I Krọnikol 24:4

A keghi ghae ivbi uniẹn Eliaza ye oka enẹirrọvbugie, a keghi ghae ivbi Itama ye oka erẹnrẹn, ọna kegha ye vberriọ rhunmwuda, ivbi uniẹn Eliaza ọ re avbe ọkaẹgbẹe ni ikpia na bun sẹe.

Nehimaia 12:11

E Joiada keghi biẹ e Jonatan, e Jonatan ọ re ọ biẹ Jadua.

Nehimaia 12:22

Vbe ẹghẹ avbe igie ohẹn na ighẹ Eliasib, e Joiada, e Jonatan kevbe Jadua, a keghi gbẹnnẹ eni avbe ekaẹgbẹe uniẹn avbe Livai kevbe ọghe uniẹn avbe ohẹn ye otọ. Ẹghẹ ne Dariọs na gha re ọgbaisi e Pẹsia, ọ re a ghi na gbẹnnẹ ọẹn fo.