Nehimaia 11:22 - Edo Bible (E Baibol Ẹdo) Version 1996

²² Ọmwa ne ọ gbearoghe avbe Livai vbe iwinna, ne ọ gha rre Jerusalẹm vbọ kegha re Uzai ne ovbi e Bani, ne ọ vbe re eyẹ e Hasiabaia. Usun avbe erha ẹe odede ọ re iran ye ighẹ Matanaia kevbe Mika, ọ kevbe gha re ovbi ẹwae Asaf, ẹwae ne a mu ẹmwẹ emaba vbe ẹzi kẹn ne a kpe vbe ugamwẹ Ọgua Osa ye ọre obọ.

Nehimaia 11:22 ပူးပေါင်းရင်းမြစ်များ

II Samuẹl 9:12

E Mẹfibosiẹt kegha mwẹ ọmọ okpia ọkpa kherhe ne a tie eni ẹnrẹn Mika. Ẹgbẹe Ziba hia keghi khian eguọmwadia e Mẹfibosiẹt.

Ẹzra 8:19

Iran kevbe gie Hasiabaia kevbe Jesiaia ne ivbi ẹwae Merari deba ugie vbe uwu avbe etẹn iran gha dee.

Nehimaia 11:11

E Seraia ne ovbi e Hilkaia ne ọ vbe re eyẹ e Mẹsiulam. Usun avbe erha ẹe odede ọ re iran ye ighẹ Zadọk, e Meraiọt kevbe Ahitub ne ọ gha re Ogie Ohẹn.

Nehimaia 11:14

Ivbi uniẹn ni wa gha re ivbiyokuo ni gbakhia kegha re erẹnrẹn yan iyehan (128). Ọkaolotu iran kegha re Zabdiẹl ne ọ vbe gha re ovbi ẹgbẹe ne ọ hin usi.

Nehimaia 11:9

E Joẹl ne ovbi Zikri ọ re ọ gha re ọkaolotu iran, e Juda ne ovbi e Hasẹnua kegha re azukpogieva vbe emwa ni rre asẹ vbe ẹvbo ni.

Nehimaia 12:42

Avbe emwa ni ghi vbe lele iran kegha re Maaseia, e Siemaia, Eliaza, Uzi, e Jehohanan, e Malkija, Ẹlam kevbe Ezẹ. Iran ni so ihuan, ne ọ viọ mwẹ obọ ighẹ Jezrahaia, keghi wa kie urhu hia ya gha so ihuan.

Nehimaia 12:46

Ke ẹghẹ e Devid ne ọba kevbe Asaf ne ọkpezikẹn gha dee, avbe ọsian ọ re ọ ghi karo vbe ihuan urhomwẹ ne a so ghe Osanobua.

Nehimaia 13:13

I keghi viọ avbe emwa na yọ ne iran gha gbe aro ghe avbe aza: e Sielemia ne ohẹn, e Zadọk ne ọ rẹn Uhi dinmwi kevbe Pedaia ne Livai, e Hanan ne ovbi e Zakọ ne ọ vbe re eyẹ e Matanaia, ne ọ gha ru iyohọ ne iran. I rẹnrẹn wẹ I gha sẹtin muẹtinyan avbe emwa na wẹ iran gha ye ekhọe ẹmwata ghae emwi ne a hẹ rre gba ihua iran ne iran gba winna obọ.

Nehimaia 3:17

Avbe Livai na ọ re ọ bọlọ ako ni bun ni lele ẹe. E Rehum ne ovbi e Bani ọ re ọ bọ ako ne ọ lele ẹe. E Hasiabaia, ne ọ khaemwisẹ yan obọkpa vbe otọe Keila keghi bọ ako ne ọ lele ẹe vbe eni ẹvbo ẹre.

Nehimaia 8:7

Iyekọni, iran keghi kpaegbe, iran na mudia ye ihẹ iran, avbe Livai keghi rhan otọ nene Uhi ma iran: e Jesua, e Bani, e Siẹrebia, e Jamin, Akub, e Siabetai, e Hodaia, e Maaseia, e Kelita, Azaraia, e Jozabad, e Hanan, kevbe Pelaia.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.