Nehimaia 11:18 - Edo Bible (E Baibol Ẹdo) Version 1996

¹⁸ Avbe Livai hia ni wa yin ẹvbo nọhuanrẹn nii ighẹ Jerusalẹm kegha re eneyan iyenẹ yan uri (284).

Nehimaia 11:18 ပူးပေါင်းရင်းမြစ်များ

I Ọba 11:13

I i ra wa vbe miẹn ẹre arriọba nii hia, sokpan, I gha sẹ ẹwae ọkpa rae ne ẹẹn rhunmwuda e Devid ne ọguọmwadia mwẹ kevbe rhunmwuda e Jerusalẹm ne ẹvbo ne I ya khian ọghomwẹ.”

Nehimaia 11:1

Avbe ọkaolotu ni rrọ keghi yin e Jerusalẹm, avbe emwa ni dekẹe keghi yan uta ya zẹ ẹgbẹe ọkpa vbe uwu igbe ne ọ gha ya yin ẹvbo nọhuanrẹn ọghe Jerusalẹm vbene avbe nekpa na ya yin avbe okpẹvbo kevbe ore nekhua nekpa.

Nehimaia 11:17

E Matanaia ne ovbi e Mika, ne ọ vbe re eyẹ e Zabdi ne ovbi uniẹn Asaf. Rẹn ọ re ọ viọ avbe ọsian Ọgua Osa mwẹ obọ ya so ihuan urhomwẹ. E Bakbukaia ne ọ gha yi e Matanaia obọ. Abda ne ovbi e Siamua, ne ọ vbe re eyẹ e Galal ne ovbi uniẹn e Jedutun.

Nehimaia 11:19

Iran ni khẹ Ọgua Osa: Akub, e Talmọn kevbe etẹn iran, ehia kegha re erẹnrẹn irrọvbe iyenẹ yan iyisẹn (172).

Daniẹl 9:24

“Ukpo ekigbesiyenẹ vbe ihe ihinrọn ọ re Osanobua bu yọ ne ọ gha na do fannọ emwa ruẹn kevbe ẹvbo ruẹ nọhuanrẹn hin obọ orukhọ kevbe ọkhọ rre. A gha ya orukhọ bọ emwa, a ghi mu ẹmwata etẹbitẹ gbọọ, ẹghẹ nii umian nii, kevbe ẹmwẹ akhasẹ nii ghi do sẹ, a ghi do do ugie ya dọlegbe rhie Ọgua Osa ye ihe.

Matiu 24:15

“Wa ghẹ ghi miẹn ighe Omurhia Ne ọ gbe orrirri ne Daniẹl ne akhasẹ ta ẹmwẹ ọnrẹn miẹn dia ye ehe ne ọ huanrẹn.” (Wẹ ne ọ tie ebe na, hia ne u rẹn evba yae kha.)

Matiu 27:53

Iran kpao hin idin rre. Iyeke vbe Jesu ghi rhiọrre nẹ vbe idin, iran kegha rrie Ẹvbo Ne ọ huanrẹn nii, emwa ni bun keghi miẹn iran.

Matiu 4:5

Iyeke ọnii, Esu keghi vbe rhie Jesu gha rrie ẹvbo Nọhuanrẹn ni, ọ keghi muẹn yan ehe ne ọ yo sẹ vbe Ọgua Osa.

Arhie Maan 11:2

Sokpan ghẹ ka iran ni rre iba ore yọ. Ghẹ mwa iran, rhunmwuda, a zẹ iran obọ ne iran ni ma yayi nẹ, iran ni gha do gbe ọgọlọbọ vbe uwu Ẹvbo Ne Ọ Huanrẹn la uki eva yan iyeva.

Arhie Maan 21:2

I keghi bẹghe Ẹvbo Ne Ọ Huanrẹn nii, Jerusalẹm ne ọgbọn, ọ tuorre ke ehe ne Osanobua ye vbe ẹrinmwi dee, a wa mu ẹre egbe ye otọ zẹ vbe ọha ne a rhie gie ọdọ ẹre.