Nehimaia 11:16 - Edo Bible (E Baibol Ẹdo) Version 1996

¹⁶ E Siabetai kevbe Jozabad, ni re Livai ni hin usi, ni vbe gha gbe aro ghe iwinna ne a winna hia ne ẹ i ghi re uwu Ọgua Osa.

Nehimaia 11:16 ပူးပေါင်းရင်းမြစ်များ

I Krọnikol 26:20

Iran eso ọvbehe vbe avbe e Livai ne ihua iran kegha gbearoghe aza kevbe avbe ehe ne a viọ emwi ne a ya yo imuohan gie Osanobua yi.

I Krọnikol 26:29

A keghi zẹ vbe uniẹn ọghe Izia, e Kienanaia kevbe ivbi ẹre, ne iran gha wa emwa iwinna, ne iran gha gbẹnnẹ emwi ye otọ kevbe ne iran gha dọlọ ẹzọ ne ivbi Izrẹl.

Ẹzra 10:15

A ma miẹn ọmwa ne ọ gbe odan ye ẹmwẹ na gberra Jonatan ne ovbi Asahẹl kevbe Jazeia ne ovbi e Tikva, ne Mẹsiulam kevbe Siabetai ne Livai ye ẹre ike.

Ẹzra 8:33

Ọ ghi sẹ ikpẹdẹ ne ogienẹ, ma kegha rrie Ọgua Osa, ma keghi mwa avbe esiliva kevbe igoru kevbe avbe ọkpan, ma keghi viọ ne Meremot ne ohẹn ighẹ ovbi Uraia. Emwa ni gha gue ẹe rre evba kegha re Eliaza ne ovbi Finihaz deba e Livai eva, e Jozabad ne ovbi Jesua kevbe Noadaia ne ovbi e Binnui.

Nehimaia 11:15

Avbe Livai: E Siemaia ne ovbi e Hasiub ne ọ vbe re eyẹ Azrikam. Usun avbe erha ẹe odede ọ re iran ye ighẹ Hasiabaia kevbe Bunni.

Nehimaia 11:17

E Matanaia ne ovbi e Mika, ne ọ vbe re eyẹ e Zabdi ne ovbi uniẹn Asaf. Rẹn ọ re ọ viọ avbe ọsian Ọgua Osa mwẹ obọ ya so ihuan urhomwẹ. E Bakbukaia ne ọ gha yi e Matanaia obọ. Abda ne ovbi e Siamua, ne ọ vbe re eyẹ e Galal ne ovbi uniẹn e Jedutun.

Nehimaia 8:7

Iyekọni, iran keghi kpaegbe, iran na mudia ye ihẹ iran, avbe Livai keghi rhan otọ nene Uhi ma iran: e Jesua, e Bani, e Siẹrebia, e Jamin, Akub, e Siabetai, e Hodaia, e Maaseia, e Kelita, Azaraia, e Jozabad, e Hanan, kevbe Pelaia.