Nehimaia 11:15 - Edo Bible (E Baibol Ẹdo) Version 1996

¹⁵ Avbe Livai: E Siemaia ne ovbi e Hasiub ne ọ vbe re eyẹ Azrikam. Usun avbe erha ẹe odede ọ re iran ye ighẹ Hasiabaia kevbe Bunni.

Nehimaia 11:15 ပူးပေါင်းရင်းမြစ်များ

I Krọnikol 9:14

Avbe Livai na o re o gha rre Jerusalẹm: E Siemaia ne ovbi e Hasiub, ne usun avbe erha iran odede gha re. Azrikam kevbe Hasabia, ne ẹwae e Merari e Bakbaka, e Hẹrẹs kevbe Galal. E Matanaia ne ovbi e Mika, ne usun avbe erha iran odede gha re e Zikri kevbe Asaf. Obedaia ne ovbi e Semaia, ne usun avbe erha iran gha re Galal kevbe Jedutun, e Berakia, ne ovbi Asa kevbe eyẹ ọghe Ẹlkana ne ọ gha rre iwewe otọe avbe ne a tie ẹre Nẹtofa.

I Krọnikol 9:19

E Sialọm ne ovbi e Kore kevbe eyẹ Ebiasaf, kevbe iran ni gba re ivbi uniẹn e Kora ọ re ọ ka gha avbe ọgbalegbe vbe onurho Owa Ukpọn ne a ya rẹn ighẹ e Nọyan rre evba zẹ vbene avbe erha iran ka vbe gha ye ne iran na gha re ne ọ gbearoghe agọ e Nọyaẹnmwa.

Nehimaia 11:14

Ivbi uniẹn ni wa gha re ivbiyokuo ni gbakhia kegha re erẹnrẹn yan iyehan (128). Ọkaolotu iran kegha re Zabdiẹl ne ọ vbe gha re ovbi ẹgbẹe ne ọ hin usi.

Nehimaia 11:16

E Siabetai kevbe Jozabad, ni re Livai ni hin usi, ni vbe gha gbe aro ghe iwinna ne a winna hia ne ẹ i ghi re uwu Ọgua Osa.