Nehimaia 10:39 - Edo Bible (E Baibol Ẹdo) Version 1996

³⁹ Ivbi Izrẹl kevbe avbe Livai ghi viọ emwi ne emwa zẹe nii ighẹ ọka, ayọn, kevbe ofigbọn oliv gha rrie uwu aza ne a viọ avbe ọkpan ne a lo vbe Ọgua Osa yi, ehe ne iran vbe dia ighẹ avbe ohẹn ne iwinna sẹ ọre egbe vbe Ọgua Osa kevbe avbe iran ni khẹ Ọgua Osa kevbe avbe iran ni so ihuan vbe Ọgua Osa.

Nehimaia 10:39 ပူးပေါင်းရင်းမြစ်များ

II Ọba 7:10

Rhunmwuda ọnii, iran na kpao hin agọ ivbi e Siria rre, iran na gha die Sameria, iran keghi datie avbe abodẹ ni rre onurho wẹẹ: “Ma ye agọ ivbi e Siria, ma ma miẹn ọmwa rhọkpa, a ma vbe họn ẹmwẹ ọmwa rhọkpa. A de avbe ẹsin ke ekẹtẹkẹtẹ ni rrọọ. Te avbe owa ukpọn he wa ye ye vbene ivbi e Siria ya sẹ ọe rae.”

II Krọnikol 31:11

Iran keghi bọlọ aza ne a viọ emwi yi ye odẹ ne Ọgua Osa ye zẹ vbene ọba we ne iran ru ẹe.

II Krọnikol 31:12

Iran keghi dọlọ avbe emwi izọhẹ kevbe a gha ye igbe ye evba. Iran keghi rhie Livai ọkpa ne a tie ẹre Konanaia yọ ne ọ gha gbe aro ghe ẹre, iran keghi vbe rhie ọtiọnrẹn ne okpia ighẹ Simẹi ne ọ ogha ye ọ re obọ.

Nehimaia 12:47

Vbe ẹghẹ e Zerubabẹl kevbe ẹghẹ Nehimaia, te ivbi Izrẹl hia gha zọhẹ ẹdẹgbegbe ne a miẹn ya gha gaga avbe ọsian kevbe abodẹ Ọgua Osa. Avbe emwa ni ghi gha zẹ ọhẹ iruemwi gie avbe Livai, avbe Livai ghi vbe viọ inu ne a mwamwa ẹn yi gie avbe ohẹn.

Psalm 122:9

Rhunmwuda owa ọghe Nọyan Osanobua mwa I na erhunmwu ye umamwẹ ruẹn.

Nọmbas 18:26

ne ọ tama avbe Livai wẹẹ, “Aghae yi ihe igbe ne ivbi Izrẹl viọ rre ne Nọyaẹnmwa ya ne uwa gha ghi sẹ uwa obọ nẹ, wa ghi ghae ẹre ye ihe igbe rhie obọkpa vbọ gie Nọyaẹnmwa zẹ vbe ihaoko kpataki.

Nọmbas 18:30

“Wa ghẹ ghi rhie ne ọ maa sẹẹ vbọ ladian nẹ, wa ghi viọ nekpa, zẹ vbe ne ọgbugbo vbe viọ ni dekẹe iyeke vbe irẹn a ghi viọ emwi izẹọhẹ ọghe ọe rre nẹ.

Diuteronomi 12:17

Wa ghẹ rri a ghae ye ihe igbe ọghe ọka uwa, ayọn uwa, ra ofigbọn oliv uwa. Wa ghẹ rri emwikemwi ne uwa ya zẹ ọhẹ ne Nọyaẹnmwa vbe evba: ọmọ ọdiọn ẹmila uwa ra ohuan uwa, ra izẹ ọhẹ ne uwa ve ẹre re, izẹọhẹ akekhọerre ọ ghe uwa ra emwi ihaoko ọvbehe ne ọ rhirhi a gha khin.

Hibru 10:25

Wa ghẹ gie a do obọ iko ne a do miẹn egbe yi, zẹ vbene emwa eso ru na, sokpan wa gie a rhie igiẹdu ne egbe, kpataki vbe ne a na wa miẹn nian wẹ, Ẹdẹ Nọyaẹnmwa sẹ otọ fo nẹ.