Nehimaia 10:37 - Edo Bible (E Baibol Ẹdo) Version 1996

³⁷ Ma gha mu Igharhuarhua ne a ye amẹ gbe, ne ima ye ọka ne a ka gha fian vbe ugbo mwa rre gie avbe ohẹn, erriọ vbe nọ ne emwi imuohan nekpa, ayọn ofigbọn oliv kevbe avbe ọmọ erhan ne a rhọ re ughughan. Ma gha viọ a ghae ye ihẹ igbe ọghe emwiokọ mwa gie avbe Livai ne ọ koko aghaeyihigbe vbe agọ ne ima na gbe ugbo.

Nehimaia 10:37 ပူးပေါင်းရင်းမြစ်များ

II Krọnikol 31:6

Avbe emwa ni rre ore nekhua ni rre Juda kegha viọ a ghae ye igbe ọghe ẹmila kevbe ohuan iran rre, iran kevbe viọ emwi izẹ ọhẹ ọrhẹnrhẹn rre ne iran ya fi ohan ne Nọyaẹnmwa ne Osanobua.

Nehimaia 13:10

I keghi vbe họn wẹ avbe ikpemaba Ọgua Osa kevbe avbe Livai kpao vbe Ọgua Osa rre gha rrie ugbo iran rhunmwuda avbe emwa ni ma ghi viọ emwi ne ọ gha sẹ iran gha re rre.

Nehimaia 13:12

Ẹghẹ nii, avbe ivbi Izrẹl keghi dọlegbe suẹn gha viọ aghaeyihigbe ọghẹ ọka, ayọn, kevbe ofigbọn oliv rrie aza Ọgua Osa.

Nehimaia 13:5

Ọ keghi kue ne Tobaia gha rre ugha nọkhua ne a wẹ ne a viọ avbe ọka imuohan kevbe eturari yi deba avbe emadogua ne a lo vbe Ọgua Osa. Emwi ihaoko ne a viọ gie avbe ohẹn kevbe a ghae ye ihigbe ọghe ọka, ayọn, ofigbọn oliv ne a viọ ne avbe Livai, avbe ikpemaba Ọgua Osa kevbe avbe abodẹ Ọgua Osa.

Nehimaia 13:9

I na wẹ ne iran ya họnmwẹ avbe ughugha nii, kevbe wẹ ne a viọ emadogua Ọgua Osa, avbe ọka imuohan, kevbe eturari dọlegbe ye evba.

Ẹksọdọs 13:12

wa ghi ya avbe emọdiọn nii re ikpia fiohan ne Nọyaẹnmwa. E Nọyaẹnmwa ọre ọ vbe yan emọ ọdiọn ni re ọwọe vbe emọ ne emwirri uwa gha biẹlẹ.

Ẹksọdọs 13:2

“Ye avbe emọdiọn ni re ikpia vbe Izrẹl fi ohan mẹ, ọ re ọghe ọmwa nọ ra emwirri, ọghomwẹ nọ.”

Levitikọs 23:17

Dọmwadẹ ẹgbẹe ghi viọ ebrẹd eva rre, a ghi viọ ne Nọyaẹnmwa zẹ vbe izẹọhẹ kpataki ebrẹd ọkpọkpa ghi gha re ne a ya uwan enẹ ọghe ọka irhuarhua kevbe eyist ru a ghi vbe mu ẹẹn gie Nọyaẹnmwa zẹ vbe ihaoko ọghe akọrhọre ne okaro.

Malakai 3:10

Wa viọ inu ne a ghae ye ihe igbe gele wa khin gha die Ọgua Osa, ne evbare miẹn ehe na kpọkua vbe evba. Wa ya ẹe danmwẹ mwẹ ghe, wa gha vbe miẹn wẹ I gha kie ewindo ẹrinmwi ye otọ, I ghi vbe rhurhẹ emwi ọmaa hia ku uwa gba erhan gba irri.

Malakai 3:8

Wa dọlegbe bu mwẹ gha dee mẹ gha bu uwa gha dee. Sokpan wa nọ rẹn wẹẹ, “De emwi ne ima gha ru ya dọlegbe bu ruẹ gha dee?” I nọ uwa nian, “Ọ kere ne ọmwa gha mu Osanobua ru ra?” Wa rẹnrẹn wẹ ọ ma kei, sevba, wa gha mu mwẹ ru. Wa nọ rẹn wẹẹ, “Odẹ vbo?” Vbe ẹmwẹ a ghae ye ihe ighe kevbe imuohan.

Nọmbas 18:15

“Emọ ọdiọn hia ra aranmwẹ ne ivbi Izrẹl viọ gun mwẹ, ọwuẹ nọ. Sokpan, u ghi gha miẹn iran igho ne a ya dẹ ọmọ ọdiọn werriegbe, erriọ u ghi vbe gha miẹn iran igho ne a ya dẹlẹ avbe emọ ọdiọn werriegbe.

Nọmbas 18:18

Emiowo ni rrọ, ọwuẹ nọ, zẹ vbe ewẹn kevbe owẹ obọ erha ọmwa ọghe izẹọhẹ kpataki.

Nọmbas 18:21

E Nọyaẹnmwa keghi kha wẹẹ, “A ghae ye ihe igbe ne ivbi Izrẹl hẹ gunmwẹ, I ya ne avbe Livai. Ọ na ọrọre osa ne a ha iran re ye iwinna ne iran winna ya gbearoghe Owa Ukpọn Ile.

Ebe ne Pọl gbẹẹn gie emwa Rom 11:16

A deghẹ a rhie ekan unu eka ne okaro ne Osanobua, rẹn ọ ghi wa yan ududu eka ni hia, erriọ, a deghẹ a vbe ye inian ni rre erhan fiohan ne Osanobua, rẹn ọre ọ wa vbe yan abọ ẹre ba ẹre.

Diuteronomi 14:22

“Rhie ọkpa vbe igbe ye otọ, obọ ọkpa vbe a ghae emwiokọ ne u miẹn vbe ugbo ruẹ vbe ukpo ni hia ye ihe igbe.

Diuteronomi 18:4

Avbe ohẹn ọ re ọ yan oghae ne okaro ọghe ọka, ayọn, ofigbọn ọliv kevbe eto ohuan.

Diuteronomi 26:2

Dọmwadẹ ọghe ọe vbe uwu uwa ghi viọ emwiokọ ne ọ ka gha rhọ ye okhuae, ọ ghi mu gha die ihe ọkpa nii ne a na ga.