Nehimaia 10:36 - Edo Bible (E Baibol Ẹdo) Version 1996

³⁶ Emọ ikpia hia ne ima ka gha biẹlẹ, ma gha viọ iran bu ohẹn vbe Ọgua Osa ne a ya iran fi ohan ne Osanobua vbe evba zẹ vbene Uhi kha re. Erriọ ma gha vbe ye ọwẹe ne ẹmila mwa, ke ẹwe mwa kevbe ohuan mwa ka gha biẹlẹ fi ohan.

Nehimaia 10:36 ပူးပေါင်းရင်းမြစ်များ

II Krọnikol 31:5

Ọ ghi wa ta ẹmwẹ na ne ọwarọkpa, ivbi Izrẹl kegha viọ emwi ihaoko iran rre emwiokọ ni mose sẹẹ, ayọn, ẹvbi oliv, owọn, kevbe avbe emwi ọvbehe ne a rhọ vbe ugbo, iran kevbe gha viọ a ghae ye igbe ọghe emwi ne iran mwẹ hia rre.

Nehimaia 12:44

Vbe ẹghẹ nii, a keghi do viọ emwa yọ ne iran gha gbe aro ghe avbe aza ne a viọ emwi ne emwa viọ rrie Ọgua Osa yi, usun avbe aghaeyihigbe kevbe ọka ne a ka fian kevbe ọmọ erhan ne ọ ka vbọ ukpo ukpo. Iwinna iran na vbe nọ ne iran gha miẹn avbe ẹvbo ni sikẹ ugbo nii emwi ne iran viọ gie avbe ohẹn kevbe avbe Livai zẹ vbene Uhi khare. Emwa e Juda keghi gha ta ẹmwẹ avbe ohẹn kevbe Livai ne ọ maa.

Nehimaia 13:5

Ọ keghi kue ne Tobaia gha rre ugha nọkhua ne a wẹ ne a viọ avbe ọka imuohan kevbe eturari yi deba avbe emadogua ne a lo vbe Ọgua Osa. Emwi ihaoko ne a viọ gie avbe ohẹn kevbe a ghae ye ihigbe ọghe ọka, ayọn, ofigbọn oliv ne a viọ ne avbe Livai, avbe ikpemaba Ọgua Osa kevbe avbe abodẹ Ọgua Osa.

Ẹksọdọs 13:2

“Ye avbe emọdiọn ni re ikpia vbe Izrẹl fi ohan mẹ, ọ re ọghe ọmwa nọ ra emwirri, ọghomwẹ nọ.”

Ẹksọdọs 23:19

Wa ghi viọ avbe ne ọ maa sẹ vbe emwiokọ ne okaro ne uwa ka gha rhọ vbe ugbo uwa gha die owa Nọyaẹnmwa Osanobua rua. Wa ghẹ ye ewẹn ohuan le ovbi ẹre.

Ẹksọdọs 34:19

Emọ ọdiọn ọwọe, ọre ọghe ọmwa nọ ra aranmwẹ irri, mẹ ọ yan rẹn, ọwọe hia, emọ okaro ọghe ẹmila ra ohuan ruẹn.

Malakai 3:10

Wa viọ inu ne a ghae ye ihe igbe gele wa khin gha die Ọgua Osa, ne evbare miẹn ehe na kpọkua vbe evba. Wa ya ẹe danmwẹ mwẹ ghe, wa gha vbe miẹn wẹ I gha kie ewindo ẹrinmwi ye otọ, I ghi vbe rhurhẹ emwi ọmaa hia ku uwa gba erhan gba irri.

Galatia 6:6

Ọmwa ne a ẹre emwi ẹmwẹ iyayi Kristi, ọ kere ne ọ gha ghae vbe emwi ne ọ mwẹ ne ọmwa ne ọ ma ẹre emwi.

Diuteronomi 12:6

Evba wa gha na gha zọ ese uwa na gha giẹn uan, kevbe izọ ese ọwua nekpa, kevbe a ghae ye ihe igbe ọghe uwa kevbe izẹọhẹ uwa, emwi ihaoko ne uwa ve Nọyaẹnmwa ẹre, izẹọhẹ a ke ekhọe rre kevbe emọ ọdiọn ọghe ẹmila kevbe ohuan uwa.