Nehimaia 10:33 - Edo Bible (E Baibol Ẹdo) Version 1996

³³ Ma gha viọ avbe emwi na rre ne a ya gha ru ugamwẹ vbe Ọgua Osa: ebrẹd itaemwi, ọka imuohan ẹdẹgbegbe, aranmwẹ ne a gha giẹn ya gha zọ ese ẹdẹgbegbe, emwi ne a ya zọ ese vbe Ẹdẹ ikẹtin, Emwiukpo Uki Ọgbọn, kevbe avbe emwiukpo ọvbehe, avbe emwi imuohan ni dekẹe, emwi izọ ese ne a ya khiẹn orukhọ ivbi Izrẹl kua kevbe avbe emwi ọvbehe hia ne a ghi gualọ vbe Ọgua Osa.

Nehimaia 10:33 ပူးပေါင်းရင်းမြစ်များ

II Krọnikol 2:4

I wa bọ Ọgua Osa nian ne I ya ya ọghọ ne Nọyaẹnmwa ne Osanobua mwẹ. Ehe ne ọ huanrẹn khian gha nọ, ehe ne avbe emwa mwẹ kevbe imẹ, gha na gha ga ẹe, vbene ima gha na gha giẹn eturari nọwinhin ghe ẹre, ehe ne ima gha na gha ye ebrẹd ne ọ huanrẹn yo imuohan giee vbe ne a i na dobọyi, ehe ne ima gha na gha zọ ese ne a giẹn uan ghe ẹre vbe owiẹ kevbe ota kevbe Ẹdẹ Ikẹtin hia fẹẹrẹ, emwiukpo Uki Ọgbọn, kevbe avbe ẹdẹ ni huanrẹn ne a ya gha ya ọghọ ne Nọyaẹnmwa ne Osanobua mwa. Rẹn ọ re ọ tama ivbi Izrẹl ne iran gha ru ọna khian ẹdẹdẹmwẹdẹ.

Ẹksọdọs 30:16

U ghi miẹn ivbi Izrẹl igho na, ne u gha lo ẹre ye iwinna ne a winna vbe Owa Ukpọn ne a ya rẹn ighẹ I rre evba. Ọna ghi gha ya mwẹ ye ẹmwẹ ivbi Izrẹl rre, ọ ghi gha re igho ne uwa ha ye uhunmwu uwa.”

Kọlose 2:16

Rhunmwuda ọnii, wa ghẹ ghi gie ọmwa rhọkpa gha yi uhi ne uwa, vbe ekpa ọghe emwi ne uwa gha re ra emwi ne uwa gha da, ra vbe emwi ne ọ dekan ẹdẹ iruemwi, ra ugie uki ọgbọn, ra Ẹdẹ Ikẹtin.

Hibru 10:11

Dọmwadẹ ohẹn avbe Ju, te ọ mudia winna iwinna rẹn ẹdẹgbegbe, ọ ghi vbe gha zọ ese ọkpa ni yan egbe yan egbe. Sokpan avbe izọese na i sẹtin kpe orukhọ kua.