Nehimaia 10:32 - Edo Bible (E Baibol Ẹdo) Version 1996

³² Ukpukpo ma gha zẹ obọ ọkpa vbe a gha uwan ne kherhe ọghe esiliva ye ihẹ erẹnrẹn, ne a miẹn ya gha ha osa emwi ne a lo vbe Ọgua Osa.

Nehimaia 10:32 ပူးပေါင်းရင်းမြစ်များ

Gẹnẹsis 28:22

Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”

I Krọnikol 26:27

Iran keghi viọ emwi eso ne iran fu hẹẹ vbe okuo, iran na ya iran fi ohan ne iran gha lo iran vbe Ọgua Osa.

Nehimaia 13:15

Vbe ẹghẹ nii, I keghi miẹn emwa Juda vbe iran minọ alimo vbe Ẹdẹ Ikẹtin. Eso ọvbehe kegha kun ihẹ ọka, ayọn alimo, ọmọ ohọ kevbe ọvbehe yan ekẹtẹkẹtẹ iran ne iran viọ rrie Jerusalẹm. I keghi ya obọ sekhae ne iran wẹ ne iran ghẹ khiẹn emwi vbe Ẹdẹ Ikẹtin.

Nehimaia 13:18

Ọna ọ sii ẹe ne Osanobua na rri avbe erha uwa odede oya, ne ọ na si ọfuan ye ẹre ẹvbo. Sẹ evba, te uwa ye ru yan, ne uwa si ohu Osanobua yan Izrẹl uhunmwu vbe ekpa ne uwa na ru Ẹdẹ Ikẹtin awua.

Nehimaia 13:21

I keghi ye obọ sekhae ne iran wẹẹ, “Wa ghẹ zẹdẹ mudia ye evba gha khẹ ne ẹdẹ gbe wa gha ye danmwẹ emwi na, I gha ye obọ ne ọ tọn mu uwa.” Ke ẹdẹ ne ẹdẹrriọ kpao, iran ma ghi rre vbe Ẹdẹ Ikẹtin.

Nehimaia 5:10

Mẹ gie avbe emwa ne a mọmọ igho kevbe ọka vbe obọ mwẹ, rhunmwuda ọnii, te I ghi mwẹ ivbi otu kevbe emwa ni winna mẹ. Banbanna nian, wa gie a ya ehia ma iran, ne iran ghẹ ghi ha osa.

Nehimaia 9:14

U ma iran ẹre ne iran gha ya Ẹdẹ ikẹtin ru emwi ni huanrẹn u na rhie uhi ruẹ la obọ Mosis ne ọguọmwadia ruẹ gie iran.

Ẹksọdọs 23:11

Sokpan vbe ukpo ne ogihinrọn, wa ghi gie ẹe hẹwẹ, wa ghẹ rhọ emwiokọ ne ọ mọ vbọ. Ivbiogue nii rre uwu uwa sẹtin ya rri emwi ne ọ mọ vbọ, aranmwẹ oha ghi rri enọdekẹe. Erriọ wa gha vbe gha ru ugbo emwiokọ kevbe ọghe oha uwa.

Itan 3:9

Ya ọghọ ne Nọyaẹnmwa vbekpa ne u gha na ya avbe emwi ne ọ maa sẹ vbe ugbo ruẹ zẹ ọhẹ gie ẹe.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.