Nehimaia 10:31 - Edo Bible (E Baibol Ẹdo) Version 1996

³¹ Avbe orhunmwuyẹn gha mu ọka ra emwi ọvbehe gie ima dẹ vbe ẹdẹ ikẹtin ra vbe ẹdẹ iruemwi ọvbehe ma i ra dẹ. Ukpo ne ọ ya gba vbe ihinrọn hia, ma i ra gbe ugbo vbe otọe na, ma ghi vbe ya osa ma emwa hia ni rri osa.

Nehimaia 10:31 ပူးပေါင်းရင်းမြစ်များ

II Krọnikol 36:21

Erriọ ọre a na miẹn wẹ ẹmwẹ ne Nọyaẹnmwa la unu e Jerimaia ne akhasẹ ta ye otọ do sunu wẹẹ, “Otọe ni gha dihoi rua la ukpo ekigbesiyenẹ ne ọ gha rre ihẹ uhẹwẹmwẹ Ẹdẹ Ikẹtin ne iran ma ghi zẹ yi.”

Nehimaia 13:23

Ẹghẹ nii, I kevbe do miẹn wẹ ikpia ni bun vbe uwu avbe Ju viọ ikhuo vbe ivbi Asdọd, Amọn kevbe Moab.

Nehimaia 13:27

Te ima ghẹ ghi ye egbe ba uwa ra, ne ima ru emwi ne Osanobua mwẹ wẹ ne ima ghẹ ru vbe ekpa ne a gha na gha viọ ikhuo ẹvbo ọvbehe rọnmwẹ.”

Ẹksọdọs 12:16

Vbe ikpẹdẹ nokaro kevbe ikpẹdẹ ne ne ogihinrọn, wa ghi do iko ugamwẹ. Wa ghẹ winna iwinna rhọkpa vbe avbe ẹdẹ nii, sokpan wa sẹtin le evbare.

Ẹksọdọs 20:10

sokpan ẹdẹ ne ogihinrọn, Ẹdẹ Ikẹtin ne a ya fiohan ne imẹ ọre nọ. Vbe ẹdẹ nii, ghẹ winna hiehie, ọre uwẹ nọ, ra ivbi uẹ, ra eviẹn ruẹn ra emwirri ruẹ, ra avbe erhunmwuyẹn nii rre ẹvbo ruẹ.

Ẹksọdọs 34:16

Ivbi uwa sẹtin viọ ivbi iran nikhuo rọnmwẹ, iran gha ya iran fi iyeke gbe mwẹ, iran gha gho ẹbọ iran.

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Levitikọs 16:29

Emwamwa na, a ghi da ẹe yi ẹdẹdẹmwẹdẹ. Vbe ikpẹdẹ ne ogigbe ọghe uki ne ogihinrọn, ivbi Izrẹl hia, deba orhunmwuyẹn ni rre uwu ẹbu iran ghi yo aguẹ, iran ghẹ winna iwinna rhọkpa.

Levitikọs 23:21

Vbe ẹdẹ ne ẹdẹrriọ wa ghẹ winna iwinna obọ rua rhọkpa, sokpan wa ghi si koko ne uwa ru ugamwẹ. Ivbi uniẹn ruan ghi gha lele ilele na ẹdẹdẹmwẹdẹ vbe ehe ne iran a rhirhi gha ye.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.

Matiu 6:12

Ya orukhọ mwa hia bọ mwa, vbe ne ima ya bọ enirumwakhọ.

Kọlose 2:16

Rhunmwuda ọnii, wa ghẹ ghi gie ọmwa rhọkpa gha yi uhi ne uwa, vbe ekpa ọghe emwi ne uwa gha re ra emwi ne uwa gha da, ra vbe emwi ne ọ dekan ẹdẹ iruemwi, ra ugie uki ọgbọn, ra Ẹdẹ Ikẹtin.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.