Nehimaia 10:29 - Edo Bible (E Baibol Ẹdo) Version 1996

²⁹ Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Nehimaia 10:29 ပူးပေါင်းရင်းမြစ်များ

II Ọba 10:31

Sokpan, e Jehu ma ye ekhọe lele uhi ne Nọyaẹnmwa ne Osanobua yi ne ẹẹn, sokpan, ọ keghi lele igiemwi e Jeroboam ne ọ si ivbi Izrẹl la orukhọ.

II Ọba 23:3

Rẹn keghi mudia ye ọkpẹn orrẹ ọba, ọ na gu e Nọyaẹnmwa ta ile wẹ rẹn gha họn ẹmwẹ ne ẹẹn, kevbe ne ọ ya orhiọn kevbe ekhọe ẹre hia gha rhie uhi kevbe iyi ẹre mwẹ, kevbe ne ọ vbe gha ru zẹ vbe ne a mwamwa emwi ye otọ vbe uwu ile ne a gbẹnnẹ ye ebe ni. Emwa nii hia keghi yan wẹ iran gha rhie ile ni ya gha yin.

I Krọnikol 9:2

Emwa kẹkan, avbe ohẹn kevbe Livai rre usun emwa ni ka wa gha die otọ iran.

II Krọnikol 34:31

Ọ keghi mudia ke orrẹ ọghe ọba, ọ keghi yan ma e Nọyaẹnmwa wẹ rẹn gha họn ẹmwẹ ne ẹẹn, rẹn rhie uhi kevbe iyi ẹre mwẹ, vbe ekhọe ẹre hia kevbe orhiọn rẹn hia kevbe ne ọ vbe gha ru vbene a tae ye ebe uhi, zẹ vbene a gbẹnnẹ ọẹn ye ebe.

II Krọnikol 6:16

Banbanna nian, e Nọyaẹnmwa ne Osanobua Izrẹl, vbe mu eyan nọkpa ne u yan ma erha mwẹ sẹ vbe ne u na tama rẹn wẹ te a gha miẹn wẹ ọkpa vbe uwu ivbi uniẹn ọnrẹn ọ re ọ gha khaemwisẹ yan Izrẹl vbe ẹghẹ hia a dẹghe iran vbe lele uhi ruẹ zẹ vbene irẹn ru.

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Nehimaia 7:46

Ẹwae iran ni winna vbe Ọgua Osa, ni ke iwe rre ọ re ena khin: E Ziha, e Hasufa, e Tabaot, e Keros, e Sia, e Padọn, e Lebana, e Hagaba, e Sialmai, e Hanan, e Gidẹl, e Gaha, e Reaia, e Rezin, e Nekoda, e Gazam, Uza, e Pasea, e Besai, e Meunim. e Nefusiasim, e Bakbuk, e Hakufa, e Hahọ, e Bazlit, e Mehida, e Hasia, e Bakos, e Siseria, e Tema, e Nezaia kevbe Hatifa.

Nehimaia 8:2

Ẹre Ẹzra ghi na mu nene ebe gha die ehe ne iran hia si egbe koko yi ikpia, ikhuo kevbe ibiẹka ni gha wan sẹ nẹ ne ọ gha na rẹn emwi ne a guan yan.

Nehimaia 8:3

Evba nii ọ re ọ na ke owiẹ ya tie ebe nii ma iran ya sẹ ogiavan, iran hia ke wa gha kakabọ danmwehọ ẹre.

Nehimaia 9:38

Rhunmwuda avbe emwi na ni sunu hia, ma ne ivbi Izrẹl rhie obọ ye ebe nian vbe iro ne a zẹ gba, a keghi gbẹn ọẹn ye otọ, avbe ọkaolotu ima avbe Livai kevbe avbe ohẹn ima, keghi yi ẹre okhi.

Psalm 105:45

Ne avbe emwa rẹn, miẹn ehe na gha ya uhi ẹre ru emwi ne iran vbe rhie iyi ẹre hia mwẹ. Wa rho e Nọyaẹnmwa!

Psalm 119:106

I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 8:1

E Nọyaẹnmwa, Nọyaẹnmwa, a bẹghe u kpọlọ mwẹ ruẹn vbe otọ agbọn hia. Urhomwẹ ruẹn vbe sẹ aro iso.

Psalm 8:9

E Nọyaẹnmwa, Nọyaẹnmwa, a bẹghe u kpọlọ mwẹ ruẹn la otọ agbọn hia.

Aizaia 14:1

E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Jerimaia 26:4

E Nọyaẹnmwa keghi tama mwẹ wẹ ne I tama avbe emwa nii wẹẹ, “Mẹ ne Nọyaẹnmwa ọ re ọ tama uwa wẹ ne u wa gha họn ẹmwẹ mẹ vbekpa ne uwa gha na gha ya emwi ne I ma uwa ẹre ru emwi.

Jerimaia 34:15

Vbe nẹdẹ eso na, wa keghi fi ekhọe werriẹ, wa na ru vbene ogha yẹ mwẹ. Wa hia keghi ya obọ yọ, wa na wẹ wa ra fannọ avbe eviẹn uwa ni re ivbi Izrẹl kua, wa hia na sirra mwẹ taa ile vbe Ọgua Osa vbe ehe ne a na ga mwẹ.

Ezikiẹl 36:27

I gha rhie orhiọn mwẹ ye uwu uwa, I ghi vbe miẹn wẹ wa ya uhi kevbe iyi mwẹ ru emwi.

Levitikọs 20:26

Wa gha re emwa ni huanrẹn ni re ọghomwẹ ọkpa rhunmwuda, mẹ ne Osanobua ne ọ re Nọyaẹnmwa, te ime huanrẹn. Te I hannọ uwa hin uwu ẹvbo nekpa rre ne uwa do wa gha re ọghomwẹ.

Malakai 4:4

Wa ye emwi ne Mosis ne ọguọmwadia mwẹ ma uwa ẹre rre. Avbe uhi kevbe ilele ne I viọ ne ẹẹn vbe Oke Sainai, ne ivbi Izrẹl hia gha ya ẹe ru emwi.

Nọmbas 5:21

Te Nọyaẹnmwa gha ya eni ruẹn khian ne a fi ẹre unu vbe uwu ẹbu avbe emwa, te ọ gha gie ẹgẹn ruẹn kpero ne ẹko ruẹ hue ladian.

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Iyẹn ne ọ Maan Ọghe Jọn 15:14

Erriọ nọ, ose mwẹ wa khin deghẹ wa da uhi mwẹ yi.

Iyẹn ne ọ Maan Ọghe Jọn 7:19

Mosis gbẹnnẹ Uhi ne uwa, sokpan ọkpa i rrọọ vbe uwu uwa ne ọ ye nene Uhi ru emwi. Vbọzẹ ne uwa na ho ne uwa gbe mwẹ uan?”

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Iwinna 17:34

Ikpia eso keghi deba ẹre, iran na yayi, ọkpa vbe uwu iran kegha re Diọnisiọs ne ọ vbe rre otu Ariopagọs, kevbe okhuo ọkpa ne a tie eni ẹnrẹn Damaris, kevbe deba emwa ọvbehe eso.

Iwinna 23:21

Sokpan ghẹ zẹ ye iran ẹre rhunmwuda ọ yan arhin iyeva ni lẹre khẹ ọre vbe odẹ. Iran hia vẹn ihẹn nẹ wẹ iran i ra re, iran i ra da rhinrin iran te do gbe ẹe rua. Iran wa mu egbe ne iran gha ya ru vberriọ nian, vbe ne uwẹ kha hẹ ọre iran ghi mudia khẹ.”

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Diuteronomi 33:4

Ma ya uhi ne Mosis rhie ne ima gha ru emwi, emwi ighobioye ne ọ sẹre ọghe ẹvbo mwa.

Diuteronomi 5:1

E Mosis keghi tie ivbi Izrẹl hia si koko, ọ tama iran wẹẹ, “Wa ne ivbi Izrẹl, wa danmwẹ ehọ uhi hia ne I ra viọ ne uwa ẹrẹna. Wa ruẹ iran ne uwa vbe miẹn wẹ wa ya iran gha ru emwi.

Diuteronomi 5:32

“Ivbi Izrẹl, wa gie a miẹn wẹ wa ru emwi ne Nọyaẹnmwa Osanobua ruẹ tama ruẹn. Ghẹ i rra uhi ẹre rhọkpa.