Nehimaia 10:28 - Edo Bible (E Baibol Ẹdo) Version 1996

²⁸ Ma ne ivbi Izrẹl, avbe ohẹn, avbe Livai, iran ni khẹ Ọgua Osa avbe ikpemaba Ọgua Osa, iran ni winna vbe Ọgua Osa, ke iran nekpa hia, ne a miẹn wẹ, ọ ru vbene Uhi Osanobua khare, ma na wannọ egbe ima hin ehe ne avbe erhunmwuyẹn ni rre otọ ima ye rre, ma, do deba avbe amwẹ ima, deba avbe ivbi ima hia, ni wan sẹ nẹ ne ọ gha na rẹn otọ ẹre.

Nehimaia 10:28 ပူးပေါင်းရင်းမြစ်များ

Ẹzra 2:70

Avbe ohẹn kevbe avbe Livai deba eso vbe uwu avbe emwa nii, keghi yin ore ra ọkpẹn e Jerusalẹm, iran ni kpe ẹzi kẹn, iran ni khẹ Ọgua Osa, kevbe iran ni winna vbe Ọgua Osa keghi yin avbe ẹvbo ni lẹga eni, avbe Izrẹl ni dekẹe keghi ya yin ehe ne avbe erha iran odede kagha ye.

Ẹzra 6:21

Ivbi Izrẹl hia ni ke iwe rre, kevbe avbe emwa ni lahin odẹ ẹbọ ne iran gho rre, ighẹ avbe emwa ni ka gha rre otọe ni, iran na ghi do ga e Nọyaẹnmwa Osanobua Izrẹl, ọ re ọ rri emwi ne a ya zọ ese nii.

Nehimaia 13:3

Ugbẹn vbe ivbi Izrẹl ghi họn vbe a tie uhi na, iran keghi wannọ avbe erriọvbe hia hin uwu ẹbu iran rre.

Nehimaia 8:2

Ẹre Ẹzra ghi na mu nene ebe gha die ehe ne iran hia si egbe koko yi ikpia, ikhuo kevbe ibiẹka ni gha wan sẹ nẹ ne ọ gha na rẹn emwi ne a guan yan.

Psalm 47:7

Osanobua ọrọre ọba uhunmwu otọ agbọn hia wa so ihuan rho ẹre!

Asan-Ibo 5:2

Gha roro ẹmwẹ u kegha tae, ghẹ gha khirhi yan eyan ma Osanobua. Ẹrinmwi rẹn ye, agbọn ọ re uwẹ ye, rhunmwuda onii ghẹ talọ gbe.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Levitikọs 20:24

Sokpan mẹ ve uwa otọ esiesi ne ọ maa emwi okọ na nẹ, ne ọ gha re ọghe uwa, I gha rhie ẹre ne uwa. Mẹ ọ re Nọyaẹnmwa Osanobua uwa. Te I hannọ uwa ladian hin uwu avbe ẹvbo nekpa rre.

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.