Nehimaia 10:1 - Edo Bible (E Baibol Ẹdo) Version 1996

¹ Ọmwa nokaro ne ọ rhie obọ ye ehe ni kegha re ne ọ khaemwisẹ ighẹ Nehimaia ne ovbi e Hakalaia, vbe iyeke ọnii, e Zedekaia keghi vbe rhie obọ yọ. Iran na vbe rhie obọ yọ:

Nehimaia 10:1 ပူးပေါင်းရင်းမြစ်များ

II Ọba 23:3

Rẹn keghi mudia ye ọkpẹn orrẹ ọba, ọ na gu e Nọyaẹnmwa ta ile wẹ rẹn gha họn ẹmwẹ ne ẹẹn, kevbe ne ọ ya orhiọn kevbe ekhọe ẹre hia gha rhie uhi kevbe iyi ẹre mwẹ, kevbe ne ọ vbe gha ru zẹ vbe ne a mwamwa emwi ye otọ vbe uwu ile ne a gbẹnnẹ ye ebe ni. Emwa nii hia keghi yan wẹ iran gha rhie ile ni ya gha yin.

Ẹzra 10:3

“Banbanna nian, te ima gha do yan ma Osanobua mwa wẹ ma gha wẹ ne avbe ikhuo orhunmwuyẹn na, kevbe ivbi iran gha rrie. Ma gha ru vbene uwẹ kevbe avbe emwa ni ya uhi Osanobua ru emwi wẹ ne ima ru. Ma gha ru vbene uhi Osanobua khare.”

Ẹzra 2:63

Ovbi e Ju ne ọ khaemwisẹ keghi tama iran wẹ ne iran ghẹ rri evbare ne a ya yo imuohan gie Osa, a te do miẹn ohẹn ne ọ guara lo Urim kevbe Tumin.

Nehimaia 1:1

Iyẹn ọghe emwi ne Nehimaia ne ovbi e Hakalaia sẹtin ru ọ re ena khin. Vbe uki e Kislev, vbe ọ rre ukpo ugie ne Atakzaziz kegha re ọgbaisi e Pẹsia, me ne Nehimaia kegha rre Susa ne igiogbẹ otọe nii.

Nehimaia 10:2

Avbe ohẹn: E Seraia, Azaraia, e Jerimaia, e Pasiọ, Amaraia, e Malkija, e Hatus, e Siebanaia, e Maluk, e Harim, e Meremot, Obedaia, e Daniẹl, e Gineton, e Barọk, e Mẹsiulam, Abija, e Mijamin, e Maazaia, e Bilgai kevbe Siemaia.

Nehimaia 10:30

Ma i ra rhie okhuo vbe uwu avbe orhunmwuyẹn ni rre ehe ne ima ye.

Nehimaia 7:65

Ovbi e Ju ne ọ re ne ọ khaemwisẹ keghi tama iran wẹ iran i ra sẹtin rri evbare ne a ya fi ohan gie Osanobua vbe ẹ i re te a miẹn ohẹn ne ọ guara lo Urim kevbe Tumin nẹ.

Nehimaia 7:70

Emwa ni bun wa zẹ igho ne a ya dọlọ yi, iran ọ re: Uwan ne kherhe ọghe igoru ekigbesẹ iyi enẹ yan uri (270) avbe ọkpan iruemwi — ekigbesiyeha (50) ẹwu avbe ohẹn — ọgban yan iyisẹn isẹn (530) Ekaẹgbẹe avbe ẹwae — uwan nọkhua ọghe igoru ehairrọvbe iyeva yan iyisẹn eha (337) uwan nọkhua ọghe esiliva — ekesugie yan uri, yan arria isẹn eha (3,215) E Sena — ekigbesiyenẹ irrọvbe arria isẹn enẹ (3,930) Nọkhaemwisẹ Emwa nekpa hia: uwan nọkhua igoru — eha irrọvbe iyeva yan iyisẹn eha (337) uwan ne giere ọghe esiliva — eha yan ugie, yan iyisẹn ọkpa irrọvbọgban (2,923) ẹwu avbe ohẹn — ehairrọvbe ekigbesẹ iyi enẹ (67)

Nehimaia 8:9

Iran ghi họn emwi ne Uhi nọ rẹn, ọ keghi da iran sẹrriọ wẹ iran na suẹn gha viẹ. Ẹre Nehimaia ne ne ọkhaemwisẹ, Ẹzra ne ohẹn kevbe ne ọ rẹn nene Uhi, kevbe avbe Livai ni gha rhan otọ nene Uhi ma emwa nii, keghi tama iran wẹẹ, “Ẹdẹnẹrẹ na, ẹdẹ nọhuanrẹn nọ ne Nọyaẹnmwa ne Osanobua uwa rhunmwuda ọnii, wa ghẹ khiẹ ra ne uwa vbe gha viẹ.

Nehimaia 9:38

Rhunmwuda avbe emwi na ni sunu hia, ma ne ivbi Izrẹl rhie obọ ye ebe nian vbe iro ne a zẹ gba, a keghi gbẹn ọẹn ye otọ, avbe ọkaolotu ima avbe Livai kevbe avbe ohẹn ima, keghi yi ẹre okhi.

Ẹksọdọs 24:4

E Mosis keghi gbẹnnẹ iyi ọghe Nọyaẹnmwa hia ye otọ. Owiẹ vbe ẹdẹ ne ọ lele ẹe, ọ keghi gba aka ye ototọ oke nii, ọ keghi vbe viọ okuta iyama iweva ye evba ne ẹwae iweva nii rre Izrẹl.