Nehimaia 1:6 - Edo Bible (E Baibol Ẹdo) Version 1996

⁶ Ghe mwẹ Nọyaẹnmwa ne u họn erhunmwu mwẹ ne I na ne ivbi Izrẹl asọn kevbe avan. I miẹnkue wẹ ma ne ivbi Izrẹl ru orukhọ. Mẹ kevbe avbe erha mwẹ odede ru orukhọ.

Nehimaia 1:6 ပူးပေါင်းရင်းမြစ်များ

I Ọba 8:30

Rhie ehọ ye erhunmwu mwẹ kevbe erhunmwu emwa ruẹn vbe iran a do na erhunmwu vbe emwa na. U ghi họn urhu mwa vbe owa ruẹ vbe ẹrinmwi ne u yabọ mwa.

I Ọba 8:47

danmwehọ erhunmwu emwa ruẹn. A deghẹ iran ghi vbe miẹn kue vbe odọ niii, vbene iran zẹ iba vbe ru emwi dan hẹ, iran na na erhunmwu ghe ruẹ, u ghi họn erhunmwu iran Nọyaẹnmwa.

II Krọnikol 28:10

Banbanna nian, wa vbe ho ne uwa ya ikpia kevbe ikhuo ne ivbi Juda kevbe Jerusalẹm ru eviẹn uwa. Wa ma rẹn nian ighẹ te uwa ghi vbe sẹmwẹ e Nọyaẹnmwa ne Osanobua uwa?

II Krọnikol 29:6

Avbe erha ima odede ma rhie ekhọe ye ẹmwẹ e Nọyaẹnmwa, iran kegha ru emwi ne ọ ma yẹ ọre. Iran hee ẹe ye otọ, iran keghi fi iyeke gbe ehe ne ọ ye.

II Krọnikol 6:40

“Banbanna nian, Osanobua mwẹ, tọn aro mu ghe ima ne u gha họn erhunmwu ne a na vbe emwa na.

Ẹzra 10:1

Vbe ẹghẹ ne Ẹzra na vbẹrre gha na erhunmwu vbe odaro Ọgua Osa, ọ na gha viẹ, ọ na vbe gha miẹn avbe orukhọ na kue, ivbi Izrẹl ni bun ẹsẹse, ikpia kevbe ibiẹka, keghi lẹga ẹre, iran na gha viẹ eve orriara.

Ẹzra 10:11

Banbanna nian, wa miẹn orukhọ uwa kue, ma e Nọyaẹnmwa ne ọ re Osanobua avbe erha odede ne uwa vbe ru emwi ne ọ yẹ ọre. Wa wannegbe hin uwu ẹbu avbe orhunmwuyẹn ni rre otọ ima rre, ne uwa vbe khulo ikhuo orhunmwuyẹn ne uwa viọ re.”

Nehimaia 1:11

Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Psalm 102:17

Ọ gha họn ọghe emwa rẹn ne ọ sẹrae, ọ gha danmwehọ erhunmwu iran.

Psalm 106:6

Ma rukhọ, zẹ vbene avbe erha mwa odede vbe ru, ma ru emwi dan, ma vbe mwẹ ekhọe dan.

Psalm 130:2

Nọyaẹnmwa, họn eve mwẹ, họn vbene I tu nọ iyobọ hẹ.

Psalm 32:5

Ẹghẹ nii, I na miẹn orukhọ mwẹ kue ma ruẹn I ma vbe gbe gue alagberra mwẹ, I keghi wa miẹn ehia kue ma ruẹn, wẹ keghi vbe ya orukhọ mwẹ hia bọ mwẹ.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Psalm 55:17

Owiẹ, avan kevbe asọn ọ re ovian kevbe utumwẹ obalọ mwẹ ya bu ẹre yo, ọ gha họn urhu mwẹ.

Psalm 88:1

E Nọyaẹnmwa Osanobua ọmiọnmwafan mwẹ te I wa tu ne ebi ro, ọ ghi sẹ asọn, I keghi bu ruẹ gha dee.

Aizaia 6:5

Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Eve Orriara 5:7

Avbe erha mwa odede ru orukhọ, sokpan iran i ghi rrọ nian, te ima ghi rri oya ye orukhọ iran.

Daniẹl 9:15

“E Nọyaẹnmwa Osanobua mwa, wẹ rhie ẹtin ruẹn ma vbekpa ne u na viọ emwa ruẹn ke otọ Igipt ladian, deba ẹre te a ye ye ẹtin ruẹn rre. Ma ru orukhọ nẹ, ma ba emwi ku ru nẹ.

Daniẹl 9:20

I keghi ye gha na erhunmwu nii khian, I keghi miẹn orukhọ mwẹ kẹe kevbe orukhọ ọghe Izrẹl ne emwa mwẹ, I na gha rinmwian e Nọyaẹnmwa Osanobua mwẹ ne ọ dọlọ rhie Ọgua Osa ẹre nọhuanrẹn ye ihe.

Daniẹl 9:4

I na erhunmwu ghe e Nọyaẹnmwa Osanobua mwẹ, I keghi miẹn orukhọ emwa mwẹ kue I keghi kha wẹẹ, “E Nọyaẹnmwa Osanobua mwẹ, wẹ kpọlọ ẹsẹse, ma vbe ya ọghọ nuẹn. Te uwẹ rhie obọ lele ile ne u tae, u keghi mwẹ aho ẹmwẹ ọmwa ne ẹ i fafaa ghe iran ni ho ẹmwẹ ruẹn, iran na vbe gha ya uhi ruẹ ru emwi.

Daniẹl 9:5

Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Daniẹl 9:8

Avbe ọba mwa, iran ni khaemwisẹ yan ima, kevbe avbe erha mwa odede ru emwiekhue, iran keghi vbe rukhọ ghe uwẹ ne Nọyaẹnmwa.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Iyẹn ne ọ Maan Ọghe Luk 2:37

Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.

Ẹfisọs 2:3

Vbe ẹmwata, vbene iran ye ọre ima hia te ka gha ye, ma na wa gha ru vbene ikinnegbe mwa wa hoo, ma na gha ru emwikemwi ne egbe kevbe ekhọe mwa ghi ho. Zẹ vbene emwa nekpa hia gha ye, ma kegha re emwa ne a yi ẹre ama wẹ, ọ gha rri oya vbe obọ izohu Osanobua.

I Timoti 5:5

Okhuo ne ọ re ẹgbẹ ne ẹgbẹ, ne ẹ i mwẹ ọmwa ne ọ gbe aro ghe ẹre, aro Osanobua ọkpa ọre ọ ghi ghe, ọ ghi gha na erhunmwu, ọ ghi gha nọ iyobọ vbe obọ ẹre asọn kevbe avan.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

I Jọn 1:9

Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.

I Samuẹl 15:11

“Ọ da mwẹ ne I na ma e Sọl ọba, ọ fi iyeke gbe mwẹ nẹ, te ọ ghi rra uhi mwẹ.” Ohu keghi mu e Samuẹl, ọ na ye asọn ni hia rinmwian e Nọyaẹnmwa.