Nehimaia 1:5 - Edo Bible (E Baibol Ẹdo) Version 1996

⁵ “E Nọyaẹnmwa, Osanobua ọghe Ẹrinmwi! Ọmwa nọkpọlọ ẹsẹse wẹ khin Ohan ruẹn vbe mu mwa. We i hiẹ ọmwa ne ọ ho ẹmwẹ ruẹn ọ na vbe gha ru vbene u khare.

Nehimaia 1:5 ပူးပေါင်းရင်းမြစ်များ

I Ọba 8:23

Ọ na na erhunmwu wẹẹ, “E Nọyaẹnmwa, Osanobua Izrẹl, ọba ọkpa ne ọ yevbe ruẹ i rrọ vbe odukhunmwu vbe ẹrinmwi ra agbọn vbe ototọ! Te u ru vbene ile ne u ta ẹe khare, u ghi vbe gha mwẹ itohan ne ẹ i fiwerriẹ ghe emwa ruẹn ni ye ekhọe hia mu ẹmwẹ ruẹn sẹ.

I Krọnikol 17:21

Ẹvbo ọvbehe ne ọ yevbe Izrẹl i rre agbọn na, emwa ne uwẹ viọ hin ọviẹn rre ne u miẹn ehe na ya iran ru emwa ruẹn. Emwi nekhua kevbe ni yan ọmwa unu uan ne u ru ne iran, ye otiti ruẹ gba otọe agbọn hia. U fan emwa ruẹn vbe irri vbe Igipt, u kegha khulo agbọn ẹvbo ọvbehe ladian vbene iran ya nana ghe odaro.

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Nehimaia 2:4

Ọgbaisi keghi nọ wẹẹ, “De emwi ne u ghi ho nian?” I keghi na erhunmwu ghe Osanobua Ẹrinmwi, iyeke ọnii,

Nehimaia 4:14

I ghi miẹn wẹ afianma fian iran, I keghi tama iran, kevbe avbe olotu iran ke emwa ni rre ukpo vbọ wẹẹ, “Wa ghẹ gie ohan avbe eghian ima mu uwa, wa yerre vbene Nọyaẹnmwa kpọlọ hẹ kevbe vbene ọ gbe orrirri hẹ ne uwa gbinna ne ivbi ẹvbo uwa kevbe avbe ivbi uwa, amwẹ uwa kevbe owa uwa.”

Nehimaia 4:8

Iran keghi rhunmwuda ọnii koko si uma wẹ ne iran do khọn Jerusalẹm ne iran miẹn ehe na mu olighi yọ.

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Psalm 47:2

E Nọyaẹnmwa ne Ne ọ yo sẹẹ Ehia ọmwa ne a mu ohan rẹn nọ; ọba nọkhua ọ re nọ, ọmwa ne ọ khaemwisẹ yan otọ agbọn hia.

Psalm 76:8

Ẹrinmwi ọ re uwẹ ke rhie ibuohiẹn ruẹn maa. Ohan keghi mu agbọn ọ na hunwan zẹẹ.

Psalm 89:2

Mẹ rẹnrẹn wẹ ahoẹmwọmwa ruẹn ọ ghe etẹbitẹ nọ, kevbe wẹ aguobọ ọmwa ruẹn te ọ ye gbain zẹ vbe iso.

Psalm 89:3

Wẹ khare wẹẹ, “I gu ọmwa ne I hannọ zẹ ta ile nẹ; I tama Devid ne ọguọmwadia mwẹ nẹ wẹẹ,

Psalm 89:8

E Nọyaẹnmwa Osanobua ne Oghodua, ọmwa ne ọ mwẹ ẹtin vbe uwẹ i rrọ vbe uwu emwi hia Nọyaẹnmwa, te uwẹ gia mu ẹtin yan.

Ẹksọdọs 20:6

Sokpan iran nii ho ẹmwẹ mwẹ nii vbe rhie uhi mwẹ mwẹ, aro nọmaa mwẹ gha rre iran egbe ya sẹ orre arriaisẹn arriaisẹn.

Diuteronomi 7:12

“Deghẹ wa gha rhie ehọ ye avbe uhi na, wa na gha ya iran ru emwi vbe ọghe ẹmwata, e Nọyaẹnmwa Osanobua gha mwẹ ahoẹmwọmwa ne ẹ i fafaa ghe uwa zẹ vbene ọ yan ma avbe erha uwa odede.

Diuteronomi 7:21

Ghẹ gie ohan emwa na mu ẹẹn. E Nọyaẹnmwa Osanobua rua rrọọ ya ba uwa. Osanobua nọkhua ne ọ kere ne a gha mu ohan rẹn nọ.

Diuteronomi 7:9

Wa yerre wẹ e Nọyaẹnmwa Osanobua uwa ọkpa ọrọre Osanobua, ọ vbe gia mu ẹtin yan. Ọ gha mu ile ọghe ọe sẹ, ọ ghi vba gha rhie ahoẹmwọmwa ne ẹ i fafaa ọghe ọe ma orre arriaisẹn vbe uwu iran ni ho ẹmwẹ ọnrẹn, iran na vbe gha ye uhi ẹre ru emwi.