Nehimaia 1:3 - Edo Bible (E Baibol Ẹdo) Version 1996

³ Iran keghi tama mwẹ wẹ uwu ọlọghọmwa nọkhua ọ re iran ye ighẹ iran ni miẹn uhunmwu ya sẹ owa, kevbe wẹ avbe erhunmwuyẹn ni yin lẹga iran I zẹdẹ ghe iran sọmwa, iran kevbe tama mwẹ wẹ te ekẹn ne a gbe gaa e Jerusalẹm he ye rẹnkhuan kevbe wẹ a ma he ye dọlegbe bọ onurho ẹre ke ẹghẹ ne iran ya giẹn ọnrẹn gha dee.

Nehimaia 1:3 ပူးပေါင်းရင်းမြစ်များ

I Ọba 9:7

ẹghẹ nii I ghi viọ ivbi Izrẹl ne emwa mwẹ hin otọe ne I mu ne iran rre. I ghi fi iyeke gbe Ọgua Osa na ne I ya khian ne ọ huanrẹn ne a ya gha ga mwẹ, emwa hia ghi gha giẹ Izrẹl vbe ehe hia, iran ghi vbe gha yagha ẹe.

II Ọba 25:10

Avbe ivbi iyokuo ẹre keghi guọghọ ekẹn ne a gbe ga ẹvbo ni sẹ otọ.

II Krọnikol 36:19

Ọ keghi giẹn Ọgua Osa kevbe ẹvbo ni sẹ otọ.

Ẹzra 2:1

Ni bun vbe uwu iran ni te rre iwe keghi kpa vbe Babilọn rre, iran na gha die Jerusalẹm kevbe Juda, edọmwadẹ ọghọe na gha die ẹvbo ẹre. Ẹgbẹe iran hia ni te ka gha rre iwe vbe Babilọn ke ẹghẹ ne Nebukiadneza ne ọba ya viọ iran oghunmwu gha rrie odọ nii gha dee.

Ẹzra 5:8

“Ma ho ne u rẹn Umogun wẹ ma yo otọ e Juda, ma keghi do miẹn wẹ iran gha dọlegbe bọ Ọgua Osa Osanobua nọkhua nii, iran gha ya avbe okuta nekhua kevbe olila ne a viọ lele ekẹn bọe. Te iran wa mu aro yọ gha ye ifuẹro ru ẹe, ọ hẹko mwẹ iran uhunmwu khian.

Nehimaia 11:3

Vbe avbe okpẹvbo kevbe ore nekhua ọghe otọe Izrẹl ni dekẹe, avbe ohẹn avbe Livai, iran ni winna vbe Ọgua Osa, kevbe ivbi uniẹn eguọmwadia e Solomọn, iran ọ re ọ tobọ iran gha koko egbe iran vbe ẹvbo iran. Avbe ọkhaẹvbo ni rre otọe e Juda ni do yin e Jerusalẹm ọre ena khin:

Nehimaia 2:13

Asọn he ye nọ vbe ima la Onurho Iya ladian ore ẹvbo vbe obọ orrie, ma keghi khian ghe odẹ ekẹn, a na la Ẹzẹ Ugbogiorinmwi gberra gha rrie Onurho Otiku. Vbene I lae khian, I kegha ghe ehe ne ekẹn ẹvbo ni na guọghọ kevbe avbe onurho ne erhẹn giẹn uan.

Nehimaia 2:17

Sokpan, eban nian, I keghi tama iran wẹẹ, “Wa ghe uwu ọlọghọmwa ne ima ye rhunmwuda ne Jerusalẹm na rẹnkhuan, a kevbe guọghọ onurho ni rrọ ua! Wa gie ima dọlegbe gbe ekẹn ne ọ lẹga ẹvbo na, ne ima ban ukpọn emwiekhue hin ẹkun rre.”

Nehimaia 2:3

Rhunmwuda ọnii, I keghi wanniẹn wẹẹ, “U gha tọ u kpẹre Umogun, vbọzẹ ne ekhọe mwẹ i ra na rhia ugbẹn vbe a miẹn wẹ ẹvbo ne a re avbe erhamwẹ odede yi, a rẹnkhọn ruan, a keghi ya erhẹn giẹn urho ne ọ rrọọ?”

Nehimaia 7:6

Nibun vbe uwu iran ni ye iwe ni ghi kpao vbe otọe Babilọn rre, iran keghi dọlegbe gha die ẹvbo edọmwadẹ ọghọe vbe Jerusalẹm kevbe Juda. Ke ẹghẹ ne Ọba Nebukiadneza ya viọ iran oghunmwu kpao gha dee, otọe Babilọn ọ re ẹgbẹe iran na gha rre iwe.

Ẹsta 1:1

Ẹkete Ọba ẹre, ne ọ tota yi vbe Susa ne igiogbẹ otọe ẹvbo Pẹsia ọ re Kzakzis ne ọba kegha khaemwisẹ yan agbọn ẹvbo ihinrọn yan iyehan (127), ke India ne gban an gha dee do sẹ e Sudan.

Psalm 79:4

Avbe ẹvbo ni lẹga mwa gha tie ihẹn ne ima. Iran gha giẹ ima iran gha ya ima gbe ogiẹ.

Itan 25:28

Adeghẹ u i guara ziengbe vbe ohu a mu uẹn, te u wa mu egbe fua, zẹ vbe ẹvbo ne a ma gbe ekẹn gaa, ẹ i sọn emwa guẹ gbinna.

Aizaia 43:28

avbe nikhaemwisẹ uwa ru owa mwẹ awua. Rhunmwuda ọnii, I keghi sii ọfuan ye Izrẹl egbe I keghi kue ne a yagha emwa wẹ.”

Aizaia 5:5

“Vbene I ra ru ogba mwẹ hẹ ọ re ọna khin. I gha guọghọ ogba ne I gba ga ẹre hin rre, I ghi vbe guọghọ ekẹn ne ọ te degue ẹre. I ghi vbe gie aranmwẹ oha rri ọe, ne iran vbe ya owẹ rrilo ẹe muotọ.

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 29:18

I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 39:8

Vbe uwu ẹghẹ na, ivbi Babilọn keghi giẹẹn ẹguae ọba sotọ ke ẹe kevbe owa avbe emwa nii, iran keghi vbe guọghọ ekẹn ne a gbe lẹga e Jerusalẹm kua.

Jerimaia 42:18

“E Nọyaẹnmwa ne Osanobua Izrẹl khare wẹẹ, ‘Zẹ vbe ne a hihiẹẹ izohu kevbe okuosu mwẹ yan ivbi e Jerusalẹm erriọ zẹ ọ re a gha hihiẹ okuosu mwẹ yan uwa adeghẹ wa kpao gha rrie Igipt. Wa gha khian ne ọmianmwẹ ughe, emwa gha ye uwa gha gbogiẹ, wa ghi khian ne a ya tie ihẹn ne ọmwa. Wa ighi dọlegbe ye aro uwa kan emwana ọvbehe.’ ”

Jerimaia 5:10

I gha gie avbe eghian ne iran do giagia azara emwa mwẹ ku otọ, sokpan, ne iran ghẹ wa fuẹn ọnrẹn uan fẹẹrẹ. I gha wẹ ne iran giagia ẹre abọ kua, rhunmwuda, avbe abọ nii i re ọghomwẹ.

Jerimaia 52:14

Avbe ivbiyokuo ẹre keghi guọghọ ekẹn ne a gbe lẹga ẹre sotọ.

Eve Orriara 1:7

Itowa ne ọ rre ivbiẹ ghi nọ na Jerusalẹm do ye ẹghẹ ne ọ na rre atẹ rre. Ẹghẹ ne obọ eghian ghi na gba ẹre a ma ghi miẹn ọmwa ne ọ yi ọre obọ. Iran ni khọn mu ẹẹn keghi yae gha gbogiẹ ye ne ọna de guọghọ ua.

Eve Orriara 2:9

Iku siẹẹn rhu onurho ẹre ginna otọ a dunmwu ogba ni rro rẹnkhẹnrẹnkhẹn. Ke avbe ọha kevbe egbesẹmwegie hia iwe ọ re iran hia ghi ye. A i ghi ma emwa nene Uhi ọvbehe avbe akhasẹ ighi miẹn umian ke ehe ne Nọyaẹnmwa ye rre.

Eve Orriara 3:61

“U họẹn vbe iran rhovbiẹ mwẹ Nọyaẹnmwa wẹ rẹn ehe ne iran ghae yi hia.

Eve Orriara 5:1

E Nọyaẹnmwa, ye emwi ne ọ he rruan mwa rre. Tọn aro mu ghe ima, ne u ghe vbene a fa ima an hẹ.

Levitikọs 26:31

I gha ya ẹvbo uwa hia khian ni rẹnkhẹn uan, I gha guọghọ ehe ne uwa na ga. I ghi vbe he ese ne uwa zọre.

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.