Nehimaia 1:11 - Edo Bible (E Baibol Ẹdo) Version 1996

¹¹ Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Nehimaia 1:11 ပူးပေါင်းရင်းမြစ်များ

Gẹnẹsis 24:42

“Mẹ ghi sẹ uhae na ẹrẹna, I keghi na erhunmwu wẹẹ, ‘E Nọyaẹnmwa, Osanobua Ebraham ne arowa mwẹ, lahọ rhie arudinodẹ mẹ vbe emwi ne I ru vbobọ na.

Gẹnẹsis 32:11

Lahọ, miẹn mwẹ fan vbe obọ ẹtin Isọ ne ọtẹn mwẹ. Afianma fian mwẹ we te ọ dee ra do gun mwẹ gbinna ne ọ wa fuẹn ima-an kevbe ikhuo kevbe emọ negiẹrẹ.

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Gẹnẹsis 40:1

Ọ ghi kpẹe kherhe, odibo ne ọ siẹnro ayọn kevbe ọkaolotu iran ni le ebrẹd ne ọba Igipt keghi fidọn ghe arowa iran.

Gẹnẹsis 40:2

Ohu ọruemwi ẹnrẹn eva na keghi mu e Fero,

Gẹnẹsis 40:21

Ọ keghi rhie ukpo nọ siẹnro ayọn rẹn dọlegbe nẹẹn,

Gẹnẹsis 40:23

Sokpan nọ siẹnro ayọn ma ghi mu ẹmwẹ Josẹf roro, ọ keghi mianmianẹn.

Gẹnẹsis 41:9

Ẹghẹ nii, nọ siẹnro ayọn keghi tama ọba wẹẹ, “I gha wa ye unu mwẹ miẹnkue ẹre ighẹ emwi dan ọre I ru.

Gẹnẹsis 43:14

Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”

II Krọnikol 6:40

“Banbanna nian, Osanobua mwẹ, tọn aro mu ghe ima ne u gha họn erhunmwu ne a na vbe emwa na.

Ẹzra 1:1

Vbe ukpo ne okaro ne Sairọs ya gha re ọgbaisi e Pẹsia, e Nọyaẹnmwa keghi ru ẹe ne ẹmwẹ ne ọ la unu e Jerimaia ne akhasẹ ta do sẹ. Ọ keghi rhie ẹre ye Sairọs ekhọe, ne ọ ta ẹmwẹ na ladian, kevbe ne ọ gbẹnnẹ ọẹn ne a vbe tie ẹre ne emwa hia vbe otọe arriọba ẹre hia wẹẹ,

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Nehimaia 1:6

Ghe mwẹ Nọyaẹnmwa ne u họn erhunmwu mwẹ ne I na ne ivbi Izrẹl asọn kevbe avan. I miẹnkue wẹ ma ne ivbi Izrẹl ru orukhọ. Mẹ kevbe avbe erha mwẹ odede ru orukhọ.

Nehimaia 2:1

Ọ ghi sẹ ẹdẹ ọkpa vbe uki enẹ ghi gberra nẹ, Atakzaziz ne Ọgbaisi ghi rri evbare, I na sa ayọn mu gie ẹe. Ọ ma he miẹn mwẹ vbe uwu akhiẹ vberriọ ẹdẹ,

Nehimaia 2:8

I keghi vbe nọ wẹ ne ọ gbẹn ebe mẹ rhie gie Asaf ne ọ gbearoghe ẹgbo ọba, ne ọ khama rẹn wẹ ne ọ viọ erhan mẹ ne I ya kan ẹkhu onurho odin ne ọ degue Ọgua Osa, deba ọghe ekẹn ne a gbe lẹga ẹvbo kevbe owa ne imẹ ra dia. Ọgbaisi keghi wa viọ emwi ne I nọrẹn hia mẹ rhunmwuda, Osanobua gun mwẹ rrọọ.

Psalm 106:46

Ọ keghi ru ẹe ne agiẹngiẹn iran la ekhọe iran ni zẹ iran kpokpo.

Psalm 130:2

Nọyaẹnmwa, họn eve mwẹ, họn vbene I tu nọ iyobọ hẹ.

Psalm 61:5

Osanobua wẹ họn eyan ne I yan rẹn nẹ, wẹ vbe rhie emwi ne ọ re ọghe iran ni ya ọghọ ne uẹn, mẹ nẹ.

Psalm 86:6

Nọyaẹnmwa, danmwehọ erhunmwu mwa họn utumwẹ ne I tu ya nọ iyobọ.

Itan 1:29

Irẹnmwi ma he mwẹ emwi ne ọ khin ne uwẹ ẹdẹdẹmwẹdẹ, erriọ wa ma kue yọ ne uwa gha họn ẹmwẹ ne Nọyaẹnmwa.

Itan 21:1

Vbene ẹ i lọghọ e Nọyaẹnmwa vbe ọ gha ta ehe ne ẹzẹ gha lẹ la, erriọ ẹre ẹ i vbe lọghọ vbe ọ a gha dia ekhọe ọba ye odẹ.

Jerimaia 42:12

Vbene imẹ na mwẹ itohan nii, I gha ru ẹe ne ọ vbe tohan uwa, ne ọ vbe gie uwa werriegbe gha rrie owa. Mẹ ne Nọyaẹnmwa ọ re ọ taa ẹe.’

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Hibru 13:18

Wa ye gha na erhunmwu ne ima. Ma rẹnrẹn wẹ ekhọe ima ma bu abe gbe ima, rhunmwuda, ma ho ne ima ru vbene ọ kere ẹghẹ hia.