Nahum 3:9 - Edo Bible (E Baibol Ẹdo) Version 1996

⁹ Rẹn ọ re ọ gha kha yan e Sudan kevbe Igipt, ẹtin ẹnrẹn ma vbe gha mwẹ khian sẹ evba. Te Libya ye egbe kọ ẹe.

Nahum 3:9 ပူးပေါင်းရင်းမြစ်များ

Gẹnẹsis 10:6

Ivbie Ham kegha re Kus, Igipt, Libya kevbe Kenan, iran ọrọre erha odede avbe iran ne a he ẹre eni gie iran.

I Krọnikol 1:8

Ivbi e Ham kegha re Kus, Igipt, Libya kevbe Kenan, iran na ọ re erha odede emwa ne a vbe tie vberriọ.

II Krọnikol 12:3

Ke ẹe kevbe ivbiyokuo ne arria ehan (1,200) ni hin ikẹkẹ okuọ, arriaisẹn iyeha (60,000) keghi hin ẹsin, deba ivbiyokuo kẹkan ne a i sẹtin ka vbe uwu ne ivbiyokuo e Libya ye, kevbe ọghe Suk kevbe ọghe Sudan.

II Krọnikol 16:8

Avbe ivbi e Sudan kevbe Libya ma gha mwẹ ivbiyokuo ni bun ra deba ikẹkẹ okuọ ni bun kevbe avbe emwa ni hin ẹsin? Sokpan, rhunmwuda ne u na mu ẹtin yan e Nọyaẹnmwa, ọ keghi gie obọ ruẹ ke ukhunmwu ne ọghe iran.

Aizaia 20:5

Iran ni mu ẹtin yan e Sudan, iran na vbe gha ya Igipt rhuọ, aro gha ru iran gboo, idaehọ iran ghi wu ye ihoi.

Jerimaia 46:9

Tama avbe ẹsin ne iran gha khian, kevbe avbe ikẹkẹ okuo ne iran khianmwu. Gie avbe ivbiyokuo ladian, emwa ni ke Sudan kevbe Libya rre, iran ni viọ asa mwẹ, kevbe emwa ni guẹ uhanbọ ne a fi, ni ke Lidia rre.’ ”

Ezikiẹl 27:10

“Ivbiyokuo ni ke Pẹsia rre kevbe Lidia kevbe Libya rre usun iran ni re ivbiyokuo ruẹ. Iran viọ asa kevbe erhu ẹgere iran rrọ ye ibareke ruẹ. Iran na ọ re ọ ru emwi uyi mu ye uẹ obọ.

Ezikiẹl 29:7

Iran gha yegbe gọ yan ruẹn, u ghi bun fua, u ghi so ẹre irere, u ghi gie iran bun ugboloko iyeke.

Ezikiẹl 30:5

“Okuo ni ọ re ọ ra vbe gbele avbe ivbiyokuo, ne iran vbu viọ ke Sudan rre, kevbe Libya, e Lidia, Arebia, e Kub, deba iran ni ke ehe ne emwa mwẹ ye rre.”

Ezikiẹl 31:2

“Ovbi ọmwa, tama ọba Igipt kevbe emwa rẹn hia wẹẹ: “A miẹn vbe u wegbe hẹ! De emwi ne I gha ya ẹe gie?

Ezikiẹl 38:5

Emwa ni ke Pẹsia, e Sudan kevbe Libya rre gue ẹe, ehia ọ re ọ wa vbe mwẹ erhu ẹgere kevbe asa.

Daniẹl 11:43

Ọ gha viọ emwi ẹfe Igipt ne a hẹ lẹre gha rrie, avbe igoru esiliva kevbe avbe emwi ighobioye nekpa ne ọ mwẹ. Ọ gha khọn Libya kevbe Sudan.