Nahum 3:8 - Edo Bible (E Baibol Ẹdo) Version 1996

⁸ E Ninevi, wẹ vbe maa sẹ Tebis ne igiogbẹ Igipt nian ra? Rẹn vbe gha mwẹ ẹzẹ ne ọ degue ẹre. E Naẹl ọ re ọ gha re ogba ne a gba ga ẹre.

Nahum 3:8 ပူးပေါင်းရင်းမြစ်များ

Jerimaia 25:19

Eni avbe emwa ọvbehe ni gha da vbe ukpu ni ọ re ena khin: ọba Igipt, avbe ekhaẹmwẹ kevbe avbe ọkaolotu ẹre, avbe ivbi Igipt hia kevbe avbe erhunmwuyẹn ni rre otọ Igipt hia, avbe ọba ni rre otọe Uz hia, avbe ọba ẹvbo e Filistin hia ighe avbe Askẹlọn, e Gaza, Ẹkrọn kevbe ne ọ ghi dekẹe vbe Asdọd, ivbi Idọm hia, e Moab kevbe Amọn, avbe ọha e Taia kevbe Saidọn, avbe ọba otọe e Meditẹrrenian hia, avbe ore nọkhua Dedan, e Tema kevbe Buz, avbe emwa ni gbe eto iran sikẹ otọ, avbe ọba Arebia hia, avbe ọba ẹwae ni rre ato hia, avbe ọba e Zimri, Ẹlam kevbe Midia, avbe ọba odẹ okuọ hia, ni sikẹ emwa, kevbe ni rrei vbe emwa, ọsegbe ọsegbe, te avbe uhunmwu ẹvbo ni rre otọ agbọn hia gha da vbọ, vbe okiekie ehia, ọba e Babilọn ghi do da vbọ.

Jerimaia 46:12

Agbọn ẹvbo họn efa ne ọ rruan uwa nẹ, agbọn hia họẹn vbe uwa viẹ. Ovbiyokuo ọkpa ghi ya owẹ rri ọvbehe gberra iran eveva ghi dele gbe otọ.

Ezikiẹl 29:15

Iran ghi gha re arriọba ne ọ ghi vburriẹ sẹẹ ehia. Iran i ghi ra vbe gha kha yan ẹvbo ọvbehe ẹdẹ. I ghi si iran kẹ otọ sẹrriọ wẹ iran i ra dọlegbe sẹtin ru ẹe ne iran ya ẹtin bi ẹvbo ọvbehe do ru zẹ vbene iran ho.

Emọs 6:2

Wa ya ghe ore Kalnẹ. Wa ghi vbe ke evba kpao ya ghe ore nọkhua ighẹ Hamat kevbe ya sẹ e Gat ne ẹvbo e Filistin. Emwi rrọ ne iran ya maa sẹ otọ arriọba e Juda kevbe Izrẹl ra? Ehe ne otọe iran lae vbe digba sẹ ọwua ra?