Nahum 3:5 - Edo Bible (E Baibol Ẹdo) Version 1996

⁵ E Nọyaẹnmwa ne Oghodua khare wẹẹ, “I gha rriọ oya, Ninevi, I gha bannọ ọn uan, I ghi vbe gie avbe uhunmwu ẹvbo miẹn ọn, iran gha miẹn ọn vbe uwu emwiekhue ruẹ.

Nahum 3:5 ပူးပေါင်းရင်းမြစ်များ

Jerimaia 13:22

U gha nọ emwi ne ọ si ẹe ne emwi na hia na sunu vbe egbe ruẹ, emwi ne ọ si ẹe ne ukpọn na yanghan ye uwẹ ẹkun, kevbe ne emwa na ye ẹtin mu ẹẹn guẹ gha ru emwi, emwi ne ọ sii ẹe ọrọre wẹ orukhọ ruẹ mu ohan gbe.

Jerimaia 13:26

E Nọyaẹnmwa tobọ ẹre ọ re ọ ra bannọ uwa a, ọ ghi gie agbọn miẹn emwi ekhue uwa.

Jerimaia 50:31

E Babilọn, uhiomwẹ wa gba ruẹ egbe rhunmwuda ọnii, mẹ ne Udazi, e Nọyaẹnmwa ne Oghodua, mu aro igbinna da ruẹ. Ẹghẹ sẹẹ nẹ ne I gha na rria ruẹ ikhi.

Ezikiẹl 16:37

Rhunmwuda emwi na, I si avbe egbakhian ruẹn nẹdẹ hia koko, iran ne ẹmwẹ ọnrẹn gha yẹ ruẹ kevbe iran ne u ma ho ẹmwẹ ọnrẹn, I gha viọ iran rre ne iran do doga ruẹ, I ghi bannọ ọn ukpọn hẹ kua, ne iran miẹn uwẹ eban ra vbe u rre irhunmwuirhun.

Ezikiẹl 21:3

Mẹ ne Nọyaẹnmwa khare wẹ, eghian uwa ọ re imẹ khin, I gha yuo umozo mwẹ ladian, I ghi gbele uwa hia a, ke ne ọ re ọmwa esi ke ne ọ re ọmwa dan.

Ezikiẹl 23:25

Rhunmwuda ighe ohu ruẹ mu mwẹ nẹ, I gha gie iran ya ohu ru uẹ emwi. Iran gha giagia ihue ruẹ kevbe ehọ ruẹ kua, iran ghi vbe gbele avbe ivbi uẹ ua. Ẹn, iran gha miẹn ruẹn emọ ikpia kevbe emọ ikhuo, iran ghi sirra a gien iran an, ke iran kevbe ẹmwẹ ne unu.

Ezikiẹl 23:29

Rhunmwuda ne ohu ruẹ na mu iran, iran gha viọ emwi ne u he khuan hia, iran ghi bannọ uan zẹ vbe ebabotu, orriarria kevbe ebabotu ne u gbe

Ezikiẹl 26:3

“Banbanna, vbene imẹ ne Nọyaẹnmwa ne Udazi khare ọ re ọna khin wẹẹ: Oghian an ọ re I khin, wẹ ne ore ẹvbo e Taia. I gha viọ uhunmwu ẹvbo nibun rre ne iran do guẹ gbinna iran gha rre zẹ vbe amẹ okun ne ọ khọn yo khọn rre.

Maika 1:11

Wa ne ivbi Siafa, wa gha rrie iwe, vbe irhunmwuirhun kevbe ekhue. Ohan i ghi gie iran ni rre Zaanan ladian hin ore ẹvbo iran rre. Wa gha họn vbene ivbi Betezẹl ya khiẹ hẹ, wa gha wa rẹn wẹ, ehe ne a lẹre yi i ghi rre evba.

Nahum 2:13

Nọyaẹnmwa ne Oghodua khare wẹẹ, “Oghian uwa ọ re I khin. I gha giẹn avbe ikẹkẹ okuo uwa a. A gha gbele avbe ivbiyokuo uwa vbe okuo. I gha vbe viọ emwi hia ne uwa miẹn emwa ọvbehe re gha rrie. A i ghi dọlegbe họn ẹmwẹ ukọ ruẹ ọvbehe.”

Habakọk 2:16

Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.