Nahum 3:4 - Edo Bible (E Baibol Ẹdo) Version 1996

⁴ A gha rri ọre oya nian ighe e Ninevi ne ọ kẹkẹẹ ua Ọ ya ose silo avbe uhunmwu ẹvbo kẹ egbe. Ọ keghi ya iran khian eviẹn.

Nahum 3:4 ပူးပေါင်းရင်းမြစ်များ

Aizaia 47:8

“Danmwehọ ẹmwẹ na, wẹ ne ọyẹnmwẹ yẹẹ, wẹ ne ọ ro ighẹ ẹbe fo, ẹkun vbe sẹ uẹ otọ. U khare wẹ u kpọlọ vba Osanobua nẹ kevbe wẹ ọmwa ne ọ ye vbe ruẹ ighi rrọọ, u te ro ighẹ u i ra dẹgbẹ ẹdẹ ra ne ọmọ wu ẹ.

Aizaia 47:9

Sokpan, vbe ifuanro ọkpa kẹkan, vbe ẹdẹ ọkpa kẹkan, emwi eveva na gha sunu. Egbe ne a rhe ya miẹn ighẹ, u silo ẹbọ ga egbe hia ọdafọn kevbe avbe ivbuẹ gha wulo uẹ.

Ezikiẹl 16:35

Rhunmwuda ọnii nian, e Jerusalẹm ne ẹwia! Danmwehọ vbene Nọyaẹnmwa ne Udazi kha hẹ.

Arhie Maan 18:23

A i ghi ra dọlegbe bẹghe uwanmwẹ ukpa ne a rhu vbe uwu uwẹ ọvbehe. A i ra dọlegbe họn urhu ọha kevbe ọdafẹn ọha vbe uwu uwẹ ọvbehe. Emwa iwinna ruẹn ọre ọ te re ne ọ mwẹ ẹtin sẹ vbe uhunmwu otọ agbọn hia, u kegha ya ẹbo awan ohoghe ruẹ mu emwa ne agbọn hia rẹrẹ!”

Arhie Maan 18:9

Avbe ọba agbọn, ne ọ gu ẹe ruemwi awua kevbe orriarria, gha tu, iran gha vbe viẹ ne ẹvbo nii, vbe iran a miẹn ighogho ne ọ gbe vbe ọ gha giẹn.