Nahum 3:3 - Edo Bible (E Baibol Ẹdo) Version 1996

³ Iran ni hin ẹsin vin ghe odaro umozo gha filo usanna kua, asoro gha fi wainwain, a silo orinmwi yan egbe, ikun orinmwi ne a i sẹtin ka emwa gha rrua owẹ vbe egbe iran.

Nahum 3:3 ပူးပေါင်းရင်းမြစ်များ

Gẹnẹsis 3:24

Vbe odẹ ahọ ọghe ogba nii, rẹn keghi viọ emwi ne a yi ni ma he wu eso yọ, ke iran ke umozo ne erhẹn ne ọ baa ne ọ vbe gbe lẹga egbe hia. Wẹẹ ne iran ghẹ gie ọmwarhọkpa sikẹ erhan arrọọ nii.

II Ọba 19:35

Ọ ghi sẹ akọn nii, odibo e Nọyaẹnmwa keghi la agọ ivbi e Siria, ọ na gbele ivbi iyokuo arriaisẹn isẹn yan iyihinrin (185,000). Ẹdẹ ghi gbe vbe ẹdẹ ne ọ lele ẹe, ehia keghi khian orinmwi.

Aizaia 34:3

Aira tọnnọ ikun iran yotọ, sokpan te ehia ra gha rre evba, iran ghi gha kẹkẹ ua, iran ghi gha wia, avbe uhunmwu oke ghi gha baa ne esagiẹn.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 66:16

Erhẹn kevbe umozo ẹre ọ ra ya rri avbe emwa nagbọn hia ne ọ miẹn abe vbe obọ ẹre oya, a gha gbele nibun uan.

Ezikiẹl 39:4

E Gọg kevbe avbe ivbiyokuo ẹre deba iran ni yegbe ba ẹre gha dele wu vbe oke Izrẹl, I ghi vbe gie ikun iran khian evbare ne avbe ahianmwẹ kevbe aranmwẹ oha hia.

Levitikọs 26:37

Wa ghi gha dele yan egbe vbene ọmwarhọkpa ma na khu uwa, wa i ra vbe sẹtin gu eghian rhọkpa gbinna.

Nahum 2:4

Ikẹkẹ okuo iran wa vinnọ uvinnọmwẹ ẹrhia lele adesẹ ore. Iran gha khọn yo khọn rre vbe ughe. Iran gha baa vbe ukpekhọe, iran vbe sanmwẹ yo sanmwẹ rre vbe ayan.

Habakọk 3:11

Ugbẹn vbe ifẹnmwẹ ruẹn tin khian ọ filo usanna kua, deba umozo ruẹ ne ọ de wainwain, uki kevbe owẹn keghi mudia hiii.