Nahum 3:19 - Edo Bible (E Baibol Ẹdo) Version 1996

¹⁹ Ẹwẹn ruẹn i mwẹ ukhunmwu, a i vbe sẹtin kpe ẹwẹn ruẹn ne ọ rrie. Emwa hia ni họẹn ighe a fuẹn ruẹn uan, gha kpe obọ ne oghọghọ, ọmwa ne uyinmwẹ ekhọe dan ruẹn ne ẹ i fo la ban rrọ ra?

Nahum 3:19 ပူးပေါင်းရင်းမြစ်များ

Job 27:23

Ẹhoho ghi gha so yan iran vbene iran ya rhulẹ khian ni, Ọ ghi gha ye ẹtin ọfuan runran iran.”

Aizaia 37:11

U họẹn vbene ọgbaisi Asiria ru avbe uhunmwu ẹvbo ne irẹn a rhirhi kha ighẹ rẹn ra rẹnkhẹn uan hẹ. Te uwẹ ro ighẹ u gha sẹtin miẹn uhunmwu ra?

Aizaia 37:18

E Nọyaẹnmwa, ma hia rẹnrẹn wẹ uhunmwu ẹvbo ni bun ọ re avbe ọgbaisi Asiria he rẹnkhẹn uan ọ na ya otọ iran khian otọ ne ọ gbe ẹvbi.

Jerimaia 10:22

Wa danmwehọ! Iran giee uhunmwu rre. Ẹvbo ọkpa vbe odẹ okuọ wa hu yo hu rre, ivbiyokuo ẹre gha ya avbe okpẹvbo e Juda khian ato, ehe ne avbe akuaghagha ghi dia.”

Jerimaia 30:12

E Nọyaẹnmwa keghi tama avbe emwa rẹn wẹẹ, “Ẹwẹn uwa i mwẹ ikhunmwu, ẹtẹ uwa i gia kpe ne ọ rrie.

Jerimaia 46:11

Ivbi Igipt, wa gha rrie Giliad ne uwa ya gualọ ukhunmwu, ukhunmwu uwa rhọkpa i ghi sẹ, emwi ne ọ gha sẹtin sinmwi uwa i ghi rrọọ.

Eve Orriara 2:15

Emwa ni la ore ẹvbo nii gberra ghi gha ghe ruẹ sọnnọsọnnọ iran ghi fieghe uhunmwu iran ghi gha giẹ udemwẹ e Jerusalẹm wẹẹ, “Ẹvbo olose nii ọna gele khin ra? Emwi ne otagbọn hia ya ghan ọna khin ra?”

Ezikiẹl 25:6

“Vbenian ọre Nọyaẹnmwa ne Udazi khare: Wa kpee obọ, wa na san ghe ukhunmwu ne oghọghọ. Wa keghi zan otọe Izrẹl.

Jona 1:2

Ọ wẹẹ, “Gha rrie Ninevi, okpẹvbo nọkhua nii, ne u ya ta ku ọre, I rẹn vbene emwa rẹn mwẹ ekhọe dan hẹ.”

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”

Arhie Maan 13:7

A keghi vbe rhie ẹghẹ nẹẹn ne ọ ya gha gu emwa Osanobua gbinna kevbe ne obọ ẹre vbe gha ke ukhunmwu ne iran, a keghi rhie asẹ nẹẹn yan uhunmwu ẹwae hia kevbe emwa ẹvbo ne azẹ kevbe uhunmwu ẹvbo.

Arhie Maan 17:2

Avbe ọba agbọn hia gue nene ogiete ebabotu gbe alama oghẹ, emwa ne agbọn hia keghi khian ne ayọn rẹn ghi gbe vbe iran ghi da nẹ vbe uwu ayọn alama oghẹ ọre.”

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.