Nahum 3:16 - Edo Bible (E Baibol Ẹdo) Version 1996

¹⁶ Avbe ọduẹki ne u biẹlẹe bun sẹ avbe orhọnmwẹ ni rre iso, sokpan, banbanna nian, a ho ehia bẹkun, zẹ vbe irhiso ni rhan ifuẹn iran, iran keghi tinnọ gha rrie.

Nahum 3:16 ပူးပေါင်းရင်းမြစ်များ

Gẹnẹsis 15:5

Nọyaẹnmwa keghi rhie ẹre ladian ore, ọ wẹẹ, “Tọn aro mu ghe iso ne u ka inu orhọnmwẹ ni rrọọ; a deghẹ u gha sẹtin, uniẹn ruẹn gha bun vberriọ zẹẹ.”

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Nehimaia 9:23

U viọ emọ nibun ne iran zẹvbe orhọnmwẹ ni rre iso iran khọn avbe ẹvbo nii, iran na vbẹ yin ẹnrẹn ne u yanrẹn i ghẹ u gha mu ne erha iran odede.

Psalm 105:34

Ọ guan rẹn, avbe irhiso keghi rre, inuẹbo ne ai sẹtin ka.

Aizaia 23:8

De ọmwa ne ọ ghi kun ẹn vbe nian na yi wẹ ne emwi vbenian do sunu vbe egbe Taia, ne ẹvbo ahi rre, ne ivbi ogie ẹre ni do ẹki ye isi te gha re emwa ne a ghi yọghọ na sẹẹ vbe otọ agbọn?

Jerimaia 33:22

I gha muan ivbi uniẹn e Devid ne ọguọmwadia mwẹ, kevbe avbe ohẹn ne ivbi uniẹn e Livai sẹrriọ wẹ a i ra sẹtin ka iran zẹ vbene a i sẹtin ka avbe orhọnmwẹ ni rre aro iso ra ikpẹkhae ni rre ọkpẹn okun.”

Joẹl 1:4

Oghẹn irhiso gha vẹ rre lele egbe do gha deyan emwiokọ; emwi ne oghẹn ọkpa re kẹe, nọkpa ghi rri ọe fo.