Nahum 3:15 - Edo Bible (E Baibol Ẹdo) Version 1996

¹⁵ Emwi ne ọ rhirhi a khọn ruẹn, u ru, te a gha ye giẹn ruẹn uan vbe okuo, ne uwu. Te a ra wa gbe uẹ ogbefo zẹ vbe emwiokọ ne irhiso re. Te uwa vbe gha muan vbe irhiso.

Nahum 3:15 ပူးပေါင်းရင်းမြစ်များ

Aizaia 66:15

E Nọyaẹnmwa gha rre, ke irẹn ke erhẹn. Ifuẹn okpẹhoho ọ re ọ ra hin gha dee do rri iran ne ohu ẹre mu ẹẹn oya.

Aizaia 66:16

Erhẹn kevbe umozo ẹre ọ ra ya rri avbe emwa nagbọn hia ne ọ miẹn abe vbe obọ ẹre oya, a gha gbele nibun uan.

Jerimaia 51:14

Nọyaẹnmwa ne Oghodua ọ re ọ tobọ ẹre ya arrọọ irẹn tobọ ẹre vẹn ihẹn wẹ, rẹn gha viọ emwa nibun rre ne iran do gu e Babilọn gbinna zẹ vbe irhiso, iran gha vbe we uwemwẹ akhọnmiotọ.

Joẹl 1:4

Oghẹn irhiso gha vẹ rre lele egbe do gha deyan emwiokọ; emwi ne oghẹn ọkpa re kẹe, nọkpa ghi rri ọe fo.

Joẹl 2:25

I gha rhie emwi ne uwa te mu fua dọlegbe ne uwa, vbe ẹghẹ ne avbe oghẹn irhiso na gha rri uwa emwiokọ. Mẹ ọ re ọ gie ivbiyokuo na bu uwa gha dee.

Emọs 7:1

I keghi miẹn umian ne ọ ke ehe ne Nọyaẹnmwa ne Udazi ye rre. I keghi bẹghe ẹre vbe ọ yi oghẹn irhiso, vbe a gha da wa fian irunmwu ne ẹsin re ọghe ọba, vbe avbe irunmwu nii ghi wa dọlegbe suẹn gha zọọ.

Nahum 2:13

Nọyaẹnmwa ne Oghodua khare wẹẹ, “Oghian uwa ọ re I khin. I gha giẹn avbe ikẹkẹ okuo uwa a. A gha gbele avbe ivbiyokuo uwa vbe okuo. I gha vbe viọ emwi hia ne uwa miẹn emwa ọvbehe re gha rrie. A i ghi dọlegbe họn ẹmwẹ ukọ ruẹ ọvbehe.”

Nahum 3:13

Avbe ivbiyokuo ruẹ yevbe ikhuo, ẹvbo ruẹ keghi khian ne ẹ i ghi mwẹ ogba ne a gba ga ẹre, vbe odaro avbe eghian ruẹn. Erhẹn gha giẹn ogba ne a mu gbe onurho ruẹ.

Zẹfanaia 2:13

E Nọyaẹnmwa gha ya ẹtin ẹnrẹn fuẹn Asiria rua, ọ gha ya ore Ninevi khian itowa ne a lẹ sẹrae, ato ne amẹ i ye.