Nahum 3:10 - Edo Bible (E Baibol Ẹdo) Version 1996

¹⁰ Sevba te a ye viọ Tebis gha rrie iwe. Abọ idunmwu hia ọ re a na wa gha gbele ivbi iran la ẹrinmwi. A ye ghan rro emwa rẹn ni hin usi viọ kpao, a keghi ghaa iran ne emwa ni viọ iran oghunmwu.

Nahum 3:10 ပူးပေါင်းရင်းမြစ်များ

II Ọba 8:12

E Hazaẹl keghi nọ rẹn wẹẹ, “Vbọzẹ ne u na viẹ yi enọwanrẹn?” Elaisia keghi wanniẹn wẹẹ, “Rhunmwuda, I miẹn emwi ne ọ wegbe ne u ra ru ivbi Izrẹl re. U gha rhu erhẹn ye owa ọkhẹ iran, u ghi rẹnkhẹn nii maa sẹẹ vbe igbama iran, u ghi dunmwu ivbi iran an, u ghi vbe wọlọ akpa hin ẹko ikhuohanmwẹ rre.”

Job 6:27

Wa gha sẹtin yan uta ye ọviẹn ne udefiagbọn, wa ghi silo emwi ọse uwa khuankhuaankhuan ya vuọn ẹfe uwa.

Psalm 137:8

E Babilọn, te a ra guọghọ ua, afiangbe nọ ne ọmwa ne ọ gha ha ẹre ne uẹn, zẹ vbene uwẹ ru ghe mwa

Psalm 137:9

ne ọ gha viọ ivbuẹ; ọ ghi salọ iran an vbe okuta.

Psalm 149:8

Ne iran ya ọgiọrọ rro avbe ọba iran, kevbe avbe olotu iran, ọgiọrọ ematọn.

Aizaia 13:16

Vbe ne iran wa ghe iran nii, a gha sirra iran salọ ivbi iran uhunmwu vbe otọ gbelua, a gha fu emwi ni rre owa iran viọ, a ghi gha mu avbe amwẹ iran ya gha.”

Aizaia 13:6

Wa gha tulo utumwẹ obalọ. Ẹdẹ e Nọyaẹnmwa sẹ otọ fo, ẹdẹ ne Oghodua ra mu ọfuan rre.

Aizaia 19:4

I gha viọ ivbi Igipt ku obọ ọba dan, ọba ne ekhọe dan ne ọ ra gha khaemwisẹ yan iran. Mẹ ne Nọyaẹnmwa ne Oghodua, ọ re ọ tae.”

Aizaia 20:4

Ọgbaisi ọghe Asiria gha viọ avbe oghunmwu ne ọ munọ ẹn vbe ẹvbo eveva na gha rrie vbe irhunmwuirhun. Ke ibiẹka kevbe eniwanrẹn, iran gha ya owẹ mama otọ, iran ghi vbe gha khian vbe irhunmwuirhun, iran ghi munọ ikebe yotọ, ne iran fa Igipt rua.

Eve Orriara 2:19

Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!

Eve Orriara 4:1

Igoru mwa ne ọ te fi wainwain wu nẹ vbe aro. Avbe okuta Ọgua Osa tagha lele ore ẹvbo hia.

Ezikiẹl 29:7

Iran gha yegbe gọ yan ruẹn, u ghi bun fua, u ghi so ẹre irere, u ghi gie iran bun ugboloko iyeke.

Hozia 13:16

Te a gha rri e Sameria oya ye ne ọ na sọtẹ mwẹ. Emwa rẹn gha wulo ye okuo, a gha viọ avbe emobọ fianmwẹ otọe, a ghi va avbe ikhuohanmwẹ ẹko.”

Joẹl 3:3

Iran yan uta ya gualọ ọmwa, ne a gha viọ avbe oghunmwu na, iran khiẹnnẹ emọ ikpia kevbe emọ ikhuo ọviẹn, ne iran ya gha ha igho ne avbe igberagia, kevbe ne iran ya gha da ayọn.

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Obedaia 1:11

Te u mudia gha ghe ughe vbe ẹdẹ ne avbe eghian guọghọ onurho iran kua. Te uwa wa vbe gha re emwa dan zẹ vbene avbe orhunmwuyẹn gha ye, iran ni fu ẹfe Jerusalẹm viọ gha rrie iran na ya gba ghaa ẹre.