Nahum 2:9 - Edo Bible (E Baibol Ẹdo) Version 1996

⁹ Wa fu avbe esiliva viọ, wa fu igoru viọ. Ẹfe wa vuọn ẹvbo nii!

Nahum 2:9 ပူးပေါင်းရင်းမြစ်များ

II Krọnikol 36:10

Ọ ghi sẹ omuhẹn orhọ, e Nebukiadneza ne ọba keghi mu e Jehoiakin oghunmwu gha rrie Babilọn, ọ na vbe viọ emwi ẹwe ni rre Ọgua Osa gha rrie. Ẹre Nebukiadneza na ya ovbi erha e Jehoiakin ighẹ Zedekaia ma ọba e Juda kevbe Jerusalẹm.

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Aizaia 33:4

Emwa ghi fan rhu emwi iran, iran ghi hẹ gha rrie zẹ vbe emwi ne obọ vbare vbe ifu.

Jerimaia 25:34

“Wa gha viẹe, wa ne avbe ọkaolotu, wa ne ọsuohuan avbe ohuan mwẹ. Wa gha khiẹ, ne uwa vbe gha werriẹ vbe uwu ebubẹ. Ẹghẹ sẹ nẹ nian ne a gha ya lọkọ uwa a, a gha gbele uwa vbene a gbele ogho.

Jerimaia 46:5

“Sokpan, de emwi ne I ghi bẹghe?” erriọ Nọyaẹnmwa nọrẹn. “Ehia ye ohan lẹ werriegbe. Iran khulo iran, avbe ivbiyokuo iran zẹ ulẹ ua udu iran kpan fi ẹko, iran keghi lẹ vbene okhian sẹtin kẹ iran sẹ, iran ma vbe gbe aro ghe iyeke.

Jerimaia 51:56

Te iran rre do fuẹn Babilọn ruan kevbe ivbiyokuo ẹre hia, a vbe bunnọ uhanbọ iran. Osanobua ne ọ rria ikhi orukhọ mẹ khin, I gha ru e Babilọn emwi ne ọ ma ẹẹn.

Ezikiẹl 26:12

Iran ne eghian ruẹn gha tobọ iran viọ emwi ne u mwẹ kevbe atẹ ruẹ. Iran gha guọghọ ekẹn ẹvbo ruẹ gbotọ, iran ghi vbe zanzan avbe owa ẹfe kpọkua ne uwa bọlọe. Iran gha viọ avbe okuta kevbe erhan kevbe iku ni rrọ, iran ghi filo ehia ku uwu okun.

Daniẹl 11:8

Ọ gha viọ amazẹ avbe ẹbọ iran gha rrie Igipt, deba avbe emwi ne a ya igoru kevbe esiliva ru ne a ya gho avbe ẹbọ nii.

Nahum 3:17

Avbe ekhaẹmwẹ ruẹn ye vbe irhiso ni mama lele ekẹn vbe ẹdẹ ne oni fi. Sokpan, ugbẹn vbe ovẹn ghi yan rre, iran tinnọ kua, a ma ghi vbe rẹn ehe ne iran lae.

Arhie Maan 18:12

Ọmwa rhọkpa ma ghi dẹ igoru iran kevbe esiliva kevbe ukpọn ododo, esiliki kevbe ukpọn nọ baa rriẹrriẹ, avbe erhan ne a i rherhe miẹn nii hia, kevbe avbe emwi hia ne a ye akọn eni ru, kevbe erhan ne ọ ghan ẹsẹse, emwi ne a ya oze ru kevbe ematọn kevbe okuta ẹrọnmwọ.

Arhie Maan 18:16

Iran ghi vbe kha wẹẹ, “Okokokoo, Ọ mu ohan gbe o ighẹ emwi ne ẹvbo nọkhua nii miẹn! Eto ovbiohuẹ kevbe ododo ibakpa ọre ọ te ya haan, ọ ghi silo emwi itegbe ọghe igoru, okuta ighobioye, kevbe ikpe ẹrọnmwọ ye egbe.