Nahum 2:5 - Edo Bible (E Baibol Ẹdo) Version 1996

⁵ A tie avbe ọkaolotu iran ye iko, iran rrua owẹ vbe iran yẹn egbe ghe odaro. Iran ni gu iran gbinna bi ghe odẹ ekẹn, iran keghi mu asa ye odẹ khẹ olẹtin ne ọ dunmwu iran an.

Nahum 2:5 ပူးပေါင်းရင်းမြစ်များ

Aizaia 21:5

Vbe umian nii, a keghi le evbare eghọ yotọ. A keghi wa ukpọn lele otọ ne avbe emwa ne a tiere tota yi. Iran kegha re, iran na gha da. Vbe udomwurri, urhu asẹ okpa keghi tae wẹẹ, “Ewọe, wa viọ asa ne uwa mu egbe yotọ.”

Aizaia 5:27

Ọkpa ne egbe wọre i rre uwu iran, okpa ne ọ vbe rrua owẹ irrọọ. Iran i mumu, iran i vbiẹ, ukugba iran i vbe kuọghọ, irri ibata okpa i vbe fian.

Jerimaia 46:12

Agbọn ẹvbo họn efa ne ọ rruan uwa nẹ, agbọn hia họẹn vbe uwa viẹ. Ovbiyokuo ọkpa ghi ya owẹ rri ọvbehe gberra iran eveva ghi dele gbe otọ.

Jerimaia 50:29

“Wa tama iran ni fi uhanbọ ne iran dekun e Babilọn. Wa gie iran gha khian ighe avbe emwa ni ghi guara fi uhanbọ kevbe ifẹnmwẹ. Wa ghae ga ẹvbo nii, wa ghẹ vbe gie ọmwarhọkpa miẹn uhunmwu vbọ. Wa ru ẹre emwi hia ne irẹn vbe ru emwa re werriegbe. Wa hae nẹ zẹ vbene irẹn ka ru. Rhunmwuda, uhiomwẹ ọ re ọ ya yin da mwẹ, mẹ ne ọmwa Nọhuanrẹn ọghe Izrẹl.

Nahum 2:6

Urho ni rre odẹ ẹzẹ yannọ ye otọ ohan nọkhua keghi vuọn ẹguae.

Nahum 3:18

Ọgbaisi Asiria, avbe gọvina ruẹn wulo nẹ, avbe emwa ni hin usi ruẹ vbe vbiẹ ovbe ne a i ghi na rhiọrre. A zagha emwa ruẹn hia lele uhunmwu oke ni yo, a ma miẹn ọmwa ne ọ gha ghi viọ iran gha die owa.

Nahum 3:3

Iran ni hin ẹsin vin ghe odaro umozo gha filo usanna kua, asoro gha fi wainwain, a silo orinmwi yan egbe, ikun orinmwi ne a i sẹtin ka emwa gha rrua owẹ vbe egbe iran.

Habakọk 1:8

“Okhian kẹ avbe ẹsin iran sẹ atalakpa, iran vbe mu ohan sẹ avbe oduma ne ohanmwẹ gbe. Emwa ni hin ẹsin ọghe iran, ehe ne ọ rrei ọre iran kegha hin ẹsin gha dee, ẹsin ya owẹ guọghọ otọe hia. Iran ghi vin rre zẹ vbe oghohọn ne ọ ra gbe emwi.