Nahum 2:13 - Edo Bible (E Baibol Ẹdo) Version 1996

¹³ Nọyaẹnmwa ne Oghodua khare wẹẹ, “Oghian uwa ọ re I khin. I gha giẹn avbe ikẹkẹ okuo uwa a. A gha gbele avbe ivbiyokuo uwa vbe okuo. I gha vbe viọ emwi hia ne uwa miẹn emwa ọvbehe re gha rrie. A i ghi dọlegbe họn ẹmwẹ ukọ ruẹ ọvbehe.”

Nahum 2:13 ပူးပေါင်းရင်းမြစ်များ

II Ọba 18:17

Ọgbaisi e Siria keghi gie ivbi iyokuo ọrhẹnrhẹn ke Lakis gha dee ne iran do gu a Hẹzekaia gbinna vbe Jerusalẹm, iran keghi ya mu odẹ ne iran ni ru ukpọn na winna mwẹ, evba nii ọ re uvun ne amẹ lẹ la ke uhae ne ọ ke uwu ẹre rre ye.

II Ọba 18:19

Ọkpa vbe uwu iran ne ivbi Asiria keghi nọ iran wẹ iran ho ne iran rẹn emwi ne e Hẹzekaia ne ọba mu ẹtin yan ne ohan i na mu ẹẹn.

II Ọba 19:23

U gie emwa uhunmwu ne iran do rhuọ ma mwẹ wẹẹ, ‘Ikẹkẹ okuo ruẹ ọ re u ya khọn ehe ne ọ yo sẹ vbe uhunmwu oke Lebanọn muotọ. U vbe rhuọ wẹ te u tọnnọ erhan isida ni ghi tan sẹ kevbe uvbiakhẹ ni maa sẹ gbe otọ, kevbe wẹ te u niẹn obọ sẹ ehe ne ọ ghi dinmwi sẹ vbe uwu ẹgbo hia.

II Ọba 19:9

Ivbi Asiria keghi họn wẹ e Tihaka ne ọba e Sudan viọ ivbi Igipt dee do gu iran gbinna. Ugbẹn vbe Ọgbaisi ghi họn ẹmwẹ na, ọ keghi gbẹn ebe gie Hẹzekaia ne ọba e Juda.

II Krọnikol 32:19

Iran kegha ta ẹmwẹ Osanobua ọghe Jerusalẹm zẹ vbe ne iran ta ẹmwẹ avbe ẹbọ ẹvbo ọvbehe, avbe amazẹ ne emwa ya obọ mannọ.

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Jerimaia 21:13

E Jerusalẹm, wẹ tota ye ehe ne ọ yo sẹ avbe iya ẹsẹse, zẹ vbe okuta nọkhua, ne ọ yo sẹ otọe ne ọ rriẹe ẹsẹse. Sokpan, I gha guẹ gbinna. U khare wẹ ọmwa ne ọ gha sẹtin dekun ruẹn i rrọọ ra ọmwa ne ọ gha sẹtin ha emwi ne u ya gba ogba ga egbe i rrọọ.

Jerimaia 46:14

“Ya kha vbe ore ẹvbo Igipt, vbe Migdọl, Mẹmfis kevbe Tapanhes wẹẹ, ‘Wa mu egbe ne uwa ya gbinna ne egbe uwa; emwi ne uwa mwẹ, a gha fuẹn ehia vbe okuo!

Jerimaia 50:31

E Babilọn, uhiomwẹ wa gba ruẹ egbe rhunmwuda ọnii, mẹ ne Udazi, e Nọyaẹnmwa ne Oghodua, mu aro igbinna da ruẹ. Ẹghẹ sẹẹ nẹ ne I gha na rria ruẹ ikhi.

Jerimaia 51:25

E Babilọn, te u yevbe oke ne ọ fuẹn uhunmwu otọ agbọn hia, sokpan, mẹ ne Nọyaẹnmwa, oghian ruẹn ọ re imẹ khin. I gha dobọ mu ẹẹn, I ghi guoghọ ọ sẹ otọ, I ghi ya uwẹ khian emuẹn.

Ezikiẹl 13:8

Rhunmwuda ọnii, e Nọyaẹnmwa ne Udazi tama iran wẹẹ, “Emwi ne a zẹ ta ọ re ẹmwẹ uwa khin, ohoghe ọ re umian uwa vbe khin, rhunmwuda ọnii, ohu uwa wa mu mwẹ.

Ezikiẹl 21:3

Mẹ ne Nọyaẹnmwa khare wẹ, eghian uwa ọ re imẹ khin, I gha yuo umozo mwẹ ladian, I ghi gbele uwa hia a, ke ne ọ re ọmwa esi ke ne ọ re ọmwa dan.

Ezikiẹl 26:3

“Banbanna, vbene imẹ ne Nọyaẹnmwa ne Udazi khare ọ re ọna khin wẹẹ: Oghian an ọ re I khin, wẹ ne ore ẹvbo e Taia. I gha viọ uhunmwu ẹvbo nibun rre ne iran do guẹ gbinna iran gha rre zẹ vbe amẹ okun ne ọ khọn yo khọn rre.

Ezikiẹl 28:22

Tama iran ni rre evba ẹmwẹ ne imẹ ne Nọyaẹnmwa ne Oghodua tae vbe ekpa iran. Oghian uwa ọ re I khin Saidọn, emwa gha rho mwẹ ye emwi ne I ru uwa re. Iran gha rẹn wẹ mẹ ọrọre Nọyaẹnmwa vbe I a ghi rri emwa ni rre uwu uwẹ oya nẹ ne I ya rhiema vbene I huan hẹ.

Ezikiẹl 29:10

Oghian uwẹ kevbe nene Naẹl ruẹ ọ re I khin. I gha ya otọe Igipt hia khian otọe ne ọ gbe ẹvbi, kevbe Migdọl ne ọ rre odẹ okuọ ya sẹ ore Asuan ne ọ rre odẹ ekẹn rhinrin ya sẹ ehe ne uwu e Sudan lae.

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Ezikiẹl 35:3

Tama iran vbe ne imẹ ne Nọyaẹnmwa ne Udazi kha hẹ wẹ: “Oghian uwa ọre I khin wa ne oke nekhua ni rre Idọm.

Ezikiẹl 38:3

ne u tama rẹn wẹ mẹ ne Nọyaẹnmwa ne Udazi, oghian rẹn ọ re I khin.

Ezikiẹl 39:1

E Nọyaẹnmwa ne Udazi khare wẹẹ, “Ovbi ọmwa, ta ku a Gọg ne uhunmwu uta ne ọ khaemwisẹ yan ẹvbo avbe Mẹsiẹk kevbe Tubal, ne u tama rẹn wẹ oghian rẹn ọre I khin.

Ezikiẹl 5:8

Rhunmwuda ọnii, te imẹ ne Nọyaẹnmwa ne Udazi ghi tama ruẹn nian ighe oghian an ọ re I khin. Igha bu ohiẹn ruẹn vbe ehe ne aro uhunmwu ẹvbo hia gha na sẹ ọe.

Nahum 2:12

Oduma gbe emwi ne ọ ra re nẹ, ọ keghi yanghaan ẹre ukhiọnmwẹ ukhiọnmwẹ ne amwẹ kevbe ivbi ẹre ọ ye efun ne a yanghaẹn vuọn uvun ẹnrẹn.

Nahum 3:1

Ọghọe fo ighe ẹvbo ọhọn ohoghe ne izigha nii, ọ vuọn ne ẹfe ne a gha fu hẹ gha rrie.

Nahum 3:12

Avbe ogba ne u gba ga egbe hia gha ye vbe erhan ohọ ne ọmọ vboo ye ọ re uhunmwu. U gha rueghe erhan rẹn, ọmọ rẹn ghi wa de ye uẹ unu zẹẹ.

Nahum 3:15

Emwi ne ọ rhirhi a khọn ruẹn, u ru, te a gha ye giẹn ruẹn uan vbe okuo, ne uwu. Te a ra wa gbe uẹ ogbefo zẹ vbe emwiokọ ne irhiso re. Te uwa vbe gha muan vbe irhiso.

Nahum 3:5

E Nọyaẹnmwa ne Oghodua khare wẹẹ, “I gha rriọ oya, Ninevi, I gha bannọ ọn uan, I ghi vbe gie avbe uhunmwu ẹvbo miẹn ọn, iran gha miẹn ọn vbe uwu emwiekhue ruẹ.

Jọsua 11:6

E Nọyaẹnmwa keghi tama e Jọsua wẹẹ, “Ghẹ gie ohan iran mu uẹn, vbe ọ te sẹ ẹghẹ na akhuẹ, I gha gbele iran hia fo ne ivbi Izrẹl. Wa ghi kun avbe ẹsin iran use, wa ghi giẹn ikẹkẹ okuo iran an.”

Jọsua 11:9

E Jọsua keghi ru iran vbe ne Nọyaẹnmwa khare: ọ keghi kun ẹsin iran use, ọ na giẹn ikẹkẹ okuo iran an.