Nahum 2:12 - Edo Bible (E Baibol Ẹdo) Version 1996

¹² Oduma gbe emwi ne ọ ra re nẹ, ọ keghi yanghaan ẹre ukhiọnmwẹ ukhiọnmwẹ ne amwẹ kevbe ivbi ẹre ọ ye efun ne a yanghaẹn vuọn uvun ẹnrẹn.

Nahum 2:12 ပူးပေါင်းရင်းမြစ်များ

II Samuẹl 17:8

wẹ rẹnrẹn wẹ erhaa kevbe emwa rẹn, ekpakpasusu iran khin vbe igbinna kevbe wẹ iran khọ sẹ akpakomiza ne a munọ ẹre emọ vbe uwu oha. Erhaa, ovbiyokuo ne ọ kpe agbọn nọ, ẹ i vbe di ehe ne emwa rẹn ye ya vbe asọn.

Psalm 17:12

Iran ye vbe oduma, iran gha khẹ mwẹ, iran gha khẹ ne iran yanghan mwẹ ukhiọnmwẹ ukhiọnmwẹ.

Jerimaia 51:34

Ọba e Babilọn giagia e Jerusalẹm, ọ na rrii ọe ọ ke tue ẹvbo nii kua fo zẹ vbe esago. Ọ keghi mi ẹn re, zẹ vbe ugbogiorinmwi ọ viọ avbe emwi ni yẹ ọre vbọ ọ na viọ ni dekẹe kua.

Nahum 2:11

Okpẹvbo nii ghi vbo yi? Ẹvbo ne ọ te ye vbe uvun oduma, ehe ne a na te koko ivbi oduma ehe ne oduma ọwẹe kevbe oduma amwẹ ye, ne ivbi iran na gu iran rrọọ vbe a i mwẹ ẹbe?

Nahum 2:13

Nọyaẹnmwa ne Oghodua khare wẹẹ, “Oghian uwa ọ re I khin. I gha giẹn avbe ikẹkẹ okuo uwa a. A gha gbele avbe ivbiyokuo uwa vbe okuo. I gha vbe viọ emwi hia ne uwa miẹn emwa ọvbehe re gha rrie. A i ghi dọlegbe họn ẹmwẹ ukọ ruẹ ọvbehe.”

Nọmbas 23:24

Te ẹvbo Izrẹl yevbe oduma ne ọ mwẹ ẹtin, ọ ma gbe yanghan re nẹ, ẹ i hẹwẹ, ọ te wọn esagiẹn iran ne irẹn gbele.”