Nahum 2:10 - Edo Bible (E Baibol Ẹdo) Version 1996

¹⁰ A fuẹn Ninevi ua, a hee ẹe ye otọ, ọ dihoi rua! Ẹtin hia ranran an rhunmwuda ohan, igbọn gha rhie gbe egbe, ẹtin fo. Te aro ghi reghe ua vbe uhunmwu.

Nahum 2:10 ပူးပေါင်းရင်းမြစ်များ

Gẹnẹsis 1:2

Agbọn ma zẹdẹ gha mwẹ ona, emwi i vbe rrọ, ebiebi keghi so gba avbe okun nekhua ni hu yo hu rre vbọ. Ẹtin Osanobua kegha lọyan yo lọyan rre vbe uhunmwu amẹ.

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Aizaia 21:3

Emwi ne I họẹn kevbe ne I miẹn vbe umian nii, sii ohan kevbe obalọ yọmwẹ egbe, obalọ ne ọ yevbe ọghe okhuo ne emwi ubiẹmwẹ ru.

Aizaia 24:1

E Nọyaẹnmwa ra duẹ otọ agbọn na an, ọ ghi sẹ ọe rae vbe ihoi. Ọ gha mu ehe ne a ya owẹ rrilo vbe otọe agbọn khiẹn yo khiẹn rre, ọ ghi zagha emwa ni rrọọ kua.

Jerimaia 30:6

Banbanna nian, wa mudia ne uwa ro iro. Okpia gha hanmwa ọmọ biẹ ra? Vbọzẹ ne I na bẹghe avbe ikpia yi ni viọ obọ yan ẹko iran, vbe okhuo ne emwi ubiẹmwẹ ru? Vbe ehia ghi na fua banbanban hẹ?

Jerimaia 49:23

Emwi ne Nọyaẹnmwa tae vbekpa Damaskọs ọ re ọ na khin: “Ekhọe emwa ni rre Hamat kevbe Apad ma sẹ otọ, afianma vbe fian iran rhunmwuda, iran họn iyẹn dan, ohawa lẹ rhu iran zẹ vbe amẹ okun iran i ghi sẹtin kẹtin.

Jerimaia 51:62

‘E Nọyaẹnmwa, u tae nẹ ighẹ u gha fuẹn emwa na sẹrriọ, a i ghi ra miẹn emwi ne ọ ma he wu rhọkpa vbọ, ọ re ọmwa nọ ra aranmwẹ, kevbe wẹ, ọ gha vbe gha yevbe ato ẹdẹdẹmwẹdẹ.’

Jerimaia 8:21

A guọghọ mwẹ ogiudu ua rhunmwuda a guọghọ emwa mwẹ uan te I ghi khiẹ, ehia yan mwẹ unu uan.

Ezikiẹl 21:7

Iran gha nọ ruẹn emwi ne ọ zẹ ne u na rriakọn, u ghi tama iran wẹ rhunmwuda iyẹn ne ọ he dee nọ. Ẹghẹ ne iyẹn nii gha ya sẹ obọ, ohan gha mu iran hia ẹsẹse, obọ iran gha wu ginna iran egbe, ẹtin gha fo iran, igbọn iran ghi gha rhie gbe egbe. Nene ẹghẹ wa dee, ọ sẹẹ emwa fo nẹ,” E Nọyaẹnmwa ne Udazi guan nẹ.

Ezikiẹl 31:15

Vbenian ọ re Nọyaẹnmwa ne Udazi khare. “Vbe ẹdẹ ne erhan nii gha kpao gha rrie ẹvbo iran ni wulo nẹ, I gha ru ẹe wẹ ne amẹ ne ọ rre uwu otọ ro guẹ ẹre zẹ vbe ama akhiẹ. I gha khiọ avbe ẹzẹ, I i ghi ra vbe gie avbe ẹzẹ nibun nii gha lẹ amẹ ladian. Rhunmwuda ne erhan ni na wu, I gha gie ebiebi so vbe uhunmwu Oke Lebanọn, I ghi vbe ru ẹe ne avbe erhan ni rre oha hia luẹluẹ ua.

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Joẹl 2:6

Iran gha dee, ohan ghi gha mu emwa hia, edọmwadẹ ọghe ọe ghi reghe aroa vbe uhunmwu.

Nahum 2:2

(Te Nọyaẹnmwa ghi ra rhie uyi Izrẹl dọlegbe ye ihe, zẹ vbene ọ te gha ye ẹkpo ne avbe eghian rẹn ma na he zanzan ẹẹn ruan.)

Nahum 3:7

Emwa ni bẹghe ruẹ hia gha lẹ werriegbe. Iran ghi kha wẹẹ, ‘Itowa ọre Ninevi ghi khin! De ọmwa ne ọ gha tohan rẹn? De ọmwa ne ọ gha ho ne ọ fu ẹre ẹko rre.’ ”

Zẹfanaia 3:6

E Nọyaẹnmwa khare wẹẹ, “I ka gbe iyaẹvbo eso ogbefo yi. I dunmwu avbe okpẹvbo iran an, I keghi sẹ ekẹn iran kevbe owa ọkhẹ iran rae ye itowa. Emwa lẹ hin okpẹvbo iran rre, emwa i ghi rre ore iran, orhiọnkpa ma ke ẹe vbọ.

Jọsua 2:11

Ọwarọkpa vbe ima họn ẹn, ohan kegha mu ima, egbe na wọ edọmwadẹ ọghọe. Osanobua uwa, e Nọyaẹnmwa ọrọre Osanobua vbe ẹrinmwi kevbe agbọn.

Jọsua 7:5

Obọ avbe eghian keghi vba arhin ehan yan ọgban vbe uwu iran. Iran keghi khulo ivbi Izrẹl ke onurho ẹvbo nii kpao do sẹ ehe ne a na guọghọ okuta ya bọ owa, iran na gha gbele iran lele odẹ dee vbe ne a ya tuorre vbe oke nii. Ohan keghi suẹn gha mu ivbi Izrẹl ẹtin na fo iran.