Nahum 1:9 - Edo Bible (E Baibol Ẹdo) Version 1996

⁹ De uma ne uwa si ghe Nọyaẹnmwa yi? Ọ gha fuẹn uwa a. A i miẹn ne ọ sẹtin gbe odan ghe ẹre gberra uhukpa.

Nahum 1:9 ပူးပေါင်းရင်းမြစ်များ

II Samuẹl 20:10

Amasa ma vbe bẹghe umozo ne Joab mu mwẹ, e Joab keghi bi umozo ye ọ re ẹko, ibiẹ ọre hia keghi silo ku otọ. Ọ ke wa wu vbe ọwarọkpa nii. E Joab ma ghi vbe fi ẹre emwi ọvbehe. Ẹre Joab kevbe Abisiai ne ọtiọnrẹn na khu e Siẹba.

Psalm 21:11

Iran si uma, iran keghi khuan khẹ ọre. Sokpan ẹi dunna ne iran.

Psalm 33:10

E Nọyaẹnmwa ọ re ọ duẹ uma agbọn ẹvbo hia a, ẹi gie iran mu emwamwa iran sẹ.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 28:22

Ghẹ giẹ ye obọ ne I ya sa ekhae ne uwa, wa gha danmwẹ ọẹn ru vberriọ, ọ gha baa gbe wa ke miẹn uhunmwu. I họn ẹn vbe Nọyaẹnmwa ne Oghodua tae wẹ te irẹn ra fuẹn otọe ẹvbo nii hia a.

Jerimaia 51:64

U ghi vbe kha wẹẹ, ‘Emwi ne ọ ra rruan e Babilọn ọ re ọ na khin ọ gha dinmwi, ẹ i ghi ra vbe dọlegbe laghe odukhunmwu, rhunmwuda ọkhọ ne Nọyaẹnmwa ra gie ẹe do sunu vbe egbe ẹre.’ ” Ẹmwẹ e Jerimaia fo vbe emwa.

Ezikiẹl 21:5

Edọmwadẹ ọghọe gha rẹn wẹ mẹ ne Nọyaẹnmwa yuo umozo mwẹ ladian nẹ, kevbe wẹ mẹ i ra rhie ẹre yotọ.

Ezikiẹl 7:5

Emwi ne Nọyaẹnmwa ne Udazi khare ọ re ọna khin, “Ọkhọ ra do rruan uwa ke egbe ke egbe.

Hozia 7:15

“A gha rhe miẹn wẹ mẹ ọ re ọ koko iran wan, I na vbe ru ẹe ne iran wegbe, iran keghi ya gha si uma ọkhọ ghe mwẹ.

Nahum 1:11

E Ninevi ehe ne u ye ọ re okpia ọkpa kegha dee, ọmwa ne ọ vuọn ne uma dan, rẹn keghi vbe khuan khẹ e Nọyaẹnmwa.

II Kọrinti 10:5

Ma guọghọ ẹe sẹ otọ ighẹ emwi idobo ọghe uhiomwẹ ne emwa mu ye odẹ irẹnmwi Osanobua, ma munọ iro ekhọe hia oghunmwu, a na ye iran uhunmwu rhanmwẹ otọ ne Kristi.

I Samuẹl 26:8

Abisiai keghi tama Devid wẹẹ, “Osanobua rhie eghian ruẹn ye uẹ obọ ẹrẹna, banbanna nian, gun mwẹ ye asoro ọghe ọe hae ginna otọ, uhukpa kẹkan, II i ra vbe fi ẹre re ukpogieva!”

I Samuẹl 3:12

Vbe ẹdẹ ne ẹdẹrriọ, I gha ru emwi ne I yan rẹn ighẹ I gha ru ẹgbẹe Elai re, ke omuhẹn ya sẹ ufomwẹ ọnrẹn.