Nahum 1:6 - Edo Bible (E Baibol Ẹdo) Version 1996

⁶ Ohu gha mu ẹẹn, de ọmwa ne ọ gha miẹn uhunmwu? De ọmwa ne ọ gha miẹn uhunmwu vbe obọ ohu ẹre nọkhua? Ọ hihiẹ ohu ẹre ne ọ baa vbe erhẹn ladian, avbe okuta nekhua rẹnkhẹn uan iran khian ebubẹ vbe odaro ẹre.

Nahum 1:6 ပူးပေါင်းရင်းမြစ်များ

I Ọba 19:11

E Nọyaẹnmwa keghi tama rẹn wẹẹ, “Ladian ne u ya mudia ye odaro mwẹ vbe uhunmwu oke.” Ẹre Nọyaẹnmwa na do gberra, ọ na gie ẹhoho ne ọ wegbe, ọ na gha mu oke ni rueghe, ọ na gha rẹnkhẹn avbe okuta sokpan e Nọyaẹnmwa ma gha rre uwu ẹhoho nii. Ẹhoho keghi dobọyi, igbohiotọ keghi suẹn. Sokpan e Nọyaẹnmwa ma gha rre uwu igbohiotọ nii.

Job 26:11

Ọ gha zẹ aro mu avbe orre ni da iso yi, ohan ghi ya iran gha guọ, vbe gha mian zẹghẹzẹghẹ.

Job 40:11

Ghe avbe iran ni tọn egbe mu, hihiẹ okuosu ruẹ yan iran, ne u mu iran egbe rriotọ.

Job 9:5

Vbe ne a i na vbe ta ẹe ya, ọ ghi vbọlọ avbe oke, ohu gha muẹn, ọ ghi fuẹn ehia a.

Psalm 130:3

Wẹ gha wẹ ne u ka orukhọ mwa ye ima owẹ, de ọmwa okpa ne ai ra bu abe gbe?

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 76:7

Sokpan, emwa hia ọ re ọ mu ohan ruẹn Nọyaẹnmwa, ohu gha mu uẹn omwa okpa i rrọ ne ọ gha sẹtin mudia vbe odaro ruẹ.

Psalm 76:8

Ẹrinmwi ọ re uwẹ ke rhie ibuohiẹn ruẹn maa. Ohan keghi mu agbọn ọ na hunwan zẹẹ.

Psalm 90:11

De ọmwa ne ọ he ya egbe miẹn ohu ruẹ vbe uwu ẹtin ẹnrẹn hia? De ọmwa ne ọ rẹn ohan ne ohu ruẹ nọkhua sẹtin si rre?

Aizaia 10:16

E Nọyaẹnmwa ne Oghodua ra gie emianmwẹ ya rri iran oya ighe avbe emwa ni miẹn evbare re ẹsẹse nian. Erhẹn ne ọ yọn kpoo gha rre iran uwu egbe.

Aizaia 13:13

I gha ya ẹrinmwi gha guẹ zẹzẹzẹ, a gha vbe rueghe agbọn, a ghi sua ẹre hin ihe ẹre rre vbe ẹdẹ nẹdẹrriọ, ẹdẹ ne imẹ ne e Nọyan ne Oghodua gha rhie izohu mwẹ ma.

Aizaia 27:4

Ohu ogba azara nii i ghi mu mwẹ ọvbehe, adeghẹ igban kevbe ọkọsọ rrọ ne a gha gu khọn, I gha giẹn ehia fẹẹrẹ.

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Aizaia 66:15

E Nọyaẹnmwa gha rre, ke irẹn ke erhẹn. Ifuẹn okpẹhoho ọ re ọ ra hin gha dee do rri iran ne ohu ẹre mu ẹẹn oya.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Eve Orriara 2:3

Ugbẹn vbe ohu kakabọ mu ẹn ọ keghi duẹ ẹtin Izrẹl rua. Ọ kere ne ọ ye ima obọ vbe avbe eghian rre ọ ya uvannọmwẹ guọnmwẹ ghe ima zẹ vbe erhẹn, ọ keghi fuẹn emwi hia a.

Eve Orriara 2:4

Ọ ya uhanbọ kọn mwa zẹ vbene eghian ru ẹe; ọ gbele iran hia ne ima ya zowẹ ughanmwẹ ma wa họn obọ ugiẹnmwẹ ohu ẹre vbe egbe vbe Jerusalẹm vbe emwa na.

Eve Orriara 4:11

E Nọyaẹnmwa keghi wa tue izohu ẹre ne ọ wegbe ladian; ọ keghi hie erhẹn ye Zaiọn, ne ọ wa gien ọnrẹn sotọ.

Ezikiẹl 21:31

Wa gha họn obọ ohu mwẹ vbe egbe vbe ẹghẹ ne I gha na rhurhẹ ọe yan uwa zẹ vbe erhẹn ne ọ baa gidigidi. I ghi viọ uwa yan emwa dan obọ, emwa ni fuẹro emwi ne a mu rhia.

Ezikiẹl 30:16

I gha mu erhẹn ye Igipt, e Pelusium ghi gha rre obalọ. A gha guọghọ ekẹn Tẹbes sẹ otọ, amẹ ghi ro gue ẹvbo nii.

Ezikiẹl 39:6

I gha hie erhẹn vbe ore nọkhua e Magọ kevbe avbe eghute hia ne emwa na rrọ vbe ẹkun ne ọ sotọ, emwa hia gha vbe rẹn ighe mẹ ọrọre Nọyaẹnmwa.

Ezikiẹl 7:8

“Vbe ọ ma he kpee wan, wa gha họn obọ ohu mwẹ ne ọ wegbe vbe egbe. Te I ra bu ohiẹn uwa rhunmwuda emwi ne uwa ru, I gha vbe ha uwa osa vbe emwi ne ọ hu ẹko ne uwa ru.

Nahum 1:2

E Nọyaẹnmwa i zẹdẹ kue ne ọmwaikọmwa gu ẹe mwa ẹrrẹe; te ọ rri iran ni gbe odan ghe ẹre oya. Ọ ha ẹre werriegbe ne iran vbe ohu ẹre.

Zẹfanaia 2:2

vbe a te do miẹn wẹ wa luẹluẹ ua, wa keghi vbe wulo zẹ vbe obobo, vbene ohu nọkhua ọghe Nọyaẹnmwa te hihiẹ yan uwa, ọ te do sẹ ẹdẹ nii ne ọ gha rhie ohu ẹre maa.

Malakai 3:2

Sokpan, de ọmwa ne egbe ẹre gha rrọ ẹdẹ ne ọ ra rre? De ọmwa ne ọ gha miẹn uhunmwu vbe ọ gha ya gbe ladian? Te irẹn ra ye vbe evbakhuẹ ne ọ wegbe, zẹ vbe erhẹn ne ọ kpe ematọn huan.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Arhie Maan 16:1

I keghi họn vbe ọmwa ọkpa wa vannọ okan ke uwu Ọgua Osa gu avbe odibosa ihinrọn nii guan wẹẹ, “Wa ya rhurhẹ ọkpa ihinrọn ọghe izohu Osanobua nii yan agbọn!”

Arhie Maan 16:8

Odibosa ne ukpogienẹ keghi hihiẹ ọkpan ọghọe ye owẹn, a keghi wa fan obọ ẹre nẹẹn ne ọ ya owowo ẹre ọghe ọhanabe gha giẹn iran uan ighẹ emwa ne agbọn.

Arhie Maan 6:17

Rhunmwuda ẹdẹ izohu iran nọkhua gbe nẹ, de ọmwa ne ọ gha sẹtin khẹ iran vbe igbinna?”