Nahum 1:5 - Edo Bible (E Baibol Ẹdo) Version 1996

⁵ Avbe oke nekhua mu rueghe vbe ehe ne Nọyaẹnmwa ye avbe oke negiẹrẹ ranraẹn vbe odaro ẹre. E Nọyaẹnmwa gha ladian, otọe ghi mu rueghe.

Nahum 1:5 ပူးပေါင်းရင်းမြစ်များ

II Samuẹl 22:8

Agbọn mu rueghe, ọ guọ ọe zẹzẹzẹ, ẹyotọ iso vbọ uhe, ọ kegha guẹ, rhunmwuda ohu mu Osanobua.

Job 26:11

Ọ gha zẹ aro mu avbe orre ni da iso yi, ohan ghi ya iran gha guọ, vbe gha mian zẹghẹzẹghẹ.

Job 9:5

Vbe ne a i na vbe ta ẹe ya, ọ ghi vbọlọ avbe oke, ohu gha muẹn, ọ ghi fuẹn ehia a.

Psalm 104:32

Rẹn gbe aro ghe otọe, otọe kegha guọ, ọ ya obọ kan avbe oke, ehia keghi tue ighogho ladian.

Psalm 114:4

Avbe oke nekhua kegha san zẹ vbe ẹwe avbe oke negiẹrẹ kegha vbọ vbe ivbi ohuan.

Psalm 114:6

Wa ne oke nekhua, ne uwa na san vbe ẹwe? Wa ne oke negiẹrẹ ne uwa na vbọlọ vbe ivbi ohuan?

Psalm 18:7

Ẹghẹ nii, agbọn keghi mu rueghe, ọ guọe zẹzẹzẹ. Ẹyotọ avbe oke hia kpẹngiẹn ọ kegha mian. Rhunmwuda ighe ohu mu Osanobua.

Psalm 18:8

Ighogho vẹ ke uvun ihue ẹre ladian, aranmwẹ erhẹn ne ọ giẹn emwi uan kevbe ogiọnmwẹ erhẹn ne ọ giẹn, keghi ke unu ẹnrẹn ladian.

Psalm 46:6

Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

Psalm 68:8

otọe mu rueghe, iso kevbe rhọ amẹ yotọ rhunmwuda ighẹ Osanobua Sainai dee, rhunmwuda ighẹ Osanobua Izrẹl dee.

Psalm 98:7

Wa davan, wa ne okun, kevbe emwi ni rre uwu ẹre hia, agbọn, wa so ihuan, deba emwa hia ni rre uwu uwẹ!

Ẹksọdọs 19:18

Ighogho keghi gba uhunmwu oke Sainai hia rhunmwuda e Nọyaẹnmwa la erhẹn tuorre yan rẹn. Ighogho nii kegha ye odukhunmwu zẹ vbe ighogho ogidi erhẹn. Emwa nii hia kegha guọ kpẹkpẹkpẹ.

Aizaia 24:1

E Nọyaẹnmwa ra duẹ otọ agbọn na an, ọ ghi sẹ ọe rae vbe ihoi. Ọ gha mu ehe ne a ya owẹ rrilo vbe otọe agbọn khiẹn yo khiẹn rre, ọ ghi zagha emwa ni rrọọ kua.

Aizaia 24:20

Agbọn tobọ ẹre ghi gha ya owẹ fi otọ dọn, zẹ vbe Ọdayọn. Ọ ghi gha han yo han rre zẹ vbene irhu ne a gbae ru vbe okpẹhoho a gha hoho. Ihe orukhọ agbọn yẹnyẹn ọẹn mu otọ nẹ, ọ gha de guo, ẹ i ghi vbe kpaegbe ọvbehe.

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 4:24

I tọn aro mu ghe avbe oke nekhua, ehia ke gha guọ zẹzẹzẹ, avbe oke negiẹrẹ kegha de yo de rre.

Ezikiẹl 38:20

Avbe ehẹn kevbe ahianmwẹ hia, avbe aranmwẹ hia, nekhua ke negiẹrẹ, emwa nagbọn ni rre ehe hia gha guọ zighazigha rhunmwuda ohan mwẹ ne ọ mu iran. Avbe oke nekhua gha dele guọghọ ua, avbe oke ni ye gelete gha rẹnkhẹn uan, avbe ekẹn ne a gbe hia gha siẹn kua.

Joẹl 2:10

Iran gha dee, otọe ghi gha mu rueghe; iso ghi gha mian gbẹgbẹgbẹ. Owẹn kevbe uki ghi so ebiebi avbe orhọnmwẹ i ghi ladian.

Emọs 9:5

E Nọyaẹnmwa ne Udazi ne Oghodua ye obọ kan otọ agbọn, ọ keghi mu rueghe. Emwa ni rrọ hia gha khiẹ. Otọ agbọn hia kegha hu yo hu rre zẹ vbe Ẹzẹ e Naẹl.

Maika 1:4

Ẹghẹ nii, avbe oke nekhua nii ghi ranran vbe ototọ owẹ ọre, zẹ vbene odan ranran vbe erhẹn iran gha lẹ ku uwu iya zẹ vbene amẹ lẹ ke uhunmwu oke rre.

Habakọk 3:10

Ugbẹn vbe avbe oke nekhua bẹghe ruẹ, iran kegha guọ zẹzẹzẹ, amẹ keghi ke iso hihiẹ rre. Amẹ ne ọ rre ototọ otọ vannọ ọẹn, ubi mwẹ amẹ ọnrẹn keghi hue ẹsẹse.

Zẹkaraia 4:7

Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Matiu 27:51

Ẹghẹ nii, ọre ukpọn ne a tan ya fian Ọgua Osa na wa sọ ye iheva ke odukhunmwu do sẹ otọ. Otọe keghi mu rueghe, okuta kegha valọ.

Matiu 28:2

Vbe udomwurri, otọ keghi wa mu rueghe, odibosa Nọyaẹnmwa keghi tuorre ke ẹrinmwi rre, ọ werriẹ okuta ni hin evba, ọ keghi tota yan rẹn.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.

Arhie Maan 6:14

A keghi vbọlọ avbe oke nekhua, ke otọ ne amẹ lẹga hin ihe iran rre.

Giọgis 5:5

“Avbe oke nekhua guọe vbe odaro Nọyaẹnmwa e Sainai, vbe odaro e Nọyaẹnmwa ne Osanobua Izrẹl.