Nahum 1:14 - Edo Bible (E Baibol Ẹdo) Version 1996

¹⁴ Ẹmwẹ ne Nọyaẹnmwa ye ẹre iyi vbe ekpa Asiria ọ re ọna khin: “Iran i ra miẹn ivbi uniẹn iran ne ọ gha khuẹnniẹn eni iran khian, I gha guọghọ ehia ighe avbe amazẹ ni rre aro ẹbọ iran. I fian idin ye otọ khẹ ivbi Asiria nẹ. Ọ ma kei ne iran di agbọn ya.”

Nahum 1:14 ပူးပေါင်းရင်းမြစ်များ

II Ọba 19:37

Ọ ghi sẹ ẹdẹ ọkpa, ọ na gha gho e Nisrọk ne ẹbọ ẹre. Eva vbe uwu ivbi ẹre, a tie ọkpa vbọ Adramẹlẹk, a vbe tie nọkpa Siarezẹ, keghi ye umozo gbe ẹe rua iran na lẹ gha rrie otọ Ararat. Ọkpa vbe uwu ivbi ẹre ne a tie ẹre Esahadọn keghi la ukpo Ọgbaisi lele ẹe.

II Krọnikol 32:21

E Nọyaẹnmwa keghi gie odibo Osa, ọ na ya gbele avbe ivbiyokuo kevbe avbe ekaokuo ivbiyokuo Asiria. Ẹre ọgbaisi Asiria na rhie ukpọn efa rhuan werriegbe gha rrie Asiria. Ẹdẹ ọkpa, ọ ghi rre aro ẹbọ ẹre, eso vbe uwu avbe ivbi ẹre ni ikpia keghi ya umozo gbe ẹe rua.

Job 18:17

Usi ẹre fo vbe owa kevbe isi, a ma miẹn ne ọ ghi ye ẹre rre ọvbehe.

Psalm 109:13

Te ivbi uniẹn ọnrẹn hia gha wulo, te eni ẹnrẹn gha gbe ẹro, hin ọghe orre ni dee rre.

Psalm 71:3

Gha re ugue mwẹ ne ẹ i firaa, kevbe odin ọkhẹ nọ wegbe, ne ọ degue mwẹ. Wẹ ọrọre ugue kevbe ne ọ gbinna mẹ.

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Aizaia 33:13

Gie emwa hia ni rre ọkpẹn emwa na kevbe ni rre urria họn emwi ne I ru, ne iran vbe kpa uhe ne ẹtin mwẹ.”

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Daniẹl 11:21

Odibosa nii keghi ye gha rhan otọ ẹre khian, ọ wẹẹ, “Ọba ọvbehe ne ọ ghẹ ghi re lele ẹe vbe Siria gha re ọmwa dan ne ọba ma khẹ ke hiehiere, sokpan, ọ gha rre vbe udomwurri, ọ gha ye ero vbe iwegbe tota ye ẹkete.

Daniẹl 5:27

A kpaa ẹre ghe: a kpaa ruẹ ghe vbe esike, a keghi miẹn wẹ u hogha gbe.

Levitikọs 26:30

I gha guọghọ ehe ne uwa na ga vbe uhunmwu oke hia, I ghi dunmwu aka ne uwa na giẹn eturari hia sẹ otọ. I ghi filo ikun orinmwi uwa yan amazẹ uwa ni dele. Vbe uwu ne emwi hia na khan mwẹ.

Maika 5:13

I gha guọghọ amazẹ uwa kevbe avbe orre okuta ẹbọ rua, wa i ghi ra dọlegbe gha gho emwi ne uwa ya obọ uwa ru ọvbehe.

Maika 5:14

I gha guọghọ ehia sẹ otọ ighe amazẹ Asiẹrra ne ẹbọ ne okhuo vbe otọe uwa hia, I ghi vbe dunmwu ẹvbo uwa hia a.

Habakọk 2:10

Sokpan, uma ne uwa si si efa ye ẹgbẹe uwa egbe nẹ. Rhunmwuda, ne uwa na dunmwu uhunmwu ẹvbo ni bun uan, te uwa si ọfuan ye egbe uwa egbe.

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.