Nahum 1:13 - Edo Bible (E Baibol Ẹdo) Version 1996

¹³ I gha dobọ ẹtin ne Asiria mwẹ vbe uhunmwu uwa yi, I ghi vbe bunnọ ọgiọrọ ne ọ ya munọ uwa gbalọ.”

Nahum 1:13 ပူးပေါင်းရင်းမြစ်များ

Psalm 107:14

Ọ viọ iran ke uwu akhiẹ kevbe ebiebi ladian, ọ keghi bunnọ ọgiọrọ iran hẹ kua.

Aizaia 10:27

Ẹghẹ nii gha sẹ I gha fannọ uwa yotọ hin obọ ẹtin Asiria rre, urọnghọn iran i ghi ra ye dọlegbe gha re ihẹ vbe izabọ uwa.”

Aizaia 14:25

I gha rẹnkhẹn ivbi Asiria ni rre otọe Izrẹl ne ọghomwẹ, I ghi ya owẹ rrilo iran ginna otọe vbe uhunmwu oke mwẹ, I gha fannọ emwa mwẹ yotọ hin urọnghọn Asiria rre kevbe hin ihe ne a wẹ ne iran mu.

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 5:5

I gha ya iwegbe bu iran na gha khian, ne I ya gu iran guan. Vbe ne ẹmwata, iran rẹn emwi ne Osanobua iran ho. Emwi ne Nọyaẹnmwa ho ne iran ru.” Sokpan iran hia ọ re ọ wa he ne iran gha rre ototọ asẹ e Nọyaẹnmwa, iran he ne iran họn ẹmwẹ ne ẹẹn.

Levitikọs 26:13

Mẹ ne Nọyaẹnmwa Osanobua rua ọ re ọ viọ uwa ke Igipt ladian ne uwa ghẹ ghi gha re eviẹn ọvbehe. I guọghọ ẹtin ne ọ te de uwa ginna otọ, I na gie uwa gha khian vbe ne uwa na tọn uhunmwu uwa mu ẹsẹse.”