Nahum 1:12 - Edo Bible (E Baibol Ẹdo) Version 1996

¹² Vbenian ọ re Nọyaẹnmwa tama ivbi Izrẹl ne emwa rẹn: “A gha rhe miẹn wẹ ivbi Asiria wegbe, iran vbe bun, a gha fuẹn iran an, a ghi ho iran bẹkun. Wa ne emwa mwẹ, I gie uwa sẹ usẹ, sokpan, I i ghi dọlegbe ru ẹe vberriọ.

Nahum 1:12 ပူးပေါင်းရင်းမြစ်များ

II Ọba 19:35

Ọ ghi sẹ akọn nii, odibo e Nọyaẹnmwa keghi la agọ ivbi e Siria, ọ na gbele ivbi iyokuo arriaisẹn isẹn yan iyihinrin (185,000). Ẹdẹ ghi gbe vbe ẹdẹ ne ọ lele ẹe, ehia keghi khian orinmwi.

II Ọba 19:37

Ọ ghi sẹ ẹdẹ ọkpa, ọ na gha gho e Nisrọk ne ẹbọ ẹre. Eva vbe uwu ivbi ẹre, a tie ọkpa vbọ Adramẹlẹk, a vbe tie nọkpa Siarezẹ, keghi ye umozo gbe ẹe rua iran na lẹ gha rrie otọ Ararat. Ọkpa vbe uwu ivbi ẹre ne a tie ẹre Esahadọn keghi la ukpo Ọgbaisi lele ẹe.

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Aizaia 10:16

E Nọyaẹnmwa ne Oghodua ra gie emianmwẹ ya rri iran oya ighe avbe emwa ni miẹn evbare re ẹsẹse nian. Erhẹn ne ọ yọn kpoo gha rre iran uwu egbe.

Aizaia 17:14

Iran si ohan rre vbe ẹghẹ ota, sokpan, ọ gha sẹ owiẹ, iran kpao nẹ. Erriọ ọ ra rruan iran hia ni fu emwi viọ vbe ẹvbo mwa.

Aizaia 30:19

Wa ne emwa ni rre Jerusalẹm i ghi ra dọlegbe viẹ ọvbehe. Ọmwa itohan ọ re Nọyaẹnmwa khin, wa gha tu bu ẹre ya nọ iyobọ, ọ gha zẹ ye uwa ẹre.

Aizaia 31:8

A gha fuẹn Asiria a vbe okuo, sokpan ẹ i re ẹtin ọmwa nagbọn ọ re ọ ra ru ẹe. Ivbi Asiria gha lẹkua vbe okuo, a ghi munọ avbe igbama iran oghunmwu.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Aizaia 7:20

“Ọ gha sẹ ẹghẹ nii, e Nọyaẹnmwa gha ya rhie ọmwa ne ọ gbe eto okpa ke iyeke ẹzẹ Yufretes rre, ọnii nọ wẹ ọgbaisi Asiria, ọ gha kpolo uwa ẹtu ke eto ne uhunmwu kevbe ni rre uwu ikinnegbe.

Aizaia 8:8

Iran gha bi la e Juda gberra zẹ vbe amẹ ne ọ lẹ, ọ ghi ro ya sẹ izabọ, ọ ghi ro gue emwi hia.” Osanobua rrọọ yaba mwa, ifuẹn ọnrẹn ne ọ rhan rẹn degue otọe mwa.

Daniẹl 11:10

“Avbe ivbi ọba Igipt gha mu egbe okuo, ọ ghi vbe si ivbiyokuo, nibun koko. Ọkpa vbe uwu iran gha wa san mwẹ ladian zẹ vbe orogho amẹ ọ ghi ya gha gu ehe ne odin eghian ye gbinna.

Joẹl 2:19

Ọ zẹẹ ẹmwẹ wanniẹn iran wẹẹ: “Wanwanna nian, I ra do viọ avbe ọka kevbe ayọn, kevbe ofigbọn ne uwa. Ẹko gha vbe vuọn uwa ẹvbo ọvbehe i ra gha ye zan uwa ọvbehe.

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Arhie Maan 7:16

Ohanmwẹ i ghi gbe iran ọvbehe, ohanmwẹ amẹ i ghi vbe gbe iran, ovẹn ra emwi owowo ne ọ rhirhi gha khin, ghi gbe iran ọvbehe.