Nahum 1:10 - Edo Bible (E Baibol Ẹdo) Version 1996

¹⁰ A gha giẹn uwa a, zẹ vbe igban ni kinnọ egbe kevbe ebe ne ọ kakae.

Nahum 1:10 ပူးပေါင်းရင်းမြစ်များ

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

Psalm 118:12

Iran te ma rhu mwẹ zẹ vbe owọn, sokpan, iran giẹn uan vbe imọ. I ya eni e Nọyaẹnmwa fuẹn iran hia a.

Psalm 68:2

Zẹ vbene a hoho ighogho kua, erriọ ọ re ọ hoho iran gha rriẹ. Zẹ vbene odan ranran vbe erhẹn erriọ ọ re emwa dan lua vbe odaro Osanobua.

Ẹksọdọs 15:7

Vbe uwe akhọnmiotọ ruẹ nọkhua u rrua iran ne eghian ruẹn gbe otọ izohu ruẹ baa ladian, ọ keghi giẹn iran an zẹ vbe irunmwu ni ka ẹe.

Ẹksọdọs 5:12

Rhunmwuda ọnii, emwa nii na ragha gba otọ Igipt hia ya gha gualọ irunmwu.

Aizaia 27:4

Ohu ogba azara nii i ghi mu mwẹ ọvbehe, adeghẹ igban kevbe ọkọsọ rrọ ne a gha gu khọn, I gha giẹn ehia fẹẹrẹ.

Aizaia 47:14

“Te iran ra gha yevbe iku irunmwu ni bunnọẹn erhẹn ghi giẹn ehia a! Iran i ra kue sẹtin miẹn egbe iran fan erhẹn ni gha yọn ne iran gbe, ẹ i re erhẹn kherhe ne a ghae.

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Aizaia 56:12

‘Wa rhie ayọn rre, ne a da ehia ne ọ sẹ ima obọ! Ẹdẹ nakhuẹ gha maa sẹ ẹdẹnẹrẹ na!’ ”

Aizaia 9:18

Uyinmwẹ dan emwa nii gha to vbe erhẹn ne ọ giẹn ẹti oha igban, ọ gha giẹn vbe erhẹn ẹgbo ne ọ zẹ okpighogho ghe odukhunmwu.

Jerimaia 51:39

Te iran zuan ra? I gha le evbare ne iran, I gha ya ayọn ne iran da, iran ghi vbe gha ghọghọ. Iran gha ya vbiẹ vbe ne iran i ghi ra na rhiọrre ọvbehe.

Jerimaia 51:57

I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Maika 7:4

Iran ni maa sẹ, kevbe ne ẹ i ru ero vbe uwu iran, te ehia wa kuogboi zẹ vbe irunmwu. Ẹdẹ ni rre nẹ ne Nọyaẹnmwa gha rri avbe emwa oya, zẹ zẹ iran ighe avbe akhasẹ tama iran ye otọ. Banbanna nian, iro han iran hia.

Nahum 3:11

E Ninevi, wẹ tobọ ruẹ gha vbe zurọ ezurọ ọmwa ne ayọn gbe! We tobọ ruẹ gha vbe hia ne u lẹ eghian ruẹn fe.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

I Samuẹl 25:36

Abigẹl keghi bu e Nabal gha khian vbe ọ wa rre eghọ, egbe ne ọ kei ne ọba. Ayọn gbe ẹe, ọ keghi wa vbe hẹ yo hẹ rre, rhunmwuda ọnii, Abigẹl ma vbe ta ẹmwẹ ọkpa ma rẹn ẹdẹ te dọ gbe.