Matiu 9:9 - Edo Bible (E Baibol Ẹdo) Version 1996

⁹ Jesu keghi kpao vbe evba rre, ugbẹn vbe ọ ghi khian ọ miẹn okpia ọkpa ne a tiẹre Matiu, ọ tota ye ehe ne ọ na koko igho uhunmwu. Ọ keghi khama rẹn wẹẹ, “Lele mwẹ.” Matiu keghi guakpao, ọ na lelẹe.

Matiu 9:9 ပူးပေါင်းရင်းမြစ်များ

Ẹzra 4:13

Umogun, a gha miẹn wẹ, a dọlegbe bọ ẹvbo na kevbe ekẹn ne a gbe lẹga ẹre fo; emwa ni gha da obọ igho uhunmwu ne a zẹ mu guẹ, ẹghẹ nii, ẹfe ruẹ zẹ vbe ọba ghi do dibu.

Matiu 10:3

Filip kevbe Batolomiu Tọmọs kevbe Matiu ne ọ koko igho uhunmwu, Jems ovbi e Alfiọs, kevbe Tadiọs.

Matiu 20:4

Ọ kevbe tama iran wẹẹ, ‘Wa gha rrie ugbo mwẹ ya winna, I gha ha osa ne uwa vbe ne ọ ke yi.’

Matiu 8:22

Jesu wanniẹn tama rẹn wẹẹ, “Lele mwẹ ne u gie avbe orinmwi gha re e emwa ni wulo iran.”

Matiu 9:10

Jesu ghi rri evbare vbe owa ẹre, nibun vbe uwu iran ni koko igho uhunmwu kevbe avbe ẹwobi emwa keghi rre, iran deba irẹn kevbe erhuanegbe ẹre gha rri evbare.

Iyẹn ne ọ Maan Ọghe Mak 3:18

Andru, Filip, Batolomiu, Matiu, Tọmọs, Jems ne ovbi Alfiọs, Tadiọs, Saimọn ne oya-a-ya-sinmwi-ẹvbo-ọmwa,

Iyẹn ne ọ Maan Ọghe Luk 6:15

Matiu kevbe Tọmọs, Jems, ne ovbi e Alfiọs kevbe Saimọn (ne oya-a-ya-sinmwi-ẹvbo-ọmwa.)

Iwinna 1:13

Iran la Jerusalẹm, iran kegha rrie owa ne iran dia: Pita, Jọn, Jems, kevbe Andru, Filip kevbe Tọmọs kevbe Batolomiu kevbe Matiu, Jems ne ovbi Alfiọs, Saimọn, ne ọya a ya sinmwi ẹvbo ọmwa, kevbe Judas ne ovbi e Jems.

Galatia 1:16

Ọ ghi vbe wẹ rẹn ra rhie ovbi ẹre ma mwẹ ne I miẹn ehe na ya gha kpe orhu Iyẹn Ne ọ maa vbe ekpa ẹre ma iran ne ẹ i re Ju, I ma vbe bu ọmwa rhọkpa wẹ ne ọ bu mwẹ ude,