Matiu 9:8 - Edo Bible (E Baibol Ẹdo) Version 1996

⁸ Ugbẹn vbe avbe emwa ni ghi miẹn emwi na, ohan mu iran, iran keghi rho Osanobua vbe uyi ye ne ọ na rhie egbe ẹtin vberriọ ne emwa.

Matiu 9:8 ပူးပေါင်းရင်းမြစ်များ

Matiu 12:23

Unu keghi wa yan emwa hia. Iran keghi suẹn gha nọ wẹẹ, “Ovbi e Devid ọna ghi khin ra?”

Matiu 15:31

Unu keghi yan emwa hia vbe iran miẹn wẹ odin guanrẹn, uke khiaẹn, egbe rran arọe, arhuaro bẹghe. Iran keghi rho Osanobua Izrẹl vbe uyi.

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Matiu 5:16

Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.

Matiu 9:7

Okpia ni keghi guakpao, ọ na gha rrie.

Iyẹn ne ọ Maan Ọghe Mak 2:12

Ehe ne iran hia na ghe ẹre nii, okpia ni keghi guakpao, ọ kie ewa ẹre, ọ na giẹgiẹ gha rrie. Unu keghi yan iran hia, iran rho Osanobua vbe uyi wẹẹ, “Aro ima ma he vbe sẹ egbe ọna ẹdẹ.”

Iyẹn ne ọ Maan Ọghe Mak 7:37

Unu keghi yan emwa hia ni họn ẹn, iran wẹẹ, “Ọ dọlọ emwi hia yi, ọ ruẹe ne odin gha guan ọ vbe ruẹe ne ayin ehọ gha họn ẹmwẹ.”

Iyẹn ne ọ Maan Ọghe Luk 13:13

Rẹn keghi rhie obọ yan rẹn, ọwarọkpa nii okhuo nii keghi nien egbe ua, ọ na gha rho Osanobua vbe uyi.

Iyẹn ne ọ Maan Ọghe Luk 17:15

Ọkpa vbe uwu iran ghi miẹn ighe egbe rran irẹn, ọ werriegbe, ọ na gha go wan Osanobua.

Iyẹn ne ọ Maan Ọghe Luk 17:18

Vbe a na miẹn hẹ ighe orhunmwuyẹn na ọkpa ọre ọ ghi dọlegbe rre do kpọnmwẹ Osanobua?”

Iyẹn ne ọ Maan Ọghe Luk 18:43

Vbe ọwarọkpa nii, ọ kegha dẹghe, ọ keghi lele Jesu, ọ na gha rho Osanobua vbe uyi.

Iyẹn ne ọ Maan Ọghe Luk 2:20

Avbe Ọsuohuan keghi werriegbe, iran kegha so ihuan rho Osanobua rhunmwuda emwi ne iran họn ẹn kevbe ne aro iran sẹe ne ọ wa gha ye zẹ vbene avbe odibosa tama iran.

Iyẹn ne ọ Maan Ọghe Luk 23:47

Ọkaokuo ghi miẹn emwi ne ọ sunu, ọ rho Osanobua vbe uyi wẹẹ, “Vbe ẹmwata ọmwa esiesi te nọ.”

Iyẹn ne ọ Maan Ọghe Luk 7:16

Ohan keghi mu emwa hia, iran keghi rhie uyi ne Osanobua wẹẹ, “Akhasẹ nọkhua zọ ladian vbe uwu ima,” kevbe wẹ, “Osanobua rre do miẹn emwa rẹn fan!”

Iyẹn ne ọ Maan Ọghe Jọn 15:8

Odẹ vberriọ ọre a ya rhie uyi Erha mwẹ maa, wa ghi kakabọ mọ, wa ghi do gha re erhuanegbe mwẹ.

Iwinna 11:18

Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”

Iwinna 21:20

Iran ghi danmwehọ ẹre nẹ, iran keghi rho Osanobua vbe uyi. Iyeke ọnii, iran keghi tama Pọl wẹẹ, “Ọtẹn mwa, wẹ tobọ miẹn vbene emwi hia ye hẹ. Arriaisẹn arriaisẹn ọre emwa e Ju ni he yayi wa khin, deba ẹre, te iran wa he gba Uhi mu obọ gbangbaangban.

Iwinna 4:21

Iko ni keghi dọlegbe tua unu muẹn ma iran, iran keghi fannọ iran kua. Iran ma miẹn emwi de obọ mu ya rri iran oya rhunmwuda, emwa hia keghi wa gha rho Osanobua ye emwi ne ọ sunu.

II Kọrinti 9:13

Kevbe rhunmwuda emwi ne ọ ghi la ekpa iwinna uwa na vẹ ne agbọn rẹn, emwa ni bun ghi rhie uyi ne Osanobua ye ẹmwẹ iyẹn ne ọ maa ọghe Kristi ne ọ rre uwa ekhọe, kevbe ne uwa vbe yayi, kevbe obọ ẹse ne ọ tọlọ uwa ghe iran, kevbe emwa ọvbehe.

Galatia 1:24

Rhunmwuda ọnii iran keghi rhunmwuda mwẹ rho Osanobua vbe uyi.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.