6 I gha rhie ma uwa nian ighe Ovbi Ọmwa mwẹ asẹ ne a ya ye orukhọ bọ ọmwa.” Ọ keghi tama ọmwa ne arọ kinmwi ni, “Kpaegbe, tọn ukpo ruẹ mu ne u gha rrie owa!”
Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.
Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.
Emwa eso keghi ya ewa dada ọmwa ọkpa ne arọ kinmwi bu ẹre rre. Jesu miẹn wẹ iran wa mwẹ iyayi, ọ keghi tama ọmwa ne arọ kinmwi ni wẹẹ, “Ovbi mwẹ dọlọ aro yi vbe uhunmwu. A ye avbe orukhọ ruẹ hia bọọ.”
Avbe iran ni ma emwa Uhi kevbe avbe Farisi keghi suẹn gha kha wẹẹ, “Vbe ọna ghe okpia ke rre yi ne ọ fi unu gie Osanobua vbe nian? Ọmwa ọkpa ne ọ sẹtin ye orukhọ bọ ọmwa ẹ i rrọọ gberra Osanobua.”
Osanobua keghi tọn ẹn mu gha rrie obọ erha ọmwa ẹnrẹn zẹ vbe ọkaolotu kevbe Ọmiọnmwafan, ne ọ miẹn ehe na rhie ẹghẹ ne ivbi Izrẹl ya ro iro fi uyinmwẹ werriẹ, ne a miẹn ehe na ya orukhọ iran bọ iran.
Wa gha ya emwi ne ọmwa ọkpa baku ru bọ ẹe, mẹ vbe ya bọ ẹe. Rhunmwuda, I gha ya bọ ọmwa, adeghẹ abaku ru ọkpa gele rrọọ ne I ya bọ ọmwa, rhunmwuda uwa ọre I na ru ẹe vbe sirra Kristi.
Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.