Matiu 9:4 - Edo Bible (E Baibol Ẹdo) Version 1996

⁴ Jesu rẹn iro ne iran zẹ, ọ keghi kha wẹẹ, “Vbọzẹ ne uwa na ro iro dan na yi?

Matiu 9:4 ပူးပေါင်းရင်းမြစ်များ

Psalm 139:2

U rẹn emwi ne I ru hia, urria gban an ọ re u na rẹn iro ekhọe mwẹ hia.

Psalm 44:21

wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.

Ezikiẹl 38:10

Ẹmwẹ ne Nọyaẹnmwa ne Udazi tama e Gọg ọ re ọ ọna khin, “Ọ gha ghi sẹ ẹghẹ nii, u gha suẹn gha mwamwa emwamwa dan vbe ẹko ruẹ.

Matiu 12:25

Jesu rẹn emwi ne ọ rre iran ekhọe, ọ keghi tama iran wẹẹ, “Agbọn ẹvbo ọkpa gha fian egbe ye iheva gha gu egbe khọn nẹ, ẹ i ghi tọ. Igiowa ra okpẹvbo gha fian egbe ye iheva gha gu egbe khọn, te ọ zagha.

Iyẹn ne ọ Maan Ọghe Mak 12:15

Sokpan Jesu rẹn ehe ne iran ghae yi nẹ, ọ keghi wanniẹn wẹẹ, “Vbọzẹ ne uwa na gualọ mwẹ ẹmwẹ ne unu? Wa rhie agiẹghẹ igho ẹrọnmwọ ọkpa mẹ ghe vbe vba.”

Iyẹn ne ọ Maan Ọghe Mak 2:8

Jesu wa rẹn vbe ọwarọkpa emwi ne ọ rre iran ekhọe, ọ keghi tama iran wẹẹ, “Vbọzẹ ne uwa na zẹ iro vberriọ yi?

Iyẹn ne ọ Maan Ọghe Luk 11:17

Jesu rẹn ehe ne iran ghae yi, ọ na tama iran wẹẹ, “Ẹvbo ọkpa gha ghi wannọ egbe ye dọmwadẹ oka gha gu egbe khọn nẹ, ẹ i ghi tọ, ẹgbẹe ne ọ wannọ egbe, gha zagha.

Iyẹn ne ọ Maan Ọghe Luk 5:22

Jesu wa rẹn iro ne iran zẹ, ọ keghi tama iran wẹẹ, “Vbe uwa na ro iro vberriọ heẹẹ?

Iyẹn ne ọ Maan Ọghe Luk 6:8

Sokpan Jesu rẹn emwi ne ọ rre iran ekhọe, ọ keghi tama ọmwa ne obọ ẹre sikuẹn ni wẹẹ, “Kpaegbe, do mudia ye odaro vbe edinran.” Okpia ni keghi kpaegbe, ọ na ya mudia ye evba.

Iyẹn ne ọ Maan Ọghe Luk 7:40

Jesu keghi tama Saimọn wẹẹ, “Saimọn I mwẹ emwi ọkpa ne I ho ne I tama ruẹn.” Rẹn wanniẹn tama rẹn wẹẹ, “Gha guan ọmamwaemwi, ta ẹe ma mwẹ.”

Iyẹn ne ọ Maan Ọghe Jọn 16:19

Jesu rẹnrẹn ighe iran ho ne iran nọ irẹn ọta, ọ keghi tama iran wẹẹ, “I khare wẹ, ‘Ọ kẹe ovbi ẹghẹ kherhe nian, wa i ghi ra miẹn mwẹ, ovbi ẹghẹ kherhe vbe iyeke ọnii, wa gha vbe miẹn mwẹ.’ Ọnii wa muan ẹmwẹ yi ra?

Iyẹn ne ọ Maan Ọghe Jọn 16:30

Ma rẹnrẹn nian ighẹ u rẹn emwi hia, ẹ i re ne ọmwa rhọkpa vbe ka do nọ ruẹn ọta nẹ. Ọna gie ima rẹn nian ighẹ ọghe Osanobua ọre u ke rre.”

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

Iyẹn ne ọ Maan Ọghe Jọn 6:61

Vbene a ma na vbe zẹdẹ ya ha ẹre ehọ, Jesu keghi wa rẹn wẹ avbe erhuanegbe ẹre gui ẹzọ uwu unu ye ẹmwẹ na, rhunmwuda ọnii, rẹn keghi tama iran wẹẹ, “Ọ na ọ ghi ra ya uwa mu goo ra?

Iyẹn ne ọ Maan Ọghe Jọn 6:64

Sevba, eso vbe uwu uwa ma he ye yayi.” (Rhunmwuda Jesu wa rẹn iran ne ẹ i ra yayi ke omuhẹn gha dee kevbe ọmwa ne ọ gha rhie ẹre maa.)

Iwinna 5:9

Rhunmwuda ọnii, Pita tama rẹn wẹẹ, “Vbọzẹ ne uwẹ vbe ọdafọn na gha si uma wẹ, ne uwa do danmwẹ Orhiọn Nọyaẹnmwa ghee? Iran ni ya tọn ọdafọn ye otọ wa rre onurho nian, iran gha vbe mu uwẹ ladian ba ẹre.”

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.