Matiu 9:36 - Edo Bible (E Baibol Ẹdo) Version 1996

³⁶ Ugbẹn vbe ọ ghi miẹn avbe emwa ni gbe ẹbu, ekhọe ẹre keghi vuọn ne agiẹngiẹn, rhunmwuda ehia wa khọn yo khọn rre zẹ vbe ohuan ne ẹ i mwẹ nọ suẹe.

Matiu 9:36 ပူးပေါင်းရင်းမြစ်များ

I Ọba 22:17

E Makaia keghi wanniẹn wẹẹ, “I bẹghe ivbi Izrẹl hia zagha lele uhunmwu oke hia zẹ vbe ohuan ne ẹ i mwẹ nọ suẹe. E Nọyaẹnmwa keghi kha wẹẹ, ‘Iran na i mwẹ olotu, wa gie iran hẹko gha rrie owa.’ ”

II Krọnikol 18:16

Mikaia ke kha wẹẹ, “I bẹghe ivbi Izrẹl vbe iran tagha gba uhunmwu oke zẹ vbe ohuan nẹi mwẹ ne ọ su ẹe. Ẹre Nọyan na kha wẹẹ, Emwa na i mwẹ ọkaolotu, gie iran hẹko gha rrie!”

Aizaia 13:14

“Avbe orhunmwuyẹn ni rre Babilọn gha lẹ gha rrie ẹvbo iran, iran ghi zagha a vbe ẹrhuẹ ni lẹ ne ohuẹ kevbe avbe ohuan ni i mwẹ ne ọ su iran.

Jerimaia 50:6

“Avbe emwa mwẹ yevbe avbe ohuan ne ni su ẹe gie ẹ wii ye uhunmwu oke. Iran hẹ yo hẹ rre ke oke ọkpa ya sẹ ọvbehe zẹ vbe avbe ohuan, iran mianmian ehe ne owa iran ye nẹ.

Zẹkaraia 10:2

Emwa ghi ya gha nọ avbe amazẹ kevbe iran ni bọ, sokpan ewanniẹn ne iran miẹn ohoghe ne ọ mwamwa ọ re ehia khin. Eso ghi gha rhan otọ imina, sokpan, te iran bibi uwa odẹ kẹkan. Ọfumwegbe ne iran rhierre i mwẹ esa. Rhunmwuda ọnii, avbe emwa ni ghi gha hẹ yo hẹ rre zẹvbe ohuan ne ọ wiri. Iran rre uwu orueghe rhunmwuda, ọkaolotu i rrọọ.

Zẹkaraia 11:16

I rhie ọsuohuan ne ọ gha su ohuan mwẹ, sokpan, ẹ i zẹ ye avbe ohuan ne ọfuan wa sobọ vbe urho ẹre vbọ re, ra ne ọ ya gualọ ne ọ wiri, ra ne ọ sinmwi iran ne a kuan rẹn, ra ne ọ koko ni gha vbe miẹn uhunmwu vbọ. Ne ọ gha na te ru vberriọ. emiowo ọghe ni ti ni rrọ ọre ọ re, ọ ghi gha bannọ iran ibata owẹ hẹ kua.

Nọmbas 27:17

Ne ọ gha vbe sẹtin gha su iran ye igbinna ne emwa ruẹn ghẹ do ye vbe ohuan ne ẹ i mwẹ ọsuohuan.”

Matiu 10:6

Wa bu ohuan ni wiri ni rre ivbi Izrẹl gha khian.

Matiu 14:14

Jesu keghi kpao hin uwu okọ rre, ugbẹn vbe ọ ghi miẹn avbe emwa na, ohan iran to ẹe ẹsẹse, ọ keghi sinmwi ne egbe ma rran vbe uwu iran.

Matiu 15:24

Jesu keghi wanniẹn wẹẹ, “Ohuan ni wiri ni rre ivbi Izrẹl ọkpa ọre a gie mwẹ bu gha dee.”

Matiu 15:32

Jesu keghi tie avbe erhuanegbe ẹre, ọ tama iran wẹẹ, “Ohan avbe emwa na wa to mwẹ rhunmwuda ikpẹdẹ eha gha dee iran kegha gun mwẹ rre emwa, evbare ighi gue iran nian. I ma ho ne I zẹ iran urrie vbe ẹko ohanmwẹ ne iran ghẹ ya sahẹ vbe odẹ.”

Iyẹn ne ọ Maan Ọghe Mak 6:34

Ugbẹn vbe Jesu ghi ke uwu okọ ladian, ọ miẹn emwa ni gbe ẹbu nii, ohan iran keghi to ẹe ẹsẹse rhunmwuda iran ye vbe ohuan ne ẹ i mwẹ ne ọ su ẹe. Ọ kevbe suẹn gha ma iran emwi ni bun ẹsẹse.

Iyẹn ne ọ Maan Ọghe Mak 8:2

“Ohan emwa na wa to mwẹ, rhunmwuda ke nẹghẹdia gha dee iran kegha gunmwẹ rre emwa, evbare i ghi gue iran nian.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.

Hibru 5:2

Rhunmwuda ighẹ odẹ ni bun ọre irẹn ma na gba, rẹn tobọ ẹre ọ ghi gha ye obọ nekhuẹrhẹ mu iran ni ma rẹn ne a ye, kevbe ni ha emwi ku ru.