Matiu 9:30 - Edo Bible (E Baibol Ẹdo) Version 1996

³⁰ Aro iran keghi rhan. Jesu na tua unu muẹn tama iran wẹẹ, “Wa ghẹ tama ọmwa rhọkpa!”

Matiu 9:30 ပူးပေါင်းရင်းမြစ်များ

Psalm 146:8

Ọ ghi vbe rhan avbe arhuaro aro. Ọ munọ iran ni dele kpaegbe; ọ ho ẹmwẹ emwa ẹmwata ọghọe.

Aizaia 35:5

Arhuaro gha bẹghe odẹ, ayin ehọ gha họn ẹmwẹ.

Aizaia 42:7

U gha rhan aro avbe arhuaro, u ghi fannọ iran ni tota ye ẹwẹdọ ne ọ so ebiebi kua.

Aizaia 52:13

E Nọyaẹnmwa khare wẹẹ, “Ọguọmwadia mwẹ gha miẹn ọ dunnaẹn vbe iwinna ne a wa ne ẹẹn; a gha ya ọghọ nọkhua ne ẹẹn.

Matiu 12:16

Sokpan ọ tama iran wẹ ne iran ghẹ gie emwa ọvbehe rẹn,

Matiu 17:9

Iran ghi tuorre ke uhunmwu oke dee, Jesu tama iran wẹẹ, “Wa ghẹ ta umian ne uwa miẹn na ma ọmwa rhọkpa, a te do huẹn Ovbi Ọmwa kpao vbe orinmwi.”

Matiu 8:4

Jesu keghi tama rẹn wẹẹ, “Danmwehọ, ghẹ tama ọmwa rhọkpa. Wa bu ohẹn gha khian nian ne ọ ghe ruẹ egbe, ya zọ ese ne Mosis fian yọ ne emwa miẹn ehe na rẹn ghe egbe rran ruẹn nẹ.”

Iyẹn ne ọ Maan Ọghe Mak 1:43

Jesu keghi tua unu mu ẹn tama rẹn, ọ keghi rhie ẹre ladian vbe ọwarọkpa nii, ọ wẹẹ,

Iyẹn ne ọ Maan Ọghe Mak 3:12

Jesu keghi yi iyi ne avbe orhiọn esu ni khuankhuanankhuan ne iran ghẹ ta ọmwa ne irẹn khin ma emwa.

Iyẹn ne ọ Maan Ọghe Mak 5:43

Sokpan Jesu kakabọ tama iran wẹ ne iran ghẹ tama ọmwa rhọkpa. Ọ keghi rhie tẹe wẹẹ, “Wa rhie evbare nẹ ẹn re.”

Iyẹn ne ọ Maan Ọghe Luk 5:14

Jesu keghi tama rẹn wẹẹ, “Ghẹ tama ọmwa rhọkpa, sokpan, bu ohẹn gha khian ne ọ ghe ruẹ egbe, iyeke ọnii, u ghi ya zọ ese ne Mosis mwamwa yọ ne u ya rhie ma emwa hia ighe u huan nẹ!”

Iyẹn ne ọ Maan Ọghe Luk 8:56

Izegbe na wa zẹ evbibiẹ ọe, sokpan Jesu yan ma iran ne iran ghẹ ta emwi ne ọ sunu ma ọmwaikọmwa.