Matiu 9:26 - Edo Bible (E Baibol Ẹdo) Version 1996

²⁶ Iyẹn na keghi titi gba otọe ni hia.

Matiu 9:26 ပူးပေါင်းရင်းမြစ်များ

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Matiu 9:31

Sokpan ugbẹn vbe iran ghi kpao vbe evba, iran keghi na iyẹn Jesu gba ikinkin ni hia.

Iyẹn ne ọ Maan Ọghe Mak 1:28

Rhunmwuda ọnii, ẹmwẹ Jesu keghi wa titi gba ehe hia vbe isoko Galili.

Iyẹn ne ọ Maan Ọghe Mak 1:45

Sokpan okpia na ghi ladian, ọ keghi wa rhie ẹre ye ahẹn bọnmwẹ lele ehe hia, obọ ọre de otọ sẹrriọ wẹẹ, adesẹ ore ẹvbo ma ghi gie Jesu lao. Rẹn gha ghi yakọ vbe ehe ne ọ divbiẹ, emwa ghi ke ehe hia do gha vba ẹre vbe evba.

Iyẹn ne ọ Maan Ọghe Mak 6:14

E Hẹrọd ne Ọba họn ẹmwẹ na hia rhunmwuda te otiti Jesu ghi wa gba ehe hia. Emwa eso keghi wẹ, “Jọn ne Ọsamẹ dọlegbe rhiọrre. Ọnii ọ si ẹe ne ọ na mwẹ ẹtin vbe nian.”

Iyẹn ne ọ Maan Ọghe Luk 4:14

Jesu keghi werriegbe gha die Galili. Ẹtin Orhiọn Ne Ọ Huanrẹn keghi rrọọ yaba ẹre. Ẹmwẹ ọnrẹn keghi titi gba iwewe nii hia.

Iyẹn ne ọ Maan Ọghe Luk 4:37

Ẹmwẹ Jesu keghi titi gba ehe hia vbe ikinkin nii.

Iyẹn ne ọ Maan Ọghe Luk 5:15

Sokpan otiti Jesu keghi dọlegbe gha vẹ khian, emwa kegha vẹ bu ẹre rre ne iran do danmwehọ ẹmwẹ ọnrẹn kevbe ne ọ vbe sinmwi iran hin ohọ emianmwẹ ne iran khuọnmwi rre.

Iyẹn ne ọ Maan Ọghe Luk 7:17

Ẹmwẹ Jesu keghi titi gba Judia kevbe avbe agbọn ẹvbo ni lẹga ẹre hia.

Iwinna 26:26

Agripa ne ọba, emwi ne ọ ya mwẹ gu uẹ guan saisai na ọrọre rhunmwuda ighẹ u rẹn otọ emwa na hia, mẹ yayi ighẹ aro ruẹ da emwi na hia ọkpọkpa rhunmwuda ọkpa ne a do ru ẹ i rre avbe emwi na hia.