Matiu 9:2 - Edo Bible (E Baibol Ẹdo) Version 1996

² Emwa eso keghi ya ewa dada ọmwa ọkpa ne arọ kinmwi bu ẹre rre. Jesu miẹn wẹ iran wa mwẹ iyayi, ọ keghi tama ọmwa ne arọ kinmwi ni wẹẹ, “Ovbi mwẹ dọlọ aro yi vbe uhunmwu. A ye avbe orukhọ ruẹ hia bọọ.”

Matiu 9:2 ပူးပေါင်းရင်းမြစ်များ

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Matiu 14:27

Vbe ọwarọkpa ni, Jesu tama iran wẹẹ, “Wa ghẹ runran Mẹ nọ. Wa ghẹ gie ohan mu uwa!”

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Matiu 6:12

Ya orukhọ mwa hia bọ mwa, vbe ne ima ya bọ enirumwakhọ.

Matiu 8:10

Ẹmwẹ na keghi wa yan Jesu unu an vbe ọ họẹn, ọ keghi tama iran ni lelẹe khian wẹẹ, “I ma he miẹn ọmwa ne ọ mwẹ iyayi vbenian vbe avbe emwa Izrẹl.

Matiu 8:16

Ugbẹn vbe ọ ghi sẹ ota, iran keghi viọ emwa nibun ni mwẹ orhiọn esu bu Jesu rre. Rẹn keghi ya ẹmwẹ unu khulo avbe orhiọn esu ni ladian, ọ keghi sinmwi iran nikhuọnmwi hia.

Matiu 9:22

Jesu keghi fi egbe werriẹ, ugbẹn vbe ọ ghi bẹghe ẹre ọ tama rẹn wẹẹ, “Ovbi mwẹ dọlọ aro yi vbe uhunmwu, iyayi ruẹ muẹn egbe rran nẹ.” Vbe ọwarọkpa ni, egbe keghi wa rran okhuo ni.

Matiu 9:5

De ne ọ fu egbe sẹẹ. Ne a kha wẹẹ, ‘A ye avbe orukhọ ruẹ bọọ’ ra ‘Kpaegbe ne u gha khian?’

Matiu 9:6

I gha rhie ma uwa nian ighe Ovbi Ọmwa mwẹ asẹ ne a ya ye orukhọ bọ ọmwa.” Ọ keghi tama ọmwa ne arọ kinmwi ni, “Kpaegbe, tọn ukpo ruẹ mu ne u gha rrie owa!”

Iyẹn ne ọ Maan Ọghe Mak 1:32

Ugbẹn vbe ọ ghi sẹ ota, vbe ovẹn ghi dero nẹ, iran keghi viọ emwa ni khuọnmwi hia kevbe ni mwẹ orhiọn dan bu Jesu gha dee.

Iyẹn ne ọ Maan Ọghe Mak 10:49

Jesu keghi mudia, ọ na wẹ ne a tie ẹre rre. Rhunmwuda ọnii, iran bu arhuaro nii gha dee do tama rẹn wẹẹ, “Fanmwẹ egbe rua ighe ọ tie ruẹ.”

Iyẹn ne ọ Maan Ọghe Mak 5:34

Jesu tama rẹn wẹẹ, “Ovbi mwẹ, iyayi ruẹ mu uẹn egbe rran nẹ. Gha khian vbe ọfumwegbe, a fannọ obọ ọlọghọmwa hin ruẹn egbe rre nẹ.”

Iyẹn ne ọ Maan Ọghe Mak 6:50

Rhunmwuda te iran hia wa runran vbe iran dẹghe ẹre. Ọwarọkpa nii, Jesu gu iran guan wẹẹ, “Wa ghẹ gie ohan mu uwa ighe mẹ nọ.”

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Iyẹn ne ọ Maan Ọghe Jọn 2:25

Ẹ i re ne ọmwa vbe gha ta otọ vbene emwa ye hẹ ma rẹn rhunmwuda, rẹn rẹn emwi ne ọ rre dọmwadẹ ọghọe ekhọe ẹsẹse.

Iyẹn ne ọ Maan Ọghe Jọn 21:5

Rẹn keghi tama iran wẹẹ, “Ivbi ikpia, obọ uwa vba emwi ra?” Iran wanniẹn wẹẹ, “Hiehie re.”

Iwinna 14:9

Ọ kegha danmwehọ e Pọl vbe ọ guan. Pọl keghi miẹn wẹ ọ mwẹ iyayi, ọ gha gie a mu ẹre egbe rran, rhunmwuda ọnii, ọ keghi ghe ẹre sun uun.

Iwinna 19:12

Uhin ighẹ te a gha viọ ukpọn ne a ya khian ọfọ kevbe ukpọn ne a rhie yan egbe ne ọ lo nẹ gie avbe ọkhọnmwọ, a ghi ho emianmwẹ iran bẹkun, orhiọn dan ghi la hin uwu iran rre.

Iwinna 23:11

Vbe asọn ne ọ lele ẹe, e Nọyaẹnmwa keghi gu e Pọl mudia, ọ tama rẹn wẹ, “Ghẹ fian afianma! U sẹ osẹe mẹ ne vbe Jerusalẹm vbe emwa na, u gha vbe ru vberriọ vbe Rom.”

Ebe ne Pọl gbẹẹn gie emwa Rom 5:11

Sokpan ẹ i re erriọ ọ sẹe, te ima ghi sẹ ọyẹnmwẹ vbe uwu Osanobua vbe ekpa Nọyaẹnmwa Jesu Kristi ne ọ ya ima khian ọse Osanobua.

Jems 2:18

Sokpan orhiọnkpa sẹtin kha wẹ, “Wẹ mwẹ iyayi, mẹ mwẹ iwinna.” Ewanniẹn mwẹ ọrọre wẹ, “Tama mwẹ vbene u gha sẹtin gha mwẹ iyayi hẹẹ vbene iwinna ina rrọọ, mẹ gha ya iwinna rhie iyayi mwẹ ma ruẹn.”